Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Аланғазар

Аланғазар — Рәсәй Федерацияһы Татарстан Республикаһының Сарман районындағы ауыл. Аланғазар ауыл биләмәһенең административ үҙәге.

География

Ауыл Аланғазар йылғаһы буйында, Сарман ауылынан көнсығышҡа табан 13 км алыҫлыҡта урынлашҡан[1].

Тарих

Аланғазар — байлар ырыуы башҡорттарының ауылы. Рәсми документтарҙа тәүге тапҡыр 1765 йылда телгә алына[2]. Ырымбур губернаһы Минзәлә өйәҙе Байлар улусы Салағош түбәһенә ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Әлмәтмулла улусы составына керә.

1870 йылда мәсет һәм мәктәп, 1896 йылда 2 мәсет һәм мәҙрәсә теркәлгән[3].

1920 йылдан Татар АССР-ының Минзәлә кантоны, 1921 йылдан — Саллы кантоны 1930 йылдан — Сарман районы составына керә[1].

Халыҡ һаны

1795 йылда ир енесле 94 йән башҡорт, 34 типтәр, 22 яһаҡлы татар; 1816 йылда — 142 башҡорт, 36 типтәр, 16 татар; 1834 йылда — 251 башҡорт, 30 типтәр, 28 татар; 1870 йылда — 404 башҡорт, 175 типтәр, 176 татар йәшәй[3].

Йылдар буйынса халыҡ иҫәбе
(Сығанаҡ: [1])
187018971920192619381949195819701979198920022008
751992136910861080810767801602455424396

Инфраструктура

Игенселек, малсылыҡ үҫешкән. Ауылда урта мәктәп, мәҙәниәт йорто, китапхана, мәсет бар[1].

Иҫкәрмәләр

  1. ↑ 1 2 3 4 5 Татарская энциклопедия.
  2. ↑ Населённые пункты камско-икских башкир, входившие в Казанскую и Уфимскую губернии// Башкирская энциклопедия. — Уфа: НИК «Башкирская энциклопедия», 2013.
  3. ↑ 1 2 Асфандияров А. З. Аулы мензелинских башкир. — Уфа: Китап, 2009. — С. 196—198. — 600 с. — ISBN 978-5-295-04952-1.

Тема буйынса өҫтәмә

Категориялар