Мөхәмәтов Исфар Фәтҡелислам улы

Исфар Фәтҡелислам улы Мөхәмәтов
Тыуған көнө	19 апрель 1940({{padleft:1940|4|0}}-{{padleft:4|2|0}}-{{padleft:19|2|0}}) (85 йәш)
Тыуған урыны	Башҡорт АССР-ының Ишембай районы Петровский ауылы
Гражданлығы	СССР Рәсәй Федерацияһы
Эшмәкәрлеге	инженер, комсомол, партия һәм дәүләт органдары хеҙмәткәре, йәмәғәтсе.
Наградалары һәм премиялары

Мөхәмәтов Исфар Фәтҡелислам улы (рус. Мухаметов Исфар Фаткулисламович; 19 апрель 1940 йыл, Башҡорт АССР-ының Ишембай районы Петровский ауылы) — инженер, комсомол, партия һәм дәүләт органдары хеҙмәткәре, йәмәғәтсе. 1974—1987 йылдарҙа КПСС-тың Өфө ҡалаһы Калинин район комитетының икенсе секретары, КПСС-тың Башҡортостан өлкә комитетының бүлек мөдире урынбаҫары, КПСС-тың Өфө ҡалаһы Октябрь район комитетының беренсе секретары; 1987—1990 йылдарҙа КПСС-тың Башҡортостан өлкә комитеты секретары; 1995—1999 йылдарҙа Башҡортостан Республикаһы Дәүләт Йыйылышы — Ҡоролтай Секретариаты етәксеһе урынбаҫары. Башҡорт АССР-ының 12-се саҡырылыш (1990—1993) Юғары Советы депутаты. «Почёт Билдәһе» ордены кавалеры (1981).

Биографияһы

Исфар Фәтҡелислам улы Мөхәмәтов 1940 йылдың 19 апрель Башҡорт АССР-ының Ишембай районы Петровский ауылында тыуған.

Милләте — башҡорт, юғары белемле — 1966 йылда Өфө авиация институтын, 1980 йылда Свердловск Юғары партия мәктәбен тамамлаған.

Хеҙмәт юлын урман хужалығы эшсеһе булып башлай, артабан ВЛКСМ-дың ул саҡтағы Маҡар район комитеты инструкторы була.

1959—1962 йылдарҙа саҡырыу буйынса Совет Армияһы сафында хеҙмәт итә.

Юғары һөнәри белем алғас, 1967 йылдан «Башнефтепроект» институтында конструктор-инженер, өлкән инженер булып эшләй.

1969 йылдан — КПСС-тың Өфө ҡала комитетының ойоштороу бүлеге инструкторы.

1974 йылдан — КПСС-тың Өфө ҡалаһы Калинин район комитетының икенсе секретары.

1977 йылдан — КПСС-тың Башҡортостан өлкә комитетының оборона сәнәғәте бүлегенең мөдир урынбаҫары.

1984 йылдан — КПСС-тың Өфө ҡалаһы Октябрь район комитетының беренсе секретары.

1990 йылдан — КПСС-тың Башҡортостан өлкә комитеты секретары.

1990 йылда Өфө ҡалаһы Октябрь районы 41-се Транспорт һайлау округынан Башҡорт АССР-ының 12-се саҡырылыш Юғары Советының халыҡ депутаты итеп һайлана. Башҡортостан Республикаһы Юғары Советының йәштәр эштәре, физик культура һәм туризм буйынса комиссия рәйесе.

1992 йылдан «Восток» коммерция банкыһының иҡтисад бүлеге начальнигы, 1993 йылдан — вице-президенты.

1994 йылдан — дәүләткә ҡарамаған «Благовест» пенсия фонды рәйесе.

1995 йылдан Башҡортостан Республикаһы Дәүләт Йыйылышы — Ҡоролтай Секретариаты етәксеһенең ойоштороу мәсьәләләре буйынса урынбаҫары. урынбаҫары.

1999 йылдан «Крекс» туристик фирмаһының яуаплы башҡарыусыһы.

2001 йылдан «Первое Российское страховое общество» асыҡ акционерҙар йәмғиәте директоры.

2006—2008 йылдарҙа «Региональная Инвестиционная Страховая Компания» яуаплылығы сикләнгән йәмғиәтенең әйҙәүсе белгесе.

Маҡтаулы исемдәре һәм бүләктәре

• «Почёт Билдәһе» ордены (1981)
• Башҡорт АССР-ы Юғары Советы Президиумының Почёт грамотаһы (1990)
• Башҡортостан Республикаһы Дәүләт Йыйылышы — Ҡоролтайҙың Почёт грамотаһы (2010)
• ВЛКСМ Үҙәк Комитетының Почёт грамотаһы (1962)

Иҫкәрмәләр

Сығанаҡтар

• Народные депутаты Республики Башкортостан. Двенадцатый созыв. — Уфа, Китап, 1994. — с. 104
• Персоналии издания «Башкирский комсомол»

Һылтанмалар

• Региональный интерактивный энциклопедический портал «Башкортостан». МУХАМЕТОВ Исфар Фаткулисламович. Дата публикации: 01.10.2019. Дата последнего обновления публикации: 30.01.2020  (рус.) (Тикшерелеү көнө: 13 апрель 2025)
• 12 созыв (БАССР)  (рус.) (Тикшерелеү көнө: 16 апрель 2025)
• Башҡорт АССР-ының 12-се саҡырылыш Юғары Советы депутаттары исемлеге  (Тикшерелеү көнө: 16 апрель 2025)