Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Мырҙағәлимов Ғәзиз Ғәбиҙулла улы

Ғәзис Ғәбиҙулла улы Мырҙағәлимов[1]рус. Газис Габидулович Мурзагали́мов; 1923 йылдың 15 авгусы, Арғаяш кантоны, Башҡорт АССР-ы — 1990 йылдың 11 июне, Арғаяш районы, Силәбе өлкәһе) — Бөйөк Ватан һуғышында ҡатнашыусы, орудие командиры, кесе сержант. Советтар Союзы Геройы (1944).

Биографияһы

Мырҙағәлимов Ғәзис (Ғәзиз) Ғәбиҙулла улы 1923 йылдың 15 авгусында Башҡорт АССР-ы Арғаяш кантоны (хәҙерге Силәбе өлкәһе Арғаяш районы) Наҡай ауылында тыуған. Башҡорт.

1942 йылдан Ҡыҙыл Армияла. Ялан, 2‑се һәм 3‑сө Украина фронттарында хеҙмәт итә.

Ялан фронтында 37‑се армияның 1‑се механизацияланған корпусы 75‑се танкыға ҡаршы истребитель артиллерия полкының орудие командиры кесе сержант Ғәзиз Мырҙағәлиев 1943 йылдың 17 авгусында Харьков өлкәһе Дергачёв районы Полевая ҡасабаһы янындағы алышта артиллерия уты менән һөжүм итеүсе дошман рәттәрен тарата. Шул уҡ йылдың 2 октябрендә Днепропетровск өлкәһе Верхнеднепровск районы Мишурин Рог ауылы тирәһендә Днепр йылғаһы аша сыҡҡанда, дошман танкыһын юҡ итеп, фашист пехотаһының һәм 12 танкыһының контрһөжүмен кире ҡаға. Күрһәткән батырлыҡтары өсөн, СССР Юғары Советы Президиумының 1944 йылдың 22 февралдәге Указына ярашлы, «Советтар Союзы Геройы» исеменә лайыҡ була[2][3][4].

Һуғыштан һуң 1945—1973 йылдарҙа Сәмәрҡәнд ҡалаһының «Ҡыҙыл двигатель» заводында суйынсы булып эшләй. 1946 йылдан КПСС ағзаһы.

1973—1990 йылдарҙа Силәбе ҡалаһында йәшәй, Силәбе трактор заводының тимер иретеү цехында эшләй.

1990 йылдың 11 июнендә вафат була. Силәбе өлкәһе Арғаяш районы Дәрбиш (Дәрүиш) ауылында ерләнгән[5]

Мактаулы исемдәре һәм башҡа бүләктәре

Хәтер

  • Арғаяш районы Илембәт ауылы урамдарының береһе һәм Дәрбиш мәктәбе Ғәзиз Мырҙағәлиевтың исемен йөрөтә.
  • Силәбе ҡалаһында, 1982—1990 йылдарҙа Ғәзиз Мырҙағәлиев йәшәгән йортҡа мемориаль таҡтаташ ҡуйылған[8].

Иҫкәрмәләр

  1. ↑ В Указе о награждении званием Героя Советского Союза указан как Мурзагалимов Газиз Габидулович
  2. ↑ 1 2 Бүләкләү ҡағыҙы «Халыҡ батырлығы» мәғлүмәт электрон базаһында
  3. ↑ 1 2 Указ «Халыҡ батырлығы» мәғлүмәт электрон базаһында
  4. ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 марта (№ 13 (273)). — С. 1
  5. ↑ Мырҙағәлимов Ғәзиз Ғәбиҙулла улы. «Герои страны» сайты.
  6. ↑ Бүләкләнеүсенең учёт карточкаһынан мәғлүмәт «Халыҡ батырлығы» мәғлүмәт электрон базаһында
  7. ↑ Бүләкләү ҡағыҙы «Халыҡ батырлығы» мәғлүмәт электрон базаһында
  8. ↑ Мемориальная доска Мурзагалимову Газизу Габидуловичу. Сайт архиват.рф. Мөрәжәғәт итеү датаһы: 18 май 2015. 2016 йылдың 10 август көнөндә архивланған.

Әҙәбиәт

  • Бессмертен подвиг их высокий: Библиогр. указ. / Сост. Л. И. Булатова. Ч., 1985.
  • Гантов В. А. Кавалер Золотой звезды // Победа во имя мира: Сб. Ч., 1980.
  • Герои Советского Союза: Крат. биогр. слов. Т. 2. М., 1988.
  • Мурзагалимов Газиз Габидуллович // Победа века: Челяб. обл. в Великий Отечеств. войне: Попул. воен. энцикл. Ч., 2000.

Һылтанмалар

Категориялар