Орион (ижад һарайы, Өфө)

Тамашасы залы — матур акустикалы, 360 урынлыҡ. Ойошторолған саралар яҡтылыҡ һәм тауыш менән йыһазландырыла. Инструменталь арсеналы спектаклдәр, соло һәм ансамбль концерт программалары һәм төрлө кимәлдәге башҡа саралар өсөн тәғәйенләнгән^[8]. Дөйөм майҙаны 891 квадрат метр.

Бина 1969 йылда кинотеатрҙарҙың типовой проекты буйынса скверҙа төҙөлгән. 1970 йылдың 1 ғинуарында «Орион» исеме менән асыла һәм Дим районында беренсе киң форматлы кинотеатр була.

1974 йылдың 1 апрелендә 1 май исемендәге мәҙәниәт йорто базаһында Дим районының Пионерҙар йорто ойошторола, уға айырым бүлмә бирелә. 1981 йылда Пионерҙар йорто ике урам киҫелешендәге (Левитан урамы, 13 / Таллин урамы, 5) торлаҡ йортта урынлашҡан Дәүләт банкының өс бүлмәһе һәм фойеһы булған бинаһына күсә. 1990 йылдарҙа Пионерҙар йорто Димдәге «Балалар донъяһы» магазины бинаһын, ә һуңынан айырым бина — һыу каналы предприятиеһы эргәһендәге ҡаҙанлыҡ пунктын (Дағстан урамы, 21/1) биләй. 1996 йылдың июленән Балалар һәм үҫмерҙәр ижады йорто.

1997 йылда «Орион» кинотеатры бинаһы Балалар һәм үҫмерҙәр ижады йортона тапшырыла.

2000 йылдың 4 авгусында Балалар һәм үҫмерҙәр ижады йортон, Балалар техник үҙәген (элекке Йәш техниктар станцияһы) һәм Туризм һәм экскурсиялар үҙәген (элекке «Парус» йәш диңгеҙселәр клубы) берләштереү юлы менән «Орион» балалар һәм үҫмерҙәр ижады һарайы булдырыла.

2009 йылда бинаны «АРХиП»яуаплылығы сикләнгән йәмғиәтенең архитектура бюроһы проекты буйынса тулыһынса реконструкциялау планлаштырыла^[9][10], с увеличением площади до 5955 м², уның майҙанын 5955 квадрат метрға тиклем арттырыу күҙаллана.

2016 йылда уның базаһында технопарк булдырыла^[11]. 2017 йылда Ухтомский, Магистраль, Дағстан һәм Правда урамдары менән сикләнгән 53,9 гектар майҙанлы кварталда яңы, 2018 йылда раҫланған территорияны планлаштырыу һәм төҙөү проектына ярашлы, яңынан планлаштырылған тулы реконструкция тураһында хәбәр ителә^{[12][13][14][15][16]}.