Сафуанов
Сафуанов — ир-ат, Сафуанова — ҡатын-ҡыҙҙар фамилияһы. Ир-аттарҙың башҡорт һәм башҡа төрки халыҡтарға иҫке фарсы теленән ингән исеме Сафуандан яһалған.
Башҡортсаға тәржемәлә «суфый», «тыйнаҡлы», «тотанаҡлы» тигән мәғәнәләрҙе бирә[1].
Билдәле йөрөтөүселәре
- Сафуанов Илдар Суфиян улы (28.12.1957), педагог-ғалим, педагогия фәндәре докторы (2000), профессор (2002).
- Сафуанов Рафаэль Мәхмүт улы (29.09.1953), иҡтисадсы-ғалим. Комсомол органдары хеҙмәткәре, юғары мәктәп уҡытыусыһы. 1987—1990 йылдарҙа ВЛКСМ-дың Башҡортостан өлкә комитетының беренсе секретары. Иҡтисад фәндәре докторы, профессор.
- Сафуанов Суфиян Ғаяз улы (2.10.1931—30.11.2009), әҙәбиәт белгесе-ғалим. Башҡорт АССР-ының атҡаҙанған фән эшмәкәре (1981).
- Сафуанов Фәрит Суфиян улы (1.04.1958), психолог-ғалим. Психология фәндәре докторы, профессор.
- Сафуанов Әхмәт Вилдан улы (1913—?), Бөйөк Ватан һуғышы яугиры. 112-се Башҡорт кавалерия дивизияһының санинструкторы, медицина хеҙмәтенең гвардия старшинаһы.
---
- Сафуанова Гөлбинә Фәйез ҡыҙы (1.08.1977), театр актрисаһы. Башҡортостан Республикаһының атҡаҙанған артисы (2020).
- Сафуанова Гүзәл Шағбан ҡыҙы (19.09.1960), терапевт-ғалим. Медицина фәндәре докторы (2004), профессор (2007). Башҡортостан Республикаһының атҡаҙанған табибы (2010) һәм һаулыҡ һаҡлау отличнигы (2005).