Сафуанов Илдар Суфиян улы
Сафуанов Илдар Суфиян улы (рус. Сафуанов Ильдар Суфиянович; 28 декабрь 1954 йыл) — педагог-ғалим. 2008 йылдан Мәскәү ҡала педагогия университеты уҡытыусыһы. Педагогия фәндәре докторы (2000), профессор (2002). Әҙәбиәт белгесе Суфиян Сафуановтың улы.
Биографияһы
Илдар Суфиян улы Сафуанов 1954 йылдың 28 декабрендә Татар АССР-ының баш ҡалаһы Ҡазанда аспирант һәм студент ғаиләһендә тыуған.
1972 йылда Өфө ҡалаһындағы 114-се урта мәктәпте алтын миҙалға тамамлай.
1972—1977 йылдарҙа М. В. Ломоносов исемендәге Мәскәү дәүләт университетының механика-математика факультетында уҡый.
Үҙ аллы хеҙмәт эшмәкәрлеген 1977 йылда Башҡорт дәүләт педагогия институтының физика-математика факультетында ассистент булып башлай.
1978 йылдан М. В. Ломоносов исемендәге Мәскәү дәүләт университетының механика-математика факультетында уҡытыусы-стажер, 1979 йылдан — ошо уҡ факультеттың юғары алгебра кафедраһы аспиранты.
1982 йылдан Башҡорт дәүләт педагогия институтының физика-математика факультеты ассистенты, декан урынбаҫары, өлкән уҡытыусыһы һәм доценты.
1991 йылдан хәҙерге Татарстан Республикаһы Яр Саллы дәүләт педагогия институтының математика факультеты доценты, 1993 йылдан — математика һәм уны уҡытыу методикаһы кафедраһы мөдире, бер үк ваҡытта 2000 йылдан — фән һәм уҡыу эштәре буйынса проректор, 2005—2006 йылдарҙа — ректор вазифаһын башҡарыусы.
2007 йылдан Мәскәү дәүләт автомобиль—юл техник институты уҡытыусыһы, юғары математика кафедраһы профессоры.
2008 йылдан Мәскәү ҡала педагогия университеты уҡытыусыһы[1].
Монографиялары
- Современные тенденции в преподавании математических дисциплин в высшей школе. Москва, 2023.
- Современные подходы в математическом образовании и подготовке учителей математики (Совместно с Атанасяном С. Л.). Москва, 2017.
- Теория и практика преподавания математических дисциплин в педагогических институтах. Уфа, 1999.
Маҡтаулы исемдәре һәм башҡа бүләктәре
- РСФСР Мәғариф министрлығының Почёт грамотаһы (1988)
- Башҡорт АССР-ы Мәғариф министрлығының Почёт грамотаһы (1987)
- «Литературная Россия» гәзите премияһы лауреаты (2009, 2018)
- «Советская Башкирия» гәзите премияһы лауреаты (1984)
- «Кызыл таң» гәзите премияһы лауреаты (1983)
- «За отличные успехи и примерное поведение» алтын миҙалы (1972)
Өҫтәмә мәғлүмәт
- Атаһы Сафуанов Суфиян Ғаяз улы (2.10.1931—30.11.2009), Филология фәндәре кандидаты (1962), Башҡорт АССР-ының атҡаҙанған фән эшмәкәре (1981).
Иҫкәрмәләр
- ↑ Московский городской педагогический университет. Официальный сайт. Институт цифрового образования. Сафуанов Ильдар Суфиянович (рус.) (Тикшерелеү көнө: 22 август 2024)