Дудорин Юрий Дмитриевич
Дудорин Юрий Дмитриевич (21 сентябрь 1932 йыл — 6 февраль 1997 йыл) — СССР мотоуҙышсыһы һәм тренеры. Мотоспорт буйынса СССР-ҙың халыҡ-ара класлы спорт мастеры (1968). 1958—1973 йылдарҙа мотоспорт буйынса СССР йыйылма командаһы ағзаһы.
Биографияһы
Дудорин Юрий 1932 йылдың 21 сентябрендә Өфөлә тыуған. Уның атаһы Дмитрий Дудорин, фронтта һәләк була.
Мәктәптең 7 синыфын тамамлай. Өфөнөң «Башавтомотоклуб» спорт клубында шөғөлләнә, тренеры С.Г. Устьянцев. Армия хеҙмәтендә булып 1954 йылда Мәскәү янында СССР Ҡораллы Көстәренең беренселегендә спорт мастеры нормативын үтәй. Мотоциклда уҙышының үҙенсәлеге булып ҙур тиҙлек менән йөрөү түгел, ә һәр ваҡытта тиҙлектең ҙур запасын ҡалдырыу була.
Алты тапҡыр донъя чемпионы Ғабдрахман Ҡадировтың баш тренеры була
1997 йылдың 6 февралендә вафат була. Өфө көньяҡ зыяратында ерләнгән
Ҡаҙаныштары
СССР (1962-65, 1967) һәм РСФСР (1962 — 66) чемпионы
СССР чемпионаттарының көмөш (1966, 1970) призёры
Ипподром мотоуҙышы буйынса СССР чемпионатының бронза призёры (1968, 1971) һәм РСФСР (1970) ;
СССР чемпионаттарының (1960, 1962, 1965) һәм РСФСР (2 тапҡыр, 1962; 1966, 1967, 1970) көмөш призёры
Боҙҙа мотоуҙыш буйынса Европа чемпионатының бронза призёры (1964), СССР (1962, 1964) һәм РСФСР (1965, 1971);
Мотокросс буйынса РСФСР (1958) чемпионы
Эндуро буйынса (күп көнлөк ярыш) донъя команда чемпионаттары еңеүсеһе (1958, 1959)
Әҙәбиәт
Буханов М. С. Виртуоз кросса //Звезды спидвея. Уфа, 1966.
Ерошин А. Е. «Черная стрела» //Крутые виражи. Уфа, 1965.
Һылтанмалар
- Н. А. Ермоленко. Дудорин, Юрий Дмитриевич. ГАУН РБ «Башкирская энциклопедия» (2013). Мөрәжәғәт итеү датаһы: 25 апрель 2017. Архивировано 25 апрель 2017 года. 2017 йылдың 25 апрель көнөндә архивланған.