Амангилдина Римма Зәйнетдин ҡыҙы

Римма Зәйнетдин ҡыҙы Амангилдина 1972 йылдың 1 апрелендә Башҡорт АССР-ының^[1]Әбйәлил районы Хәлил ауылында тыуған.

1993 йылда — Өфө сәнғәт училищеһын (Ф. Ф. Сәғитова класы), 1995 йылда Заһир Исмәғилев исемендәге Өфө дәүләт сәнғәт институтын тамамлай.

Хеҙмәт юлын 1993 йылда Хөсәйен Әхмәтов исемендәге Башҡорт дәүләт филармонияһында башлай һәм шунда дауам итә. Оҙаҡ ваҡыт «Йәдкәр» фольклор төркөмөндә эшләй.

2002 йылда Бүздәк консерва комбинатының йөҙө була — комбинат сығарған продукцияларҙың этикеткаларына уның фотоһы ҡуйыла^[2].

Башҡорт халыҡ йырҙары «Зәлифәкәй», «Сәлимәкәй», «Һырдарья», «Түңәрәккәй күл», «Уйнат гармундарыңды»; Хөсйен Әхмәтов, Заһир Исмәғилев, Таһир Кәримов, Салауат Низаметдинов, Нариман Сабитов, Роза Сәхәүетдинова, Артур Туҡтағолов һәм башҡа авторҙарҙың йырҙарын һәм романстарын башҡара.

• Тормош иптәше — Ирек Булатов, совет, Рәсәй театр һәм кино актёры, Башҡорт дәүләт академия драма театры артисы. Башҡортостан Республикаһының атҡаҙанған артисы (2008).
• Улы — Илнур^[3].
• Һеңлеһе — Дамира Амангилдина (1975), бейеүсе, Башҡортостан Республикаһының атҡаҙанған артисы (2012)^[4].

• Башҡортостан Республикаһының халыҡ артисы (2012)^[5];
  
• Башҡортостан Республикаһының атҡаҙанған артисы (2006)^[6];
  
• Рәсәй Федерацияһы Президентының Рәхмәте (2016)^[7];
  
• Мәҙәниәт хеҙмәткәрҙәре профсоюзы республика комитетының Почёт грамотаһы (2024)^[8].