Фәсхетдинов Ридик Әхмәт улы
Ридик Әхмәт улы Фәсхетдинов (рус. Фасхитдинов Ридик Ахметович; 1940 йылдың 16 марты, Темәс, Башҡорт АССР-ы — 2022 йылдың 16 майы) — совет баянсыһы. РСФСР-ҙың атҡаҙанған (1989), Башҡорт АССР‑ының халыҡ (1982) артисы. Салауат Юлаев ордены кавалеры (2015).
Биографияһы
1940 йылдың 16 мартында Башҡорт АССР-ының Баймаҡ районы Темәс ауылында тыуған.
1962 йылда Өфө сәнғәт училищеһын тамамлай (П. С. Петрова класы). Унан һуң Башҡорт дәүләт халыҡ бейеүҙәре ансамбле (Фәйзи Ғәскәров исемендәге халыҡ бейеүҙәре ансамбле) концертмейстеры була.
1975 йылда Башҡорт телевидениеһында музыкаль программалар режиссеры була.
1975 йылдан алып Башҡорт филармонияһының Халыҡ музыка ҡоралдары милли оркестрының баянсы-солисы, 2004 йылда солисы итеп тәғәйенләнә[1].
Музыкант 2022 йылдың 16 майында Өфө ҡалаһында вафат була[2].
Репертуары
Репертуарында Н. Я. Чайкиндың баян менән оркестр өсөн концерты, башҡорт халыҡ йырҙары һәм инструменталь көйҙәре, донъя халыҡтары музыкаль әҫәрҙәре.
Хөсәйен Әхмәтов, Нур Дауытов, Заһир Исмәгилев, Александр Ключарёв, Рим Хәсәнов һәм башҡа композиторҙар әҫәрҙәре һәм баян өсөн эшкәртмәләре.
Башҡорт, татар, рус, афган, венгр, монгол, пакистан халыҡ музыка темаларына попурри.
Мәскәүҙә Башҡорт әҙәбиәте һәм сәнғәте аҙнаһында (1961) ҡатнаша.
Мәскәү—Дрезден—Рим—Флоренция—Венеция—Варшава маршруты буйынса «ЮНЕСКО-ның донъя мәҙәни ҡаҙаныштары. Цивилизациялар диалогы» экспедицияһында (2002) ҡатнашыу бәхетенә өлгәшә.
СССР, Рәсәй буйлап һәм донъяның 24 илендә гастролдәрҙә була[1].
Ғаиләһе
- Ҡустыһы — Әхәт Фәсхетдинов.
Маҡтаулы исемдәре һәм башҡа наградалары
- Салауат Юлаев ордены (2015);
- РСФСР-ҙың атҡаҙанған артисы (1989);
- Башҡорт АССР-ының халыҡ артисы (1982;
- Башҡорт АССР-ының атҡаҙанған артисы (1974);
- Халыҡ-ара халыҡ музыка ҡоралдары оркестрҙары һәм ансамблдәре конкурс-фестивале дипломанты (Магнитогорск, 2007)[1].
Иҫкәрмәләр
- ↑ 1 2 3 Г. А. Ишкинина. Фәсхетдинов Ридик Әхмәт улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- ↑ Ушел из жизни легендарный башкирский баянист Ридик Фасхитдинов. ИА «Башинформ», 16 мая 2022 года (рус.) (Тикшерелеү көнө: 16 май 2022)
Һылтанмалар
- Г. А. Ишкинина. Фәсхетдинов Ридик Әхмәт улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.