Юғары Табын

Был терминдың башҡа мәғәнәләре лә бар, ҡарағыҙ: Табын (мәғәнәләр).

Ауыл Табын йылғаһы буйында, Мөслим ауылынан төньяҡ-көнбайышҡа табан 18 км алыҫлыҡта урынлашҡан^[3].

Ауылға ҫарайлы-мең ырыуы башҡорттары нигеҙ һала. Ауыл Ҫарайлы-Мең улусына ҡарай, һуңыраҡ был улус Ырымбур губернаһы Минзәлә өйәҙенә ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, башта ауыл Ирәкте, ә артабан Нөркәй административ-территориаль улусы составына керә^[4].

XX быуат башында 2 хужалыҡ магазины, 3 бакалея кибет, 2 мәсет, мәктәп теркәлгән^[4]^[3].

1920 йылда ауыл яңы ойошторолған Татар АССР-ының Минзәлә кантоны составына керә. 1930 йылдан Мөслим районы, 1963 йылдан — Сарман районы, 1965 йылдан — йәнә Мөслим районы составында була^[3].

1795 йылда ауылда 135 башҡорт; 1859 йылда — 436 башҡорт, типтәр һәм дәүләт крәҫтиәне; 1912 йылда — 1022 башҡорт иҫәпләнгән^[4].

Йылдар буйынса халыҡ иҫәбе
(Сығанаҡ: ^[3])
1795	1859	1870	1897	1912	1920	1926	1938	1949	1958	1970	1979	1989	2000
135	436	501	827	1022	1109	845	899	671	546	526	458	399	380

↑ ОКТМО (урыҫ)
↑ Камалов А. А., Камалова Ф. У. Атайсал. — Уфа: Башкирское издательство «Китап», 2001. — С. 395. — 544 с. — ISBN 5-295-02882-8.
↑ ¹ ² ³ ⁴ Татарская энциклопедия.
↑ ¹ ² ³ Асфандияров А. З. Аулы мензелинских башкир. — Уфа: Китап, 2009. — С. 546—549. — 600 с. — ISBN 978-5-295-04952-1.

География