Плотников Алексей Владимирович (хоккейсы)

Алексей Владимирович Плотников 1975 йылдың 11 октябрендә Башҡорт АССР-ының Өфө ҡалаһында тыуа. «Салауат Юлаев» клубы тәрбиәләнеүсеһе, тренеры Владимир Воробьев^[2].

1992—1998 йылдарҙа М. Аҡмулла исемендәге Башҡорт дәүләт педагогия институтының физик культура факультетында уҡый. Квалификация камиллаштырыу курсын тамамлай^[3].

1991/92 йылдар миҙгелендә икенсе лиганың «Авангард» (Өфө) командаһында башлап уйнай, киләһе миҙгелдә «Новойл» өсөн сығыш яһай. 1994/95 — 1997/98 миҙгелдәрендә шулай уҡ «Салауат Юлаев» өсөн уйнай. Хабаровскиҙың СКА-«Амур» / «Амур» (1998/99 — 2001/02, 2004/05) һәм «Самородок» (2001/02), Белоруссияның Гродно ҡалаһынан «Неман» (2002/03), Минскиҙан «Керамин» (2003/04, 2007/08 — 2009/10), Жлобиндан «Металлург» (2006/07, 2010/11 — 2013/14), Солигорскиҙан «Шахтер» (2014/15), шулай уҡ «Брест» (2015/16) клубтары өсөн сығыш яһай. 2005/06 йылдар миҙгелендә Рәсәйҙә «Салауат Юлаев» һәм «Трактор» өсөн уйнай^[4].

Йәрәхәт алғас, карьераһын Беларусь Экстралигаһында тамамларға ҡарар итә. 10 миҙгел эсендә дүрт белорус клубында уйнай. Ә тәнәфестәр менән — тотош 12 миҙгел. Белорус гражданлығын алған. Ҙур хоккейҙан киткәс, 2017 йылда «Динамо» (Санкт-Петербург) клубында һаҡсылар менән шөғөлләнеүсе тренер була. Минск ҡалаһы чемпионатында юғары лигала һәүәҫкәр командалар араһында «Энергетик» хоккей клубы өсөн уйнай^[5].

2022 йылдың октябрь аҙағында-ноябрь башында Беларусь ҡатын-ҡыҙҙар йыйылма командаһының беренсе күнекмә лагерында консультант рәүешендә саҡырыла^[6]. Артабан 2023 йылда ҡышҡы һәм яҙғы күнекмә йыйындарында ла ҡатнаша^[7].

1997/98 йылдар миҙгеленә тиклем игеҙәге Вадим менән бергә сығыш яһай, ул карьераһын 23 йәшендә тамамлай^[8].

• 2015—2016 — «Брест» хоккей клубының баш тренеры ярҙамсыһы.
• 2016 — «Брест» хоккей клубының фарм-клубы тренеры.
• 2016 — «К-2» (Минск) хоккей клубының баш тренеры.
• 2017 — «Айс Профи» хоккей мәктәбенең өлкән тренеры^[9].
• 2022—2023 — Беларусь ҡатын-ҡыҙҙар йыйылма командаһының күнекмә лагерында консультант^[10].

• Ике тапҡыр Рәсәй чемпионатының бронза призёры: МХЛ — 1994/95, РХЛ — 1996/97 («Салауат Юлаев»);
• Рәсәй юғары лигаһы чемпионы 2005/06 («Трактор»);
• Өс тапҡыр Белоруссия чемпионы (2007/08 -«Керамин»; 2011/12 -«Металлург»; 2014/15 — «Шахтёр»);
• Өс тапҡыр Белоруссия чемпионатының көмөш призёры (2002/03, 2003/04 — «Керамин»); 2012/13 — «Металлург»);
• Белоруссия чемпионатының бронза призёры 2010/11 («Металлург»)^[11];
• Беларусь кубогы еңеүсеһе (2008, 2011);
• Европа континенталь кубогының көмөш призёры: 2013^[12];
• «Хеҙмәт ҡаҙаныштары өсөн» ордены (2014, Беларусь Республикаһы)^[13].