Ҡайынлыкүл (Өфө)

Күлдең көнсығыш ярында — Некрасов ҡасабаһы, ә уның артында «Забельский» аэродромы урынлашҡан. Көньяҡтан күл Духовое (Духовное) күле менән сиктәш, ә төньяҡҡа табан ике километр алыҫлыҡта Ерекле, Бурлыш күлдәре һәм исемһеҙ ваҡ һыу ятҡылыҡтары теҙелеп китә. Көнбайыш яр ныҡ һаҙлыҡлы булыуы менән айырылып тора^[1].

Майҙаны 0,36 км²^[2]. Ағиҙел йылғаһының һыубаҫар һул яҡ ярында^[2], диңгеҙ кимәленән 86,5 метр бейеклектә урынлашҡан^[3].

Күлдән Үрге Инеш шишмәһе ағып сыға (Ағиҙел бассейны)^[3][4]. Һыу ятҡылығы төньяҡтан көньяҡҡа табан оҙонса рәүештә һуҙылған. Ул, нигеҙҙә, атмосфера яуым-төшөмө, ер аҫты һыуҙары менән тулылана.

Ярҙары башлыса һөҙәк һәм ҡуйы үҫемлектәр менән ҡапланған. Көнбайыш яғын ереклек, таллыҡ, имәнлек һәм уҫаҡлыҡтар биләй, ә көнсығыш яр буйлап кесерткән, әрем, меңъяпраҡ һәм башҡа үләндәргә бай булған һыубаҫар туғайҙар һуҙылған.

Күлдең ярҙары уйһыу; көнбайыштан һирәк ағастар, ҡыуаҡлыҡтар^[4] һәм япраҡлы урман (имән, уҫаҡ) үҫкән һаҙлыҡлы; көнсығыштан болон үҫемлектәре менән ҡапланған^[3].

Һыу ятҡылығында шырт балыҡ, табан балыҡ, сабаҡ бар^[4].

Күл һыу инеү һәм яh буйында ял итеү өсөн яраҡлы. Йәйге осорҙа кеше йөрөмәгән урындарында күрән, ҡырҡбыуын һәм ҡамыш күпләп үҫә^[1].

Ҡайынлыкүл XVII быуат башында Өфө дворяндарының ер бәхәстәренә бәйле Өфө приказ йорто документтарында телгә алына^[4].

Рәсәй дәүләт һыу реестры мәғлүмәттәре буйынса, Кама бассейны округына ҡарай, һыу хужалығы участкаһы булып Өфө ҡалаһынан Бөрө ҡалаһына тиклемге Ағиҙел йылғаһы тора. Йылға Кама йылғаһы бассейнына инә^[2].

Объекттың дәүләт һыу реестрындағы коды — 10010201511111100005715^[2].