Иҫке Вәрәш (Татарстан)

Был терминдың башҡа мәғәнәләре лә бар, ҡарағыҙ: Иҫке Вәрәш.

Иҫке Вәрәш — Рәсәй Федерацияһы Татарстан Республикаһының Мөслим районындағы ауыл. Вәрәшбаш ауыл биләмәһе составына керә.

Ауыл Вәрәш йылғаһы буйында, Мөслим ауылынан төньяҡҡа табан 6 км алыҫлыҡта урынлашҡан^[1].

Иҫке Вәрәш (Шилселе Ҡарантамаҡ) ауылы XVII быуаттың 2-се яртыһында нигеҙләнгән^[1]. 11-се башҡорт кантоны, Ырымбур губернаһы Минзәлә өйәҙе Ирәкте улусы составында була. 1865 йылда был өйәҙ Өфө губернаһына инә.

1848 һәм 1870 йылдарҙа мәсет, мәктәп, 2 һыу тирмәне теркәлгән^[1]^[2].

1920 йылдан Татар АССР-ының Минзәлә кантоны, 1930 йылдан — Мөслим районы, 1963 йылдан — Сарман районы, 1965 йылдан — йәнә Мөслим районы составына керә^[1].

1859 йылда 190 башҡорт, мишәр, татар; 1870 йылда — 205 башҡорт, 25 татар; 1912 йылда — 50 башҡорт, 413 типтәр йәшәй^[2].

Йылдар буйынса халыҡ иҫәбе
(Сығанаҡ: ^[1])
1870	1913	1920	1926	1938	1949	1958	1970	1979	1989	2002	2008
230	464	505	497	524	561	493	540	485	438	378	386

Игенселек, малсылыҡ үҫешкән. Мәктәп, мәҙәниәт йорто, китапхана, мәсет бар^[1].

↑ ¹ ² ³ ⁴ ⁵ ⁶ ⁷ Татарская энциклопедия.
↑ ¹ ² Асфандияров А. З. Аулы мензелинских башкир. — Уфа: Китап, 2009. — С. 515-516. — 600 с. — ISBN 978-5-295-04952-1.

Географик урынлашыуы