Аверьянов Иван Андреевич
Аверьянов Иван Андреевич (1923 йылдың 1 июне, Белорет, Башҡорт АССР-ы — 2000 йылдың 5 ғинуары, Мәскәү) — совет хәрби начальнигы, генерал-полковник (1983).
Биографияһы
Бөйөк Ватан һуғышы башында, 1941 йылдың авгусында, Белорет районы хәрби комиссариаты тарафынан Ҡыҙыл армия сафына саҡырыла. 1942 йылда Златоуст хәрби-инженер училищеһын тамамлай. 1942 йылдың ноябренән Бөйөк Ватан һуғышында ҡатнаша[1]. Һуғышты 27-се армия пушка артиллерия бригадаһы составында Воронеж, Дала, Көньяҡ-Көнбайыш, 2-се Украина һәм 3-сө Украина фронттарында үтә. 1942—1943 йылдарҙа артиллерия взводына етәкселек итә, 1944—1945 йылдарҙа артиллерия дивизионының разведка начальнигы була. Курск алышында, Белгород-Харьков операцияһында, Днепр өсөн алышта, Кировоград, Корсунь-Шевченковский, Яссы-Кишинев, Будапешт, Балатон һәм Вена операцияларында ҡатнаша. Үҙен батыр офицер итеп күрһәтә, фронтта өс хәрби орден менән бүләкләнә. 1943 йылдың мартында яралана.
Һуғыштан һуң батарея командиры була, Карпат яны хәрби округында хеҙмәт итә. Ф. Э. Дзержинский исемендәге хәрби академияны тамамлай. Был академияла курс начальнигы, Совет армияһы һәм Хәрби-диңгеҙ флотының Баш сәйәси идаралығында ракета ғәскәрҙәре буйынса өлкән инспектор булып хеҙмәт итә. 1961 йылдан КПСС Үҙәк комитетының административ органдары бүлегендә эшләй. 1966 йылдан — начальник урынбаҫары, ә 1973 йылдан — Стратегик тәғәйенләнештәге ракета ғәскәрҙәренең Баш штабында ҡорамалдар һәм автоматика менән комплектлау баш идаралығы начальнигы. 1989 йылдан — запаста.
1944 йылдан 1991 йылға тиклем КПСС ағзаһы була.
Мәскәүҙә йәшәй. Троекуров зыяратында 4-се участкала ерләнгән.
Наградалары
- Ленин ордены (1986)
- Октябрь Революцияһы ордены
- 2-се (11.03.1985)[2] һәм 2-се (2.02.1945[3]) дәрәжә Ватан һуғышы ордендары
- Ике Хеҙмәт Ҡыҙыл Байраҡ ордены
- Өс Ҡыҙыл Йондоҙ ордены (шул иҫәптән 28.05.1944[4], 5.04.1945[5])
- Жуков миҙалы (Рәсәй Федерацияһы)
- «Хәрби ҡаҙаныштары өсөн» миҙалы
- «Хәрби батырлыҡ өсөн. Владимир Ильич Лениндың тыуыуына 100 йыл тулыу уңайынан» миҙалы
- «СССР дәүләт сиген һаҡлауҙа күрһәткән батырлығы өсөн» миҙалы
- «1941—1945 йылдарҙағы Бөйөк Ватан һуғышында Германияны еңгән өсөн» миҙалы
- «1941—1945 йылдарҙағы Бөйөк Ватан һуғышында Еңеүгә егерме йыл» юбилей миҙалы
- «1941—1945 йылдарҙағы Бөйөк Ватан һуғышында Еңеүгә утыҙ йыл» юбилей миҙалы
- «1941—1945 йылдарҙағы Бөйөк Ватан һуғышында Еңеүгә ҡырҡ йыл» юбилей миҙалы
- «СССР Ҡораллы Көстәре ветераны» миҙалы
- «Хәрби берләшмәне нығытҡан өсөн» миҙалы
- «Сиҙәм ерҙәрҙе үҙләштергән өсөн» миҙалы
- «Совет Армияһына һәм Флотына 30 йыл» юбилей миҙалы
- «СССР Ҡораллы Көстәренә 40 йыл» юбилей миҙалы
- «СССР Ҡораллы Көстәренә 50 йыл» юбилей миҙалы
- «СССР Ҡораллы Көстәренә 60 йыл» юбилей миҙалы
- «СССР Ҡораллы Көстәренә 70 йыл» юбилей миҙалы
- 1-се дәрәжә «Бик яҡшы хеҙмәте өсөн» миҙалы
- Сит ил наградалары
Иҫкәрмәләр
- ↑ Так в большинстве источников. Но в представлении на награждение орденом Красной Звезды указано, что в действующей армии с мая 1942 года.
- ↑ Память народа :: Документ о награде :: Аверьянов Иван Андреевич, Орден Отечественной войны II степени. pamyat-naroda.ru. Мөрәжәғәт итеү датаһы: 10 декабрь 2025. Архивировано 3 октябрь 2017 года.
- ↑ Память народа :: Документ о награде :: Аверьянов Иван Андреевич, Орден Отечественной войны II степени. pamyat-naroda.ru. Мөрәжәғәт итеү датаһы: 10 декабрь 2025. Архивировано 2 октябрь 2017 года.
- ↑ Память народа :: Документ о награде :: Аверянов Иван Андреевич, Орден Красной Звезды. pamyat-naroda.ru. Мөрәжәғәт итеү датаһы: 10 декабрь 2025. Архивировано 3 октябрь 2017 года.
- ↑ Память народа :: Документ о награде :: Аверьянов Иван Андреевич, Орден Красной Звезды. pamyat-naroda.ru. Мөрәжәғәт итеү датаһы: 10 декабрь 2025. Архивировано 2 октябрь 2017 года.