Ураҙмәт (Татарстан)

Ураҙмәт — Рәсәй Федерацияһы Татарстан Республикаһының Мөслим районындағы ауыл. Ураҙмәт ауыл биләмәһенең административ үҙәге.

Ауыл Сикия йылғаһы буйында, Мөслим ауылынан төньяҡ-көнсығышҡа табан 35 км алыҫлыҡта урынлашҡан^[1].

Ураҙмәт — Ырымбур губернаһы Минзәлә өйәҙе Бүләр улусы башҡорттарының ауылы. XVIII быуаттың 1-се яртыһында нигеҙләнгән^[1]. 1865 йылда был өйәҙ Өфө губернаһына инә. 1866 йылда ырыу улустары бөтөрөлгәс, ауыл Әмәкәй улусы составына керә.

ХХ быуат башында ауылда мәсет, мәктәп, һыу тирмәне теркәлгән^[1]^[2].

1920 йылдан Татар АССР-ының Минзәлә кантоны, 1930 йылдан — Мөслим районы, 1935 йылдан — Калинин районы, 1959 йылдан — Мөслим районы, 1963 йылдан — Сарман районы, 1965 йылдан — йәнә Мөслим районы составына керә^[1].

1795 йылда ир енесле 140 башҡорт, 235 типтәр; 1834 йылда — 167 башҡорт, 75 типтәр; 1902 йылда — 828 башҡорт һәм типтәр йәшәй^[2].

Йылдар буйынса халыҡ иҫәбе
(Сығанаҡ: ^[1])
1859	1870	1897	1906	1920	1926	1938	1949	1958	1970	1979	1989	2002	2010
578	668	758	892	1117	994	938	694	678	711	524	358	318	278

Игенселек, малсылыҡ үҫешкән. Мәктәп, мәҙәниәт йорто, китапхана бар^[1].

↑ ¹ ² ³ ⁴ ⁵ ⁶ ⁷ Татарская энциклопедия.
↑ ¹ ² Асфандияров А. З. Аулы мензелинских башкир. — Уфа: Китап, 2009. — С. 556-559. — 600 с. — ISBN 978-5-295-04952-1.

Географик урынлашыуы