Ҡолман
Ҡолман (Ҡулма́н, рус. Карья́пово) — Ырымбур өлкәһе Ҡыҙыл Гвардия районы ауылы. Пролетарка ауыл советы составына керә..
География
Ауыл Туҡ буйында урынлашҡан.
Тарих
Риүәйәт буйынса, ауыл 1630—1640 йылдарҙа йә унан иртәрәк нигеҙләнгән. Ауылда йәшәүсе Агиш исемле кешенең улдары Ҡолман һәм Ҡоръяу 1764 йылғы Нуғай даруғаһы документында телгә алыналар[2].
Рәсми документтарҙа тәүге тапҡыр 1795 йылда телгә алына[3]. Революцияға тиклем Ҡолман ауылы Ырымбур губернаһы Ырымбур өйәҙе Йомран-Табын улусы ҡарамағында була[3].
Революциянан һуң Башҡорт АССР-ының Туҡ-Соран кантоны составына керә, ә 1923 йылдан республиканың Бәләбәй кантоны ҡарамағында була. ВЦИК ҡарарына ярашлы 1924 йылдың 21 октябрендә Ҡаҙаҡ АССР-ы составына бирелә. 1934 йылдан Ырымбур өлкәһе ҡарамағында була.
XX быуат башында мәсет төҙөлә. Аслыҡ осоронда ауыл халҡының бер өлөшө Ташкентҡа күсергә мәжбүр була.
1933 йылда Ҡолман һәм күрше Бәхтийәр ауылдарында «Ҡыҙыл Кәмәтау» (рус. «Кызыл Каматау») колхозы ойошторолған. 1937 йылда колхоздың атамаһы «Красный Стахановец» тип үҙгәртелә, 1959 йылда ул «Родина» колхозы составына инә[4].
Халыҡ һаны
Иҫкәрмәләр
- ↑ 1 2 3 4 5 6 7 Сведения по населению Пролетарского сельсовета в динамике с 2005 по 2011 годы. Мөрәжәғәт итеү датаһы: 17 ғинуар 2015. Архивировано 14 август 2014 года.
- ↑ Дарственная на владения землями
- ↑ 1 2 3 Населённые пункты оренбургских башкир, входившие в Оренбургскую губернию (с населением свыше 100 человек в 1866 году // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2013. — ISBN 978-5-88185-143-9.
- ↑ Колхоз «Ҡыҙыл Кәмә-тау»
- ↑ Всероссийская перепись населения 2010 года. Численность и размещение населения Оренбургской области. Мөрәжәғәт итеү датаһы: 5 июнь 2014. Архивировано 27 октябрь 2014 года.
Тема буйынса өҫтәмә
Ҡыҙыл Гвардия районы тораҡ пункттары | |||
|---|---|---|---|
 | Район үҙәге: Плешаново | .png) | |
