Селуянов Вячеслав Викторович
Селуянов Вячеслав Викторович (1986 йылдың 15 декабре, Өфө, РСФСР, Башҡорт АССР-ы, СССР) — Рәсәй хоккейсыһы, һаҡсы. Өфө хоккейы тәрбиәләнеүсеһе. Рәсәйҙең халыҡ-ара класлы спорт мастеры[1]. Александр Селуяновтың ҡустыһы.
Биографияһы
Вячеслав Селуянов 1986 йылдың 15 декабрендә Башҡорт АССР-ының Өфө ҡалаһында тыуа. Профессиональ карьераһын 2004 йылда «Салауат Юлаев» командаһы составында башлай, быға тиклем уның фарм-клубы өсөн сығыш яһай.
Спорт карьераһы
Дебют миҙгелендә 46 матч үткәрә, уларҙа 2 (0+2) мәрәй йыя. Артабанғы йылдарҙа юлаевсыларҙың төп составында урынын юғалта башлай һәм 2006 йылдың 18 декабрендә Тольяттиҙың «Лада» клубына күсә[2].
Әммә яңы клубында нығына алмай — миҙгелдең ҡалған өлөшөндә бер генә матчта уйнай, шуға күрә миҙгел араһында команданы ҡалдыра һәм Юғары хоккей лигаһының Нефтекама ҡалаһы клубы «Торос» менән килешеү төҙөй. 2007/08 йылдар миҙгелендә клубтың иң һөҙөмтәле һаҡсыһы була, 53 матчта 23 (10+13) мәрәй йыя.
Уңышлы уйнауы арҡаһында, 2008 йылдың йәйендә «Салауат Юлаев»ҡа ҡайта, әммә миҙгелдең күпселек өлөшөн Өфө командаһының фарм-клубында үткәрә. 2009/10 йылдар миҙгелен йәнә "Торос"та уҙғара, 61 матчта үҙ иҫәбенә 15 (4+11) һөҙөмтәле мәрәй яҙа, шунан һуң Өфө клубы етәкселеге уйынсы менән килешеүҙе тағы ике йылға оҙайтырға ҡарар итә[3]. Шуға ҡарамаҫтан, 2010/11 йылдар миҙгеле башында ҡабаттан Нефтекамаға командировкаға ебәрелә[4], унда 48 матчта 9 (2+7) мәрәй йыя.
Өфө клубының Гагарин кубогын яулаған 2010/11 йылдар миҙгелендә команда составында бер матч үткәрә[5].
2011 йылдың 12 авгусында "Салауат Юлаев"тан китә һәм Екатеринбург ҡалаһының «Автомобилист» клубы менән килешеү төҙөй[6]. Унда бер миҙгел уйнай. Артабан 2012 йылдан Юғары хоккей лигаһының төрлө клубтарында сығыш яһай. 2016/17 йылдар миҙгелендә Венгрия, Словакия клубтары данын яҡлай, унан инде Ҡаҙағстанға күсә һәм «Иртыш», «Бейбарыҫ», «Горняк» командаларында уйнай[7].
2022 йылдың 22 сентябрендә Төркиәнең «Боҙ әҙәмдәр» клубына күсә[7]. Һуңғы рәсми матчтарын шунда үткәрә. Үҙҙәренең ил чемпионатында еңгән команда составында Континенталь кубок өсөн алыша.
Уйынсы карьераһынан һуң һәүәҫкәр командаларҙы күнектерә, шәхси дәрестәр бирә, төҙөлөш өлкәһе менән шөғөлләнә[8]. Хәйриә турнирҙарында ҡатнаша[9]. «Өфө» хоккей клубында «Ҡыҙыл машина» федераль программаһы сиктәрендә балаларға оҫталыҡ дәрестәре бирә[10]. 2022 йылда «Өфө» хоккей клубының спорт директоры вазифаһын башҡарыусы итеп тәғәйенләнә, унда элек клуб администраторы була[11][12].
Ҡаҙаныштары
• 1986 йылда тыуған үҫмерҙәр араһында Рәсәй чемпионы (2002);
• Бөтә донъя Ҡышҡы универсиада еңеүсеһе (2011, Төркиә);
• «Алтын шлем» яулаусы (2011);
• Шпенглер кубогы финалсыһы (2013);
• КХЛ-дың Йондоҙҙар матчында ҡатнашыусы (2015).
Сығыштары статистикаһы
| Регуляр миҙгел | Плей-офф | |||||||||||||
|---|---|---|---|---|---|---|---|---|---|---|---|---|---|---|
| Миҙгел | Команда | Лига | Уйын | Г | П | Мәр | +/- | Штр | Уйын | Г | П | Мәр | +/- | Штр |
| 2003/04 | Салауат Юлаев-2 | Беренсе лига | 56 | 4 | 5 | 9 | -- | 52 | — | — | — | — | — | — |
| 2004/05 | Салауат Юлаев-2 | Беренсе лига | 13 | 1 | 2 | 3 | -- | 36 | — | — | — | — | — | — |
| 2004/05 | Салауат Юлаев | Суперлига | 46 | 0 | 2 | 2 | -4 | 8 | — | — | — | — | — | — |
| 2005/06 | Салауат Юлаев-2 | Беренсе лига | 16 | 1 | 4 | 5 | -- | 55 | — | — | — | — | — | — |
| 2005/06 | Салауат Юлаев | Суперлига | 16 | 0 | 0 | 0 | -5 | 14 | — | — | — | — | — | — |
| 2006/07 | Салауат Юлаев-2 | Беренсе лига | 28 | 4 | 2 | 6 | -- | 52 | — | — | — | — | — | — |
| 2006/07 | Лада | Суперлига | 1 | 0 | 0 | 0 | -- | 0 | — | — | — | — | — | — |
| 2007/08 | Торос | Юғары лига | 49 | 10 | 10 | 20 | +15 | 122 | 4 | 0 | 3 | 3 | +2 | 4 |
| 2008/09 | Салауат Юлаев-2 | Беренсе лига | 31 | 5 | 15 | 20 | -- | 79 | — | — | — | — | — | — |
| 2008/09 | Салауат Юлаев | КХЛ | 9 | 1 | 4 | 5 | +7 | 4 | 2 | 0 | 0 | 0 | -- | 0 |
| 2008/09 | Салауат Юлаев | ЧЛ | 1 | 0 | 0 | 0 | -1 | 0 | — | — | — | — | — | — |
| 2009/10 | Торос | Юғары лига | 46 | 4 | 10 | 14 | +15 | 53 | 15 | 0 | 1 | 1 | -3 | 8 |
| 2010/11 | Салауат Юлаев | КХЛ | 1 | 0 | 0 | 0 | -- | 0 | — | — | — | — | — | — |
| 2010/11 | Торос | ЮХЛ | 40 | 2 | 6 | 8 | +4 | 40 | 8 | 0 | 1 | 1 | +1 | 2 |
| 2011/12 | Автомобилист | КХЛ | 46 | 2 | 5 | 7 | -12 | 24 | — | — | — | — | — | — |
| 2012/13 | Сокол | ЮХЛ | 34 | 4 | 6 | 10 | -3 | 36 | — | — | — | — | — | — |
| 2013/14 | Торос | ЮХЛ | 32 | 2 | 1 | 3 | -2 | 20 | 15 | 2 | 0 | 2 | -4 | 36 |
| 2014/15 | Спутник | ЮХЛ | 51 | 7 | 13 | 20 | -13 | 51 | 7 | 0 | 0 | 0 | -2 | 2 |
| 2015/16 | Һарыарҡа | ЮХЛ | 12 | 0 | 1 | 1 | +4 | 2 | — | — | — | — | — | — |
| 2015/16 | Спутник | ЮХЛ | 17 | 2 | 7 | 9 | 0 | 0 | — | — | — | — | — | — |
| 2015/16 | Көньяҡ Урал | ЮХЛ | 13 | 0 | 0 | 0 | -4 | 6 | — | — | — | — | — | — |
| 2016/17 | Дебрецен | Эрсте Лига | 8 | 0 | 1 | 1 | +1 | 6 | — | — | — | — | — | — |
| 2016/17 | Молот-Прикамье | ЮХЛ | 11 | 1 | 1 | 2 | -1 | 2 | — | — | — | — | — | — |
| 2016/17 | Михаловце | Словак беренсе лигаһы | 7 | 0 | 5 | 5 | +3 | 2 | 8 | 0 | 3 | 3 | +4 | 0 |
| 2017/18 | Бейбарыҫ | Ҡаҙағстан чемпионаты | 10 | 2 | 8 | 10 | +10 | 0 | 13 | 0 | 3 | 3 | 0 | 8 |
| 2017/18 | Иртыш | Ҡаҙағстан чемпионаты | 30 | 5 | 8 | 13 | +11 | 16 | - | - | - | - | - | - |
| 2018/19 | Бейбарыҫ | Ҡаҙағстан чемпионаты | 34 | 5 | 5 | 10 | +3 | 14 | - | - | - | - | - | - |
| 2019/20 | Горняк | Ҡаҙағстан чемпионаты | 56 | 3 | 11 | 14 | -8 | 32 | - | - | - | - | - | - |
| Бөтәһе КХЛ-да | 56 | 3 | 9 | 12 | -5 | 28 | 2 | 0 | 0 | 0 | - | 0 | ||
| Бөтәһе карьераһында | 714 | 65 | 132 | 197 | -- | 726 | 72 | 0 | 8 | 8 | -- | 60 | ||
Иҫкәрмәләр
- ↑ Селуянов Вячеслав Викторович, redmachinejuniorufa.ru. 3 ноябрь 2025 тикшерелгән.
- ↑ «Лада» пополнилась четырьмя новичками, sport-express.ru (18 декабрь 2006). 3 ноябрь 2025 тикшерелгән.
- ↑ «Салават Юлаев» официально подтвердил переход Сапрыкина, Клепиша, Свитова и Волкова, sports.ru (27 июль 2010). 3 ноябрь 2025 тикшерелгән.
- ↑ «Салават Юлаев» отправил в «Торос» пятерых игроков, sports.ru (10 сентябрь 2010). 3 ноябрь 2025 тикшерелгән.
- ↑ Чемпионы – «юлаевцы» десять лет спустя, hcsalavat.ru (16 апрель 2021). 3 ноябрь 2025 тикшерелгән.
- ↑ Контракты с «Автомобилистом» подписали ещё семь хоккеистов, hc-avto.ru (12 август 2011). 3 ноябрь 2025 тикшерелгән.
- ↑ 1 2 Vyacheslav Seluyanov, flashscorekz.com. 3 ноябрь 2025 тикшерелгән.
- ↑ Вячеслав Селуянов – о выступлении в «Салавате», значимых моментах карьеры и развитии детского хоккея в Башкирии, gorobzor.ru (18 июль 2024). 3 ноябрь 2025 тикшерелгән.
- ↑ Благотворительный фонд «Ярзам» провел турнир по хоккею с воспитанниками Серафимовской спецшколы, tuvest.ru (29 февраль 2024). 3 ноябрь 2025 тикшерелгән.
- ↑ «Школы есть, но катков категорически не хватает»: рассказываем про хоккейный клуб, где тренируют будущих звезд Башкирии, ufa1.ru (25 июнь 2022). 3 ноябрь 2025 тикшерелгән.
- ↑ Администрация клуба, hcufa.ru. 3 ноябрь 2025 тикшерелгән.
- ↑ В ХК «Уфа» - новый спортивный директор (11 октябрь 2022). 3 ноябрь 2025 тикшерелгән.