Нәҙерғолов Азат Әхмәҙулла улы

1962 йылдың 1 авгусында Башҡорт АССР-ының Йылайыр районы Юлдыбай ауылында тыуған^[3][4].

1983 йылда Өфө дәүләт сәнғәт институтының актерлыҡ бүлеген тамамлаған (Р. В. Исрафилов курсы)^[3]. 1987 йылда ГИТИС-тың режиссёрлыҡ факультетына Анатолий Васильев оҫтаханаһына уҡырға инә, ә 1992 йылда Рәсәй театр сәнғәте академияһын тамамлай^[4][5].

1983—1989 йылдарҙа — М. Ғафури исемендәге Башҡорт дәүләт академия драма театры актёры. 1992 йылдан — режиссёры, 1997—2000 йылдарҙа — художество етәксеһе^[3]. 1993—1997 йылдарҙа — Йәш тамашасы театрының (1997 йылдан — Башҡортостан Республикаһының Милли йәштәр театры) художество етәксеһе, 2000—2004 йылдарҙа — Милли йәштәр театрының художество етәксеһе^[3][6].

Бер үк ваҡытта 1992 йылдан Өфө дәүләт сәнғәт институтында (хәҙер — Заһир Исмәғилев исемендәге Өфө дәүләт сәнғәт академияһы) уҡыта, режиссура һәм актер оҫталығы кафедраһы профессоры була^[5][7].

2023 йылдың 1 мартында Өфө ҡалаһында ҡапыл вафат була^[6][8].

Актёр булараҡ, лирик-романтик пландағы ролдәрҙә уңышҡа өлгәшә. Уның сәхнәләге төп ролдәре:

• Нурик — «Хушығыҙ, хыялдарым…», Ә. К. Атнабаев (дебют, 1981);
• Сильва — «Өлкән ул», А. В. Вампилов;
• Шәрәф — «Аҫылйәр», М. Фәйзи;
• Санду — «Изге-изге», И. Друцэ^[3][5].

Режиссёр булараҡ тәүге эше — 1992 йылда Ф. М. Бүләковтың «Талаҡ, талаҡ!» спектакле^[3].

Башҡорт академия драма театры сәхнәһендә ҡуйған спектаклдәре:

• «Камикадзе», Ф. Бүләков (1992);
• «Филумена Мартурано», Э. де Филиппо (1993);
• «Аты барҙың дәрте бар», Н. Ғәйетбаев (1997);
• «Шайморатов генерал», Ф. Бүләков (1998);
• «Көнләш, Америка, көнләш», С. Латыпов (1999);
• «Айгөл иле», М. Кәрим (1999)^[7][5].

Милли йәштәр театры сәхнәһендә ҡуйған спектаклдәре^[5]:

• «Дурочка», Лопе де Вега (1994);
• «Мөхәббәт тураһында йыр», Ә. Атнабаев (1994);
• «Уйындан — уймаҡ», Ш. Рәхмәтуллин (1994);
• «Салауат», М. Кәрим (1995);
• «Аҡсарлаҡ», А. П. Чехов (1996);
• «Һинд ҡыҙы», Ғ. Ҡәйүмов.

Режиссёр (рус.)баш. булараҡ күмәк сараларҙы ла ойоштора: 1995 йылда Беренсе Бөтә донъя башҡорттары ҡоролтайына арналған концерттар, 1997—1998 йылдарҙа «Аҡбуҙат» ипподромында күмәк тамашалар, 1997 йылда Мәскәүҙә Башҡортостан мәҙәниәте көндәре, 1996—2005 йылдарҙа хөкүмәт концерттары^[5].

• Башҡорт АССР-ының атҡаҙанған артисы (1994);
• Башҡортостан Республикаһының халыҡ артисы (25 декабрь 1997)^[3][5].

• Тормош иптәше — Таңсулпан Бабичева (1953), башҡорт театр һәм кино актёры, юғары мәктәп уҡытыусыһы, профессор (2005). Башҡортостан Республикаһының Салауат Юлаев исемендәге дәүләт премияһы лауреаты (1981), Рәсәй Федерацияһының (2000) һәм Башҡортостан Республикаһының (1994) халыҡ артисы.
• Ҡыҙы — Рената Нәҙерғолова, актриса, хореограф^[9].

2024 йылдың 26 февралендә Өфөлә Азат Нәҙерғолов иҫтәлегенә арналған кисә үткәрелә^[10].