Иҫке Хәлил (Ырымбур өлкәһе)
| Ауыл | |||
| Иҫке Хәлил | |||
|---|---|---|---|
| 51°26′43″ с. ш. 58°06′39″ в. д.HGЯO | |||
| Ил |
 Рәсәй Федерацияһы |
||
| Федерация субъекты | Ырымбур өлкәһе | ||
| Район | Гай | ||
| Тарихы һәм географияһы | |||
| Тәүге телгә алыу | 1765 | ||
| Элекке исеме | Хәлил, Байғаҙаҡ | ||
| Халҡы | |||
| Халҡы | 315[1] кеше (2010) | ||
| Конфессиялар | мосолмандар | ||
| Һанлы идентификаторҙар | |||
| Почта индексы | 462610 | ||
| Автомобиль коды | 56 | ||
| ОКАТО коды | 53 214 840 009 | ||
| ОКТМО коды | 53 713 000 266 | ||
|
|
|||
.svg)
Иҫке Хәлил (рус. Старохалилово) — Рәсәй Федерацияһы Ырымбур өлкәһе Гай районындағы ауыл.
Географик урынлашыуы
Гөбөрлө йылғаһы (Яйыҡ ҡушылдығы) буйында урынлашҡан.
Тарихы
Хәлил (Ҙур Хәлил, Байғаҙаҡ) ауылы Ырымбур губернаһы Үҫәргән улусы составында була. Хәлил атамаһы поход старшинаһы Хәлил Буҙгиндың исеме бирелә. Ауылдың башҡа атамаһы Байғаҙаҡтың барлыҡҡа килеүе ауылда йәшәүсе указлы мулла Байғаҙаҡ Әбешевтең (1769—?) исеменә бәйле. Документтарҙа тәүге тапҡыр 1765 йылда телгә алына[2]. 1860-сы йылдарҙа ауыл кешеләре Кесе Хәлил (Ахун) ауылына нигеҙ һалғас, Иҫке Хәлил тип атала башлай[3].
Башҡортостанда идара итеүҙең кантон системаһы урынлаштырылғас, ауыл 9-сы башҡорт кантоны Үҫәргән улусының 4-се йорто составына инә. Артабан Орск өйәҙенең 3-сө Үҫәргән улусы составында була. 1913 йылда ауылдан көньяҡҡа табан 5 километр алыҫлыҡта Ырымбур—Орск тимер юлы һалына һәм Хәлил станцияһы нигеҙләнә[3].
1917 йылдан Башҡортостан автономияһының (1919 йылдан Башҡортостан АССР-ының) Үҫәргән кантоны составында була. 1922 йылдың 5 октябренән Йылайыр кантоны составына инә.
1927 йылдың 30 майында Урта Волга крайының (1928 йылдың 14 майынан — край составындағы Ырымбур округының) Яңы Покровка районы составына бирелә. 1931 йылдың мартынан — Урта Волга крайының Орск районы составына индерелә. 1934 йылда яңы ойошторолған Ырымбур өлкәһенең составына күсә. 1934—1963 йылдарҙа Ырымбур өлкәһе[4] Хәлил районы (1960 йылда исеме Гай районы тип үҙгәртелә) составында була. 1963—1965 йылдарҙа Ырымбур өлкәһенең Ҡыуандыҡ районы составында була[3][5]. 1965 йылда йәнә Гай районы составына ҡайтарыла.
2016 йылға тиклем Гай районының Хәлил ауылы советына керә, артабан Гай ҡалаһы ҡала округы составына күсерелә.
Халыҡ һаны
| 1834 | 1859 | 1866 | 1889 | 1892 | 1900 | 1917 | 1920 |
|---|---|---|---|---|---|---|---|
| 279 | 348 | 329 | 630 | 397 | 370 | 531 | 513 |
| Халыҡ иҫәбе |
|---|
| 2010[1] |
| 315 |
2002 йылғы бөтә Рәсәй халыҡ иҫәбен алыу мәғлүмәттәре буйынса ауылда башҡорттар 90 % тәшкил итә[6].
Иҫкәрмәләр
- ↑ 1,0 1,1 Всероссийская перепись населения 2010 года. Численность и размещение населения Оренбургской области. Дата обращения: 5 июнь 2014. Архивировано 5 июнь 2014 года.
- ↑ 2,0 2,1 Населенные пункты оренбургских башкир, входившие в Оренбургскую губернию // Башкирская энциклопедия.
- ↑ 3,0 3,1 3,2 3,3 Абсалямова Ю. А. Оренбургские башкиры: историко-этнографическое исследование. — Уфа, 2016. — С. 28, 62, 151-153. — 184 с. — ISBN 978-5-9613-0424-4.
- ↑ 1938—1957 йылдарҙа — Чкалов өлкәһе тип атала.
- ↑ Кувандыкский район в административно-территориальном устройстве государства (22 февраль 2015). Дата обращения: 25 сентябрь 2015. 2020 йылдың 25 сентябрь көнөндә архивланған.
- ↑ Абсалямова Ю. А., Юсупов Р. М. Оренбургские башкиры // Башкирская энциклопедия. — Уфа: ГАУН «Башкирская энциклопедия», 2015—2020. — ISBN 978-5-88185-306-8.
| Гай ҡала округы тораҡ пункттары | |||
|---|---|---|---|
.png) | Административ үҙәк: Гай Юҡҡа сыҡҡан ауылдар: Әбүбәкер | .png) | |
