Һунаршин Әүәл Хажи улы

Һунаршин Әүәл Хажи улы 1911 йылдың 28 октябрендә Рәсәй империяһының Пермь губернаһы Красноуфимск өйәҙе (хәҙер Башҡортостан Республикаһы Балаҡатай районы) Билән ауылында тыуған^[3]. Милләте — башҡорт^[4].

1946 йылда Өфө нефть институтын тамамлап, юғары белем ала.

Хеҙмәт эшмәкәрлеген 1931 йылда Учалы районында колхоз төҙөлөш үҙәгенең район-ара контораһында (рус.)баш. техник-етәксе булып башлай.

1932-1933 йылдарҙа «Севцветметзолото» берекмәһенең Свердловск ҡала төҙөлөш контораһында прораб булып эшләй.

1933-1935 йылдарҙа Ҡыҙыл Армияла хеҙмәт итә.

1935-1938 йылдарҙа «Нефтезаводпроект» тресының Өфө филиалында инженер-конструктор булып эшләй. 1938 йылдан 1941 йылға тиклем Өфө нефть эшкәртеү заводының капиталь төҙөлөш бүлегенең өлкән инженеры вазифаһын биләй.

Бөйөк Ватан һуғышына 1942 йылда Башҡорт АССР-ы Өфө ҡалаһының Сталин район хәрби комиссариаты тарафынан мобилизациялана (рус.)баш.^[5]. Брянск, Сталинград, Көньяҡ һәм IV Украина фронттарында рота командиры һәм батальон командиры урынбаҫары вазифаларында һуғыша.

Демобилизациянан (рус.)баш. һуң 1945 йылда «Башнефтезаводы» берекмәһенең капиталь төҙөлөш бүлеге начальнигы итеп тәғәйенләнә. 1946-1950 йылдарҙа «Башнефтезаводстрой»тресының производство-техник бүлеген етәкләй.

1950-1951 йылдарҙа баш инженер вазифаһын биләй, 1951 йылда «Востокнефтепроводстрой» тресы идарасыһы итеп тәғәйенләнә. Магистраль үткәргес торбалар төҙөү менән бәйле техник һәм хужалыҡ мәсьәләләрен хәл итә. 1961 йылда трест коллективы Хеҙмәт Ҡыҙыл Байраҡ ордены менән билдәләнә.

Әүәл Һунаршин Туймазы — Омск, Бохара — Урал, Урта Азия — Үҙәк, «Төньяҡ Балҡышы», «Дуҫлыҡ», Усть-Балык — Омск, Усть-Балык — Өфө — Әлмәт, Ырымбур — Зәй магистраль газ үткәргестәрҙе төҙөүҙә ҡатнаша^[6].

СССР Юғары Советы Президиумының 1971 йылдың 30 мартындағы Указы менән Әүәл Һунаршинға «Социалистик Хеҙмәт Геройы» исеме бирелә^[7].

1976-1979 йылдарҙа — «Востокнефтепроводстрой» тресының баш иҡтисадсыһы, 1979-1987 йылдарҙа — СССР Нефть һәм газ сәнәғәте министрлығының Көнсығыш үткәргес торбалар төҙөү ойошмалары баш идаралығының бүлек начальнигы.

1995 йылдың 6 ғинуарында вафат була, Өфөлә ерләнә^[3].

• Бородавкин П. П., Сунарчин А. Х. Строительство магистральных трубопроводов в сложных условиях. — М.: Недра, 1965. — 215 с.

• Социалистик Хеҙмәт Геройы (1971)
• РСФСР-ҙың атҡаҙанған төҙөүсеһе (1966)
• Газ сәнәғәте отличнигы (1965)
• Ленин ордены (1964, 1971)
• Октябрь Революцияһы ордены (1973)
• I дәрәжә Ватан һуғышы ордены (1985)^[8])
• II дәрәжә Ватан һуғышы ордены (1943)^[9]
• Хеҙмәт Ҡыҙыл Байраҡ ордены (1964)
• миҙалдар

• Өфөлә Әүәл Һунаршинға арналған ике иҫтәлекле таҡтаташ ҡуйылған: береһе ул йәшәгән йортта^[10], икенсеһе - «Востоктрубопроводстрой» тресы бинаһында уның барельефлы һүрәте төшөрөлгән^[11].