Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Сысоев Николай Петрович

Сысоев Николай Петрович (14 ғинуар 1950 йыл — 2012 йыл) — металлург-инженер-ғалим. 1972 йылдан Магнитогорск тау-металлургия институты һәм Магнитогорск дәүләт техник университеты уҡытыусыһы, шул иҫәптән 1996—2001 йылдарҙа химия-металлургия факультеты деканы, 1995 йылдан металл булмаған материалдарҙың химик технологияһы һәм физик химия кафедраһы мөдире. Техник фәндәр докторы (1993), профессор (1995).

Биографияһы

Николай Петрович Сысоев 1950 йылдың 14 ғинуарында Башҡорт АССР-ының[1] Белорет районы Үҙән ауылында тыуған[2].

Урындағы мәктәптә урта белем алғандан һуң, 1967 йылда Магнитогорск тау-металлургия институтына уҡырға инә. 1972 йылда ошо юғары уҡыу йортон «ҡара металдар металлургияһы» һөнәре буйынса тамамлай һәм уҡыуын суйын металлургияһы кафедраһы ҡарамағындағы аспирантурала дауам итә. Аспирантураны тамамлағандан һуң, ғилми хеҙмәткәр, һуңынан өлкән ғилми хеҙмәткәр булып эшләй. 13 хужалыҡ килешеүе буйынса эш башҡарыусы, ғилми етәксеһе була. Уҡытыу эшендә ассистенттан профессорға тиклем юл үтә[3].

1996—2001 йылдарҙа химия-металлургия факультеты деканы, 1995 йылдан металл булмаған материалдарҙың химик технологияһы һәм физик химия кафедраһы мөдире[2].

Ғалим 2012 йылда Силәбе өлкәһенең Магнитогорск ҡалаһында вафат була[2].

Фәнни эшмәкәрлеге

1979 йылда шул уҡ институтта «Влияние подготовки шихты на ее распределение в доменной печи» темаһына кандидатлыҡ, 1993 йылда Мәскәү ҡорос һәм иретмәләр институтында «Теория и технология доменной плавки с пониженной интенсивностью» тигән темаға[4] докторлыҡ диссертацияһы яҡлай. 1995 йылда «профессор» ғилми исемен ала[3].

Н. П. Сысоевтың ғилми эшмәкәрлеге газ динамикаһы һәм домна мейестәрендә материалдар хәрәкәте механикаһына, шахталағы металллаштырыу ҡоролмаларына арналған тикшеренеүҙәре менән билдәле Магнитогорск доменсылар мәктәбенә ҡарай. Уның фәнни тикшеренеүҙәре һөҙөмтәләре кокс дефициты һәм суйынға ихтыяждың үҙгәреүе шарттарында домна мейестәренең технологик режимын камиллаштырыуҙа Магнитогорск, Көнбайыш-Себер, Кузнецк, Череповецк металлургия комбинаттарында ҡулланыла.

Төп ғилми хеҙмәттәре

• Реализация совместной работы подвижных колошниковых плит и вращающегося распределителя шихты //Металлург. 1997. № 12. (В соавторстве).  (рус.)
• Опыт работы доменных печей ЧерМК с пониженной интенсивностью //Сталь. 1993. № 5. (В соавторстве). (рус.)
• История развития и современное состояние доменного производства //Металлург. 2002. № 1. (рус.)
• О роли зоны пластичности в доменной печи и связи ее с радиальным газораспределением //Известия вузов. Черная металлургия. 2004. № 7. (В соавторстве).  (рус.)

Иҫкәрмәләр

  1. ↑ Хәҙер Башҡортостан Республикаһы.
  2. ↑ 1 2 3 Министерство образования и науки Российской Федерации. Федеральное государственное бюджетное образовательное учреждение высшего профессионального образования «Магнитогорский государственный технический университет им. Г.И. Носова». НАУЧНАЯ ЭЛИТА Магнитогорского государственного технического университета имени Г.И. Носова: биографии докторов наук и профессоров. СЫСОЕВ Николай Петрович  (рус.) (Тикшерелеү көнө: 27 ноябрь 2024)
  3. ↑ 1 2 Сайт «Известные учёные». Сысоев Николай Петрович, доктор технических наук, профессор. Челябинская область  (рус.) (Тикшерелеү көнө: 27 ноябрь 2024)
  4. ↑ автореферат диссертации по металлургии, 05.16.02, диссертация на тему: Теория и технология доменной плавки с пониженной интенсивностью. Сайт «Техносфера» — библиотека технических наук (рус.) (Тикшерелеү көнө: 27 ноябрь 2024)

Һылтанмалар

• Министерство образования и науки Российской Федерации. Федеральное государственное бюджетное образовательное учреждение высшего профессионального образования «Магнитогорский государственный технический университет им. Г.И. Носова». НАУЧНАЯ ЭЛИТА Магнитогорского государственного технического университета имени Г.И. Носова: биографии докторов наук и профессоров. СЫСОЕВ Николай Петрович  (рус.) (Тикшерелеү көнө: 27 ноябрь 2024)
• Сайт «Известные учёные». Сысоев Николай Петрович, доктор технических наук, профессор. Челябинская область  (рус.) (Тикшерелеү көнө: 27 ноябрь 2024)

Категориялар