Алабуға (күл, Ҡыҙыл Армия районы)

Алабуға
Дәүләт	Рәсәй

Алабуға (рус. Ала́буга) — Рәсәй Федерацияһы Силәбе өлкәһенең Ҡыҙыл Армия районындағы күл.

Географияһы

Алабуға — Силәбе өлкәһенең Ҡыҙыл Армия районындағы күл, өлкәләге өс Алабуғаның береһе.

Күлдең көньяҡ ярында атамаһын күлдән алған ҙур ауыл - Алабуға. Төньяҡ һәм көнбайыш өлөшөндә — йәйләүҙәр.

Төньяҡ-көнсығыш ярын буйлап Бродокалмак — Алабуға — Тәрәнкүл автомобиль юлы үтә .

Тасуирламаһы

• Уртаса тәрәнлеге — 2 м, иң тәрән урыны — 3 метр.
• Диңгеҙ кимәленән бейеклеге — 173 метр.
• Минераллылығы — 0,694 г/л.
• Майҙаны — 7,4 км² .
• Оҙонлоғо - 3,4 км.
• Киңлеге - 2,6 км.
• Һыуйыйғыс майҙаны: 8,1 км².
• Һыу күләме - 20 300 000 м³.
• Сығанаҡтары юҡ, аҡмай торған күл.
• Һыуы сөсө
• Төбө - ләмле, урыны менән ҡомло.
• Тоҙлолоғо - 0,7 г/л .

Флораһы һәм фаунаһы

Яр буйҙары тотош ҡамыш менән ҡапланған.

Күлдә алабуға һәм аҡ сабаҡ тереклек итә .

Этимологияһы

Шувалов Николай Иванович - Силәбе өлкәһе географы, топонимисы, үҙенең "От Парижа до Берлина по карте Челябинской области: Топонимический словарь" тигән һүҙлегендә Алабуға атамаһының килеп сығышын былай тип аңлата: От башкирского слова алабуга — «окунь». Есть мнение, что озеро в Красноармейском районе названо по мужскому имени Алабуга..

Күл атамаһы, тимәк, алабуға тигән балыҡ атамаһынан йәки Алабуға тигән боронғо башҡорт андронимынан алынған булыуы ихтимал.

Шулай уҡ ҡара

• Силәбе өлкәһе күлдәре исемлеге
• Алабуға (күл, Ҡарабаш)
• Алабуға (күл, Кәҫле районы)

Сығанаҡтар

• Шувалов Н. И. // От Парижа до Берлина по карте Челябинской области: Топонимический словарь. — 2-е изд., переработанное и дополненное. — Челябинск: Южно-Уральское книжное издательство, 1989. — 160 с. — ISBN ISBN 5-7688-0157-7
• Т. Кусимова, С. Бикҡолова.Башҡорт исемдәре. - Өфө, 2006 - 200 бит

Һылтанмалар

• Озеро Алабуга
• Озёра Южного Урала