Батанов Бәхетғәлей Николаевич

Батанов Бәхетғәлей Николаевич 1954 йылдың 1 авгусында Һарытау өлкәһе Пугачёв районының Карловка ауылында күп балалы ғаиләлә тыуған. Милләте башҡорт^[1].

1973 йылда Һарытау өлкәһенең Пугачёв ҡалаһында «техник-гидротехник» һөнәре буйынса В. И. Чапаев исемендәге гидромелиорация техникумын тамамлай. Шул уҡ йылда Совет Армияһына хәрби хеҙмәткә саҡырыла.

1984 йылда Костяков исемендәге Мәскәү гидромелиорация институтында «инженер-гидротехник», 2016 йылда Ырымбур дәүләт университетының Күмертау филиалында — ҡала ҡоролмаларын төҙөү буйынса инженер һөнәрен ала.

1973 йылда Һарытау өлкәһендә агроном-мелиоратор булып эш башлай. 1975 йылға саҡлы Совет Армияһында хеҙмәт итә.

1975—1980 йылдар — Башҡорт АССР-ы Мелиорация һәм һыу хужалығы министрлығының механизацияланған күсмә колоннаһы мастеры, прорабы.

1980—1988 йй. БАССР Һыу хужалығы министрлығының мелиорация объекттарын төҙөү буйынса Берләштерелгән дирекцияһының бүлек начальнигы, директор урынбаҫары, директоры.

1988—2002 йй. «Башводмелиорация» Дәүләт унитар предприятиеһы "Проект-төҙөлөш-эксплуатациялау берләшмәһе"нең баш инженер урынбаҫары, заместитель генераль директор урынбаҫары, баш инженеры, генераль директоры.

1998—1999 йй. — «Йомағужа һыуһаҡлағысы» ЯСЙ-енең генераль директоры

2002 йылдың декабренән алып 2013 йылға саҡлы — «Башмелиоводхоз» Дәүләт унитар предприятиеһы Идаралығының генераль директоры.

2013 йылдан Башҡорт дәүләт аграр университетының тәбиғәтте төҙөкләндереү, төҙөлөш һәм гидравлика кафедраһы профессоры.

Уҡытҡан дисциплиналары:

• Гидротехнические сооружения;
• Гидротехническая мелиорация;
• Основы технологии возведения зданий и сооружений;
• Организация и управление строительным производством;
• Обследование, испытание и реконструкция зданий и сооружений.

54 фәнни мәҡәлә һәм өс монография авторы. Уларҙың тематикаһы:

• Техногенная деградация земель Южного Урала;
• Гидротехническое и мелиоративное строительство;
• Водоснабжение сельских населенных пунктов;
• Проблемы опустынивания территорий;
• Рыбохозяйственное освоение водохранилищ и прудов;
• Проектирование и строительство природоохранных сооружений;
• Проектирование и строительство объектов возобновляемых источников энергии;
• Строительство объектов производства строительной индустрии и переработка сельскохозяйственной продукции;
• Разработка и добыча общераспространенных полезных ископаемых.

• Башҡортостан Республикаһының III һәм IV саҡырылыш Дәүләт Йыйылышы — Ҡоролтай депутаты.
• Рәсәй Федерацияһының Һыу һәм мелиораторҙар союзының совет ағзаһы.

• Башҡорт ССР-ының атҡаҙанған ауыл хужалығы хеҙмәткәре (1993)
• Башҡортостан Республикаһының Халыҡтар дуҫлығы ордены
• Башҡортостан Республикаһының Хәйбулла районы почётлы гражданы
• СССР-ҙың беренсе мелиорация һәм һыу хужалығы министры Е. Е. Алексеевскийҙың тыуыуына 100 йыл тулыуға бағышланған иҫтәлекле миҙал

• 2025 йылдың 9 октябрендә Хәйбулла районындағы Аҡъяр һыуһаҡлағысы биләмәһендәге административ бина стенаһына Бәхетғәлей Батановҡа иҫтәлекле таҡтаташ ҡуйыла^[2].
• 2024 йылда Өфө ҡалаһының Калинин районы урамдарының береһенә Бәхетғәлей Батанов исеме бирелә^[3].