Алабуға (күл, Ҡарабаш)

Алабуға - Силәбе өлкәһенең Ҡарабаш ҡала округына ҡараған, Ҡарабаш ҡалаһынан һәм Уйылды күленән йыраҡ түгел урынлашҡан һыу ятҡылығы ^[1]

Силәбегә тиклем араһы — 100 км, Екатеринбургҡа — 180 км, Ҡыштымға – 30 км, Ҡарабашҡа — 13 км.

Координаттары: 55°32′5″N 60°21′38″E

Силәбе өлкәһендә Алабуға атамалы 3 күл бар. Уларҙың береһе - Кәҫле, икенсеһе - Ҡыҙыл Армия районында.

Был мәҡәләләгеһе Ҡарабаш ҡалаһы янында урынлашҡан, ул ҙур түгел. Көнбайыштан көнсығышҡа табан - 600 метрға, төньяҡтан көньяҡҡа — 400 метрға һуҙылған.

• Һыу көҙгөһө майҙаны – 25 гектар.
• Тәрәнлеге – 5-7 метр, иң тәрән урыны 9 метрға етә.
• Төбө өлөшләтә ташлы, өлөшләтә ләмле.
• Үтәҙеклеге - 1,5–2 метр.
• Һыуы сөсө.

Ярында тораҡ пункттар юҡ.

Силәбе өлкәһе географы, топонимист Шувалов Николай Иванович үҙенең "От Парижа до Берлина по карте Челябинской области: Топонимический словарь" тигән һүҙлегендә Алабуға атамаһының килеп сығыуы былай аңлата: От башкирского слова алабуга — «окунь». Есть мнение, что озеро в Красноармейском районе названо по мужскому имени Алабуга.^[2].^[3]

Күл атамаһы, шулай итеп, алабуға тигән балыҡ атамаһынан алынған.

Күлде ҡатнаш урмандар уратҡан. Ярҙары һаҙлыҡлы, һыу үләндәре үҫә. Урмандарында емеш-еләк, бәшмәк күп.

Һыу ятҡылыҡғын һыла, аҡ амур, алабалыҡ, ҡарабалыҡ, карп ебәреп торола. Экзотик төрҙәрҙән бикре, уҡбалыҡ үрсетелә. Ҡәҙимге төрҙәрҙән сабаҡ, алабуға, суртан тереклек итә.

Балыҡ тотоу түләүле.

• Силәбе өлкәһе күлдәре исемлеге
• Алабуға (күл, Ҡыҙыл Армия районы)
• Алабуға (күл, Кәҫле районы)