Татар Ҡандыҙы

Татар Ҡандыҙы (Ҡондоҙ; татар. Татар Кандызы, рус. Татарский Кандыз) — Рәсәй Федерацияһы Татарстан Республикаһы Баулы районы ауылы.

Бер үк исемле ике ауыл барлыҡҡа килгәс, 1859 йылдан мосолман ауылы булараҡ урыҫ хакимиәте тарафынан Татар Ҡандыҙы тип атала башлай.

Ауыл Ҡондоҙ йылғаһы буйында, Баулы ҡалаһынан көньяҡҡа табан 35 км алыҫлыҡта урынлашҡан^[2].

Ауылға байлар ырыуы башҡорттары нигеҙ һала. 1765 йылдан билдәле. Ауыл Байлар улусына ҡарай, һуңыраҡ был улус Ырымбур губернаһы Бөгөлмә өйәҙенә ҡарай. 1850 йылда Бөгөлмә өйәҙе Һамар губернаһына инә. 1866 йылда ырыу улустары бөтөрөлгәс, ауыл Сәлих улусы составына керә.

XX быуат башында ауылда 3 һыу тирмәне, земство почта станцияһы, 2 мәсет, мәктәп, урыҫ мәктәбе теркәлгән^[2].

1920 йылда ауыл яңы ойошторолған Татар АССР-ының Бөгөлмә кантоны составына керә. 1930 йылдан Баулы районы, 1963 йылдан — Бөгөлмә районы, 1965 йылдан — йәнә Баулы районы составында була^[2].

XX быуат башында башҡорттарҙан тыш ауылда типтәрҙәр йәшәй.

Йылдар буйынса халыҡ иҫәбе
(Сығанаҡ: ^[2])
1859	1889	1897	1910	1920	1926	1938	1949	1958	1970	1979	1989	2002	2008
1066	1220	1510	2120	2230	2333	1781	1742	1462	2078	1644	1317	1023	1030

Атамаһы