Ғиндулла (исем)

Ғиндулла ғәрәп теленән үҙләштерелгән — мәрхәмәт мәғәнәһендә^[1]. Ғиндулла исеменән Ғиндуллин фамилияһы барлыҡҡа килә.

Сафиуллин Ғиндулла Ғиззәтулла улы (7 май 1933 йыл — 2016 йыл) — ауыл хужалығы алдынғыһы. Башҡорт АССР-ының Дәүләкән районы Ленин исемендәге колхоз бригадаһы механигы. Социалистик Хеҙмәт Геройы (1979), Башҡорт АССР‑ының атҡаҙанған ауыл хужалығы механизаторы (1966).

Байбурин Ғабдулла Ғиндулла улы (1 март 1925 йыл — 19 апрель 1994 йыл) — Бөйөк Ватан һуғышында ҡатнашҡан башҡорт яҙыусыһы, тәржемәсе. 1963 йылдан СССР Яҙыусылар союзы ағзаһы. РСФСР-ҙың атҡаҙанған мәҙәниәт хеҙмәткәре (1985). I дәрәжә Ватан һуғышы ордены (1985) кавалеры.

Шаһманов Тәлғәт Ғиндулла улы(6 май 1959 йыл) — башҡорт журналисы. Рәсәй Федерацияһы һәм Башҡортостан Республикаһы Журналистар союзы ағзаһы (2006). Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2018), Башҡортостан Республикаһы Хөкүмәтенең Шәһит Хоҙайбирҙин исемендәге премияһы лауреаты (2007).

Ғиниәтуллин Марат Ғиндулла улы (1953 йыл 8 март) — Рәсәй зоотехнигы. Ауыл хужалығы фәндәре докторы (1999), профессор (2006), 1989—1991 йылдарҙа умартасылыҡ тармағы менән дан тотҡан Башҡортостан Республикаһында берҙән-бер — Башҡорт дәүләт аграр университетының умартасылыҡ кафедраһы мөдире.

Ғәбиҙуллин Ринат Ғиндулла улы (19 август 1942 йыл) — журналист, сәйәсмән. Рәсәй Федерацияһының 2-се саҡырылыш Дәүләт Думаһы депутаты (1995—1999), КПРФ фракцияһы ағзаһы. КПРФ-тың Башҡортостан Республика комитетының элекке икенсе секретары.

Зарипов Ғәбиҙулла Ғиндулла улы (6 октябрь 1961 йыл — 26 ғинуар 2001 йыл) — башҡорт шағиры һәм журналисы, Башҡортостан Яҙыусылар союзы ағзаһы (1999).