Сәйфетдинов Эмиль Дамир улы
Сәйфетди́нов Эми́ль Дами́р улы (рус. Сайфутдинов Эмиль Дамирович; 1989 йылдың 26 октябре, Салауат, Башҡорт АССР-ы) — Рәсәй спидвей уҙышсыһы. Рәсәйҙең халыҡ-ара класлы спорт мастеры. Команда беренселегендә өс тапҡыр донъя чемпионы (2018, 2019, 2020). Үҫмерҙәр араһында ике тапҡыр донъя чемпионы (2007, 2008).
Спидвей буйынса даими нигеҙҙә Гран-При донъя серияһында ҡатнашыу хоҡуғын алған беренсе Рәсәй спортсыһы һәм Гран-Приҙың беренсе этабында уҡ уның еңеүсеһе, бер үк ваҡытта Гран-При этабының иң йәш еңеүсеһе була.
Спидвей буйынса шәхси донъя чемпионатының өс тапҡыр бронза призеры (Гран-При серияһы) — 2009, 2019, 2021; спидвей буйынса команда донъя чемпионатының ике тапҡыр бронза призеры — 2012 һәм 2017, ике тапҡыр Европа чемпионы — 2014, 2015.
Биографияһы
Эмиль Дамир улы Сәйфетдинов 1989 йылдың 26 октябрендә Башҡорт АССР-ының Салауат ҡалаһында, спидвей буйынса"Салауат" спидвей клубының баш тренеры, рәсәйҙең йыйылма командаһы тренеры Дамир Сәйфетдинов ғаиләһендә тыуа. Мотоспорт менән тыуған ҡалаһы Салауатта шөғөлләнә башлай, тәүге ярыштарҙа (мотокросс 65 см3) 1998 йылда ҡатнаша, әммә һуңыраҡ шлак һибелгән юлдағы спидвейға иғтибарын йүнәлтә.
Ул ике тапҡыр үҫмерҙәр араһында донъя чемпионы була һәм тулы ваҡытлы штат буйынса Speedway World Grand Prix серияһына ҡабул ителгән беренсе рәсәйле булараҡ тарихҡа инә. Дебют миҙгелендә ул бер этапта еңеп сыға, ярыш тарихында иң йәш еңеүсе була.
Сәйфетдинов Рәсәй һәм Европаның алдынғы клубтары өсөн уңышлы көс һынашып, Рәсәй һәм Польша чемпиондары һәм Швеция һәм башҡа илдәрҙә милли лигаларҙың күп тапҡыр еңеүсеһе була. Ул үҙ быуынының иң биҙәкле һәм танылған Рәсәй спидвейсыларының береһе булараҡ билдәле[1].
Атаһы: Сәйфетдинов Дамир Шамил улы (20 ғинуар 1962 йыл — 4 май 2013 йыл[2])) — «Салауат» командаһының баш тренеры һәм Рәсәй йыйылма командаһы тренеры.
Ағаһы: Денис Сәйфетдинов (2 июнь 1981 йыл), шулай уҡ уҙышсы. 2007—2010 йылдарҙа ике ағалы-ҡустылы ла Рәсәйҙең бер үк клубында сығыш яһай (2007, 2008 йылдарҙа — «Мега-Лада»; 2009, 2010 — «Турбина»).
Эмиль Сәйфетдинов Санкт-Петербург ҡалаһында даими йәшәй.
Клуб карьераһы
Рәсәйҙә
2001—2003 йылдарҙа спидвей буйынса ярыштарҙа «Салауат» командаһы өсөн үҫмерҙәр беренселегендә ҡатнаша, ә 2003 йылдан Тольяттиҙың «Мега-Лада» клубы өсөн үҫмерҙәр ярыштарында сығыш яһай башлай.
2005 йылда спидвей буйынса башлап Рәсәй команда чемпионатында «Мега-Лада» өсөн сығыш яһай. Беренсе ярышта «Мега-Лада» Владивостоктан «Восток» менән осраша, беренсе заезда Эмиль финишҡа 4-се (Даркин, Ерошин һәм Каминскийҙан һуң) булып килә, ә киләһе заезда Рәсәй чемпионатында тәүге ике мәрәйен йыя (заезд: Даркин, Сәйфетдинов, Столяров, Казионный). Ярыш «Мега-Лада» файҙаһына 58:31 иҫәбенә тамамлана, Эмиль өс заезда өс мәрәй һәм бер бонус йыя (0; 2*; 1).
2006 йыл миҙгелендә «Мега-Лада» етәкселеге менән аңлашылмаусанлыҡ арҡаһында чемпионатта ҡатнашмай[3], иғтибарын Польша лигаһында сығыш яһауға йүнәлтә. Ошо сәбәптән 2006 йылда бер генә халыҡ-ара ярышта ла ҡатнашмай, ә Рәсәйҙә бер тапҡыр ғына, үҫмерҙәр араһында боҙҙағы спидвей буйынса Рәсәй команда чемпионатында «Приморье» командаһы составында сығыш яһап, бер генә заезд үткәрә. Киләһе йылына Эмиль Тольяттиға ҡайта.
2007 һәм 2008 йылдарҙағы чемпионаттарҙа «Мега-Лада» составында бөтә легионер булмаған уҙышсылар араһында илдең иң яҡшы уҙышсыһы була.
2008 йыл миҙгеле тамамланғандан һуң Балаково ҡалаһының «Турбина»һы менән килешеү төҙөй, унда уға яҡшы шарттар тәҡдим ителә[4], уның составында 2009 йылғы миҙгелдә Рәсәй чемпионы була, заездың уртаса һөҙөмтәһе буйынса йәнә Рәсәйҙең иң яҡшы уҙышсыһы була. 2010 йылғы миҙгелдә рәсми рәүештә «Турбина» уҙышсыһы булып иҫәпләнә, әммә бер нисә тапҡыр йәрәхәтләнеүе һәм Европа лигаларында һәм халыҡ-ара ярыштарҙа мәшғүл булыуы арҡаһында Рәсәйҙә шәхси һәм команда чемпионатында ҡатнашмай (әммә Украина спидвей лигаһында «Турбина» өсөн ике уҙыш үткәрә).
2013 йылда клубтың финанс ауырлыҡтары арҡаһында "Турбина"нан китә һәм карьераһын «Салауат» спорт клубында дауам итә[5]. "Салауат"та спортсы ике миҙгел үҙ мотоциклдарында һәм үҙ иҫәбенә сығыш яһай, беренсенән, клуб менән етәкселек иткән атаһына хөрмәт йөҙөнән, икенсенән, көйәрмәндәрҙе ярыштарҙы ҡарауға йәлеп итеү һәм Рәсәйҙә бер ниндәй ҙә ярҙам алмаған йәш талантлы Рәсәй уҙышсыларына иғтибарҙы йүнәлтеү өсөн[5].
2018 йылда Балаковоның «Турбина»һы менән килешеү төҙөй[6].
Европала
2006—2008 йылдарҙа Польшаның Экстралига командаһы «Полония Быдгощ» менән өс йыллыҡ килешеүгә ҡул ҡуя, был башлыса 2005 йыл аҙағында «Ҙур Владивосток» ярышында йәш Рәсәй уҙышсыһын күреп ҡалған швед уҙышсыһы Андреас Йонссондың тәҡдиме арҡаһында була[7]. Сәйфетдинов Польша командаһы лидерҙарының береһе була, уның составында ете йыл сығыш яһай (2006—2012), 1ПЛ-ға төшөп ҡалған йылдарында ла клубты ташламай. Әммә 2013 йылда Экстралиганың икенсе клубы «Влукняж Ченстохова»ға күсә, унда икенсе билдәле Рәсәй уҙышсыһы Григорий Лагута менән бергә сығыш яһай.
2014 йыл миҙгеле алдынан «Влукняж» клубынан «Унибакс»ҡа күсеүе низағ тыуҙыра: Сәйфетдинов белдереүенсә, клуб уға бер миллион злотый бурыслы була һәм «Унибакс»ҡа күсеүгә ҡамасаулай. «Влукняж» етәкселеге, үҙ сиратында, спортсыға килешеү серен асҡан һәм клубтың абруйына зыян килтергән өсөн 200 мең злотый штраф һала[8].
2015 йылда тағы Экстралига клубын алмаштыра, был юлы «Уния Лешно» клубына күсә, уның составында беренсе тапҡыр Польша чемпионы була.
2006 йыл аҙағында үҙенең алмаштырғыһыҙ поляк менеджеры, донъя чемпионы Тони Рикардссондың элекке менеджеры Томаш «Суси» Сускевич менән хеҙмәттәшлек итә башлай.
2007 йылда Швеция лигаһында «Масарна Авеста» клубы составында башлап сығыш яһай, уның менән ике йыллыҡ килешеү төҙөй[9]. Һуңыраҡ «Пиратерна Мотала», «Элит Ветланд», «Индианерна Кумла» клубтары өсөн сығыш яһай. «Элит Ветланд» клубы составында өс тапҡыр Элитсерия еңеүсеһе була, 2015 йылда СРЗ буйынса Элитсерияның иң яҡшы уҙышсыһы була.
2011 йылда шулай уҡ Британия Премьер-Лигаһында (Coventry Bees өсөн) һәм Чехия Экстралигаһында (AK Slany өсөн) сығыш яһай.
Рәсәй чемпионатындағы ҡаҙаныштары
- Спидвей буйынса йәш үҫмерҙәр араһында Рәсәй чемпионаты
- шәхси беренселектә — 1-се урын (2002, 2003, 2004)
- команда беренселегендә — 1-се урын (2003, 2004), 2-се урын (2002)
- Спидвей буйынса үҫмерҙәр араһында Рәсәй чемпионаты
- шәхси беренселектә — 1-се урын (2005 — илдәге уҙыштар тарихында иң йәш чемпион була — 15 йәштә, 2008), 2-се урын (2007)
- команда беренселегендә — 1-се урын (2005), 2-се урын (2004, 2007), 3-сө урын (2008)
- Спидвей буйынса Рәсәй чемпионаты
- шәхси беренселектә — 2-се урын (2008), 3-сө урын (2009)
- команда беренселегендә — 1-се урын (2005, 2007, 2008, 2009, 2011, 2012), 2-се урын (2018), 3-сө урын (2019)
- парлы беренселектә — 1-се урын (2005, 2009), 3-сө урын (2007)
- Рәсәй мотоцикл спорты федерацияһы кубогы
- команда беренселегендә — 2-се урын (2005)
Заездарҙағы уртаса һөҙөмтә
| Лига | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 |
|---|---|---|---|---|---|---|---|---|---|---|---|---|---|---|---|---|---|
|
2,271
Мега-Лада |
- | 2,78
Мега-Лада |
2,829
Мега-Лада |
2,871
Турбина |
- | 2,613
Турбина |
2,655
Турбина |
2,667
Салауат |
2,857
Салауат |
- | - | - | 3,000
Турбина |
2,810
Турбина |
- | - |
 (E)
|
- | 1,353
Быдгощ |
1,463
Быдгощ |
- | 2,189
Быдгощ |
2,286
Быдгощ |
- | 2,258
Быдгощ |
2,260
Влукняж |
2,279
Торунь |
2,141
Лешно |
2,029
Лешно |
2,022
Лешно |
2,216
Лешно |
2,361
Лешно |
2,523
Лешно |
1,954
Лешно |
| (I)
|
- | - | - | 2,535
Быдгощ |
- | - | 2,539
Быдгощ |
- | - | - | - | - | - | - | - | - | - |
 (E)
|
- | - | 1,788
Масарна |
1,773
Масарна |
2,000
Пиратерна |
2,600
Пиратерна |
- | 1,747
Ветланда |
1,722
Индианерна |
1,887
Ветланда |
2,569
Ветланда |
1,933
Ветланда |
1,775
Пиратерна |
- | - | - | - |
|
- | - | - | - | 2,692
Войенс |
2,333
Войенс |
- | - | - | - | - | - | - | - | - | - | - |
|
- | - | - | - | - | 3,000
Турбина |
- | - | - | - | - | - | - | - | - | - | - |
 (E)
|
- | - | - | - | - | - | 2,105
Ковентри |
- | - | - | - | - | - | - | - | - | - |
|
- | - | - | - | - | - | 2,143
АК Слани |
- | - | - | - | - | - | - | - | - | - |
Халыҡ-ара ярыштарҙағы ҡаҙаныштары
Үҫмерҙәр ярыштары
2005 йылда беренсе тапҡыр халыҡ-ара ярыштарҙа — үҫмерҙәр араһындағы шәхси Европа чемпионатында сығыш яһай, унда ярымфиналда сығыш яһап, финалда ҡатнашыу хоҡуғын яулай, әммә уникаль формулировка менән — минималь йәшкә етмәгәне өсөн — дисквалификациялана (Эмилгә ул ваҡытта 16 йәш тулмаған була). Ҡаҙаныштары:
- Спидвей буйынса үҫмерҙәр араһында шәхси Европа чемпионаты — ярымфиналда 5-се урын, дисквалификация (2005)
- Спидвей буйынса үҫмерҙәр араһында команда Европа чемпионаты — ҡатнашмай
- Спидвей буйынса үҫмерҙәр араһында команда донъя чемпионаты — ярымфиналда 4-се урын (2007), ярымфиналда 4-се урын (2008)
- Спидвей буйынса үҫмерҙәр араһында шәхси донъя чемпионаты — 1-се урын (2007), 1-се урын (2008) — тарихта ике чемпион титулын яулай алған беренсе үҫмер була.
Өлкәндәр ярыштары
- Спидвей буйынса шәхси Европа чемпионаты — 9-сы урын (2013, йәрәхәт алыу сәбәпле дүрт этаптың икәүһендә генә ҡатнаша ала; икәүһендә лә еңеү яулай), 1-се урын (2014, 2015), 7-се урын (2016), 6-сы урын (2018), 17-се урын (2020, бишәүҙән бер этапта «ҡырағай карта» буйынса ҡатнаша)
- Спидвей буйынса парҙар араһында Европа чемпионаты — ҡатнашмай
- Европа чемпиондары кубогы — 3-сө урын (2007), 1-се урын (2008), финалда зачеттан тыш ҡатнашыу (2011)
- Спидвей буйынса донъя кубогы — 6-сы урын (2007), 6-сы урын (2008) (спидвей буйынса үҫмерҙәр араһында шәхси донъя чемпионаты арҡаһында ярымфиналда ғына ҡатнаша), 4-се урын (2009), 5-се урын (2011), 3-сө урын (2012, 2017), 7-се урын (2015, квалификацияла ғына ҡатнаша), 6-сы урын (2016)
- Спидвей буйынса шәхси донъя чемпионаты — 3-сө урын (2009, 2019, 2021), 15-се урын (2010), 6-сы урын (2011, 2013, 2017), 5-се урын (2012), 8-се урын (2018, 2020)
- Speedway of Nations — 1-се урын (2018, 2019, 2020)
- Челлендж 2009 Гран-Прийы — сирекфиналда 8-се урын, ярымфиналда запас ҡатнашыусы (нс)
2011 йылда башта Командалар араһында донъя кубогында (ККМ) ярымфинал ярышына Рәсәй йыйылма командаһы составында була, әммә ярышҡа бер нисә көн ҡалғас, үҙе һәм уның механиктары командаһы өсөн юл хаҡы түләмәһәләр, ярыштарға бармаясағын белдереп, ҡатнашыуҙан баш тарта. Бының өсөн финанс средстволарын ғәҙәттә үҙенең уҙышсыларының сәйәхәттәрен финанслаған «Турбина» клубы ла, Рәсәй мотоцикл спорты федерацияһы ла таба алмай[10]. Һөҙөмтәлә Рәсәй йыйылма командаһы составына башҡа уҙышсылар инә, әммә улар команданы рейс-оффҡа сығара ала. Эмиль рейс-оффта ҡатнаша алһын өсөн Рәсәйҙең мотоцикл спорты федерацияһы президенты Александр Лункиндың шәхси ҡыҫылышы талап ителә[11].
2012 йылда ККМ-2012-нең бронза миҙалдарын яулай (быға тиклем Рәсәй уҙышсылары пьедесталға 1996 йылда ғына менә), ярымфиналда команданың 35 мәрәйенең 16-һын һәм финалда 30 мәрәйҙең 17-һен йыя.
2013 йылғы миҙгелдә — йәрәхәт алғанлыҡтан, 2014 йылда федерацияның финанс ауырлыҡтары арҡаһында Спидвей буйынса командалар араһында донъя кубогында ҡатнашмай. 2015 йылда ККМ квалификацияһында ҡатнаша, әммә йәрәхәтләнеүе арҡаһында ярымфиналда һәм рейс-оффта сығыш яһай алмай. 2017 йылда йыйылма команда капитаны сифатында, хатта йыйылма командала ағалы-ҡустылы ике Лагутаның да булмауына ҡарамаҫтан, уңышҡа хәл иткес өлөш индереп (финалда команданың 18 мәрәйенең 11-ен йыйып), Рәсәйҙе Кубокта бронза миҙалға килтерә.
2018, 2019 һәм 2020 йылдарҙа өс тапҡыр ККМ-ды алмашҡа килгән Speedway of Nations турнирында еңеү яулай.
Гран-При серияһында ҡатнашыуҙары
2008 йыл аҙағында үҫмерҙәр араһында ике тапҡыр донъя чемпионы булараҡ, 2009 йылғы Гран-При миҙгелендә — донъялағы иң абруйлы спидвей ярышында даими уҙышсы сифатында ҡатнашырға рәсми саҡырыу («ҡырағай карта») килә. Шулай итеп, 1995 йылдан Гран-При системаһы индерелгәндән башлап, Спидвей буйынса шәхси донъя чемпионатында даими нигеҙҙә сығыш яһау хоҡуғын алған беренсе Рәсәй уҙышсыһы була.
Спортсы өсөн 2009 йыл миҙгеле бик уңышлы үтә. Гран-Приҙың донъя серияһының өс этабында еңеү яулай: Чехияла (Прага), Швецияла (Гетеборг) һәм Словенияла (Кршко), өҫтәүенә ҡатнашҡан беренсе Гран-Приҙа уҡ (Чехия Гран-Прийы) еңеү яулай, шул уҡ ваҡытта Гран-При этабында тарихтағы иң йәш еңеүсе була[12][13].
Спортҡа яраҡһыҙ тәртибе менән дә иҫтә ҡала. Мәҫәлән, серияның 5-се этабында (Бөйөк Британия Гран-Прийы) бишенсе заездан һуң британ уҙышсыһы Скотт Николлз менән ҡул һуғышы ойоштора, бының өсөн беренсеһенә — 600 доллар (ғәфү үтенә), ә икенсеһенә 500 доллар штраф һалына[14].
Әммә 2010 йыл миҙгеле уңышлы булмай. 3-сө этапта (Чехия Гран-Прийы) дүртенсе сериялағы заезда өсөнсө булып барған британ спортсыһы Крис Харрисҡа һөжүм ваҡытында, мотоциклға идара итеүҙе юғалтып, йығыла һәм ярышы дауам итә алмай[15]. Һул ҡулының иңбаш һөйәге һына, ә бит ул һулаҡай. Һөйәк титан пластина һәм шөрөптәр менән беркетелә.
Был йәрәхәт арҡаһында Гран-Приҙың өс этабын үткәреп ебәрергә мәжбүр була, тик Скандинавия Гран-Прийына ғына йүнәлеп өлгөрә, унда поляк уҙышсыһы Томаш Голлоба арҡаһында ул яңы йәрәхәт ала (уң ҡулының ҡушҡар һөйәге быуыны ҡаймыға), шул сәбәпле миҙгелде ваҡытынан алда тамамларға мәжбүр була.
2010 йылдың 19 октябрендә Макаола FIM конгресы 2011 йылғы Гран-При серияһында ҡатнашыу өсөн «ҡырағай карта» бирә[16].
2011 һәм 2012 йылдарҙағы Гран-При миҙгелдәрендә ярашлы рәүештә 6-сы һәм 5-се урындарҙы биләй.
2013 йылғы миҙгелдә Гран-Приҙың 12 этабының 8-енән һуң дөйөм классификация лидеры була, әммә 9-сы этапта (17 августа) Тай Воффинденды алдынғылыҡҡа сығара, ә 31 августа Экстралига матчында Адриан Медзински һәм Камил Бжозовски менән көс һынашҡанда йәрәхәтләнә һәм миҙгелде тамамларға мәжбүр була. Һөҙөмтәлә миҙгел йомғаҡтары буйынса 6-сы урында ҡала.
2014 йыл миҙгеле алдынан спортсы финанс проблемалары арҡаһында Гран-При серияһында ҡатнашыуҙан баш тартырға мәжбүр була[17], ләкин 2017 йылда йәнә серияға әйләнеп ҡайта.
Шул мәлдән алып 2019 йыл миҙгеле иң сағыуы була, ул 2009 йылдағы уңышын ҡабатлап, донъяла өсөнсө урынды яулай. Миҙгел дауамында Халлставиктағы этапта еңеү яулай, Войенста өсөнсө урынды ала һәм Кардифф менән Торуниҙа икенсе була. Алтын өсөн һуңғы этапҡа тиклем көрәшә, унда ярымфинал заезынан һуң Бартош Змарзлик рәсми рәүештә донъя чемпионы була, ә Леон Мадсен максималь мәрәй йыя, был Дания спортсыһына Эмилде өсөнсө урынға ҡалдырырға мөмкинлек бирә.
2021 йылда тағы ла Гран-При серияһының бронза призеры була.
Гран-При донъя серияһы
| Миҙгел | Һан | 1 | 2 | 3 | 4 | 5 | 6 | 7 | 8 | 9 | 10 | 11 | 12 | Урын | Мәрәй |
|---|---|---|---|---|---|---|---|---|---|---|---|---|---|---|---|
| 2009 | 15 | CZE
17 |
EUR
9 |
SWE
20 |
DNK
14 |
GBR
7 |
LVA
10 |
SCA
5 |
NOR
14 |
SVN
24 |
ITA
11 |
POL
8 |
3 | 139 | |
| 2010 | 3 | EUR
14 |
SWE
8 |
CZE
5 |
DNK
— |
POL
— |
GBR
— |
SCA
6 |
CHO
— |
NOR
— |
ITA
— |
FNL
— |
15 | 33 | |
| 2011 | 12 | EUR
14 |
SWE
8 |
CZE
6 |
DNK
7 |
GBR
13 |
ITA
11 |
SCA
13 |
POL
7 |
NOR
9 |
CHO
10 |
FNL
8 |
6 | 106 | |
| 2012 | 6 | NZE
8 |
EUR
7 |
CZE
10 |
SWE
12 |
DNK
11 |
POL
10 |
CHO
7 |
ITA
19 |
GBR
12 |
SCA
11 |
NOR
15 |
FNL
11 |
5 | 133 |
| 2013 | 5 | NZE
6 |
EUR
15 |
SWE
17 |
CZE
17 |
GBR
14 |
POL
15 |
DEN
13 |
ITA
10 |
LAT
7 |
SVN
— |
NOR
— |
FNL
— |
6 | 114 |
| 2017 | 89 | SLO
12 |
POL
6 |
LAT
13 |
CZE
2 |
DEN
14 |
GBR
11 |
SWE
10 |
POL2
11 |
GER
11 |
SVN
12 |
POL3
7 |
AUS
8 |
6 | 117 |
| 2018 | 89 | POL
8 |
CZE
15 |
DEN
11 |
SWE
14 |
GBR
8 |
SCA
6 |
POL2
3 |
SVN
5 |
GER
8 |
POL3
11 |
8 | 89 | ||
| 2019 | 89 | POL
6 |
SVN
13 |
CZE
11 |
SWE
17 |
POL2
14 |
SCA
7 |
GER
10 |
DEN
16 |
GBR
17 |
POL3
15 |
3 | 126 | ||
| 2020 | 89 | POL1
10 |
POL2
5 |
POL3
7 |
POL4
14 |
CZE1
14 |
CZE2
10 |
POL5
12 |
POL6
9 |
8 | 81 | ||||
| 2021 | 222 | CZE1
18 |
CZE2
14 |
POL1
14 |
POL2
12 |
POL3
9 |
POL4
12 |
SWE
12 |
RUS
14 |
DEN
16 |
POL5
10 |
POL6
18 |
3 | 149 |
Башҡа ярыштар
- Рушкевич Спорт Маркетинг кубогы — 3-сө урын (2006, Гнезно, үҫмерҙәр)
- Гданьскиҙың парлы турниры — 1-се урын (Кристиан Клеха менән парҙа «Полония Быдгощ» составында, 2006, Гданьск)
- Критериум Асов — 2-се урын (2008, Быдгощ), 3-сө урын (2009), 1-се урын (2010), 1-се урын (2011)
- «Яңы Хутаның 60 йыллығы» кубогы — 1-се урын (2009, Краков)
- Анатолий Степанов мемориалы — 2-се урын (2009, Тольятти), 1-се урын (2011)
- Ҡыйыу Болеслав тажы — 1-се урын (2011, Гнезно), 2-се урын (2012)
- Альфред Смочик мемориалы — 1-се урын (2012, Лешно)
- Ченстохова Президенты кубогы — 2-се урын (2012, Ченстохова)
- Eurosport Speedway Best Pairs — 2-се урын (Рәсәй йыйылма командаһы составында Григорий Лагута һәм Артём Лагута менән парҙа, 2013, Торунь)
- Экстралиганың шәхси чемпионаты — 1-се урын (2014, Тарнув)
- Любош Томичек мемориалы — 1-се урын (2014, Прага)
- Герб сылбыры турниры — 3-сө урын (2016, Острув-Велькопольски)
- Алтын шлем — 1-се урын (2016, Пардубице)
Ҡыҙыҡлы факттар
Спидвей — Эмиль Сәйфетдинов шөғөлләнгән берҙән-бер спорт төрө түгел. Ул ҡышҡы мотокросста ла рәсми ярыштарҙа ҡатнаша[18]. Бынан тыш, уға MotoGP (шоссе-ҡулса ярыштары) донъя серияһында ҡатнашырға рәсми саҡырыу килә[19], әммә әлеге мәлгә спортсы бер этапта ла ҡатнашмаған әле.
Польша гражданлығына эйә. Ул 2009 йылдың яҙында спорт эшмәкәрлеге менән бәйле күп һанлы күсеп йөрөүҙәр ваҡытында Европа сиктәрен аша сығыуҙы еңеләйтеү маҡсатында алына. Бынан тыш, поляк гражданлығы уға Польша Экстралигаһында урындағы уҙышсы булараҡ сығыш яһарға мөмкинлек бирә, шулай итеп, легионерҙар лимитын урап үтә. Әммә Бөтә халыҡ-ара ярыштарҙа ла элеккесә Рәсәй исеменән сығыш яһай[20].
Әлеге ваҡытта Санкт-Петербургта йәшәй, унда билдәле мотокроссмен Геннадий Севостьянов менән бергә «Sevostyanov & Sayfutdinov» балалар мотомәктәбе етәкселәренең береһе булып тора[21].
Ғаиләһе
Атаһы — Дамир Шамил улы Сәйфетдинов (20 ғинуар, 1962 — 4 май, 2013[22]) — «Салауат» спидвей клубының баш тренеры, Рәсәй йыйылма командаһының тренеры.
Ағаһы — Денис Сәйфетдинов (1981), шулай уҡ уҙышсы. 2007—2010 йылдарҙа ағалы-ҡустылылар Рәсәйҙә бер үк клуб өсөн сығыш яһай (2007, 2008 — «Мега-Лада»; 2009, 2010 — «Турбина»).
Иҫкәрмәләр
- ↑ Эмиль Сайфутдинов посетил Салават — как оценивает знаменитый гонщик развитие мотоспорта в родном городе?. 4 февраль 2026 тикшерелгән.
- ↑ Умер главный тренер спидвей-клуба «Салават» и сборной России, отец Дениса и Эмиля Дамир Сайфутдинов. Мөрәжәғәт итеү датаһы: 10 май 2013. Архивировано из оригинала 20 август 2013 года.
- ↑ Самые известные мотогонщики России: Эмиль Сайфутдинов. Мөрәжәғәт итеү датаһы: 24 сентябрь 2025.
- ↑ Алексей Степанов: «Слухи о продаже „Мега-Лады“ — чушь и вранье». Мөрәжәғәт итеү датаһы: 24 сентябрь 2025.
- ↑ 1 2 Sajfutdinow pojedzie za darmo. «Chcę dać impuls do zmian» — Żużel — SportoweFakty.pl. Мөрәжәғәт итеү датаһы: 24 сентябрь 2025. Архивировано 23 июнь 2013 года.
- ↑ Спидвейная "Турбина" подписала контракт с двукратным чемпионом Европы. nversia.ru (16 февраль 2018). Мөрәжәғәт итеү датаһы: 24 сентябрь 2025.
- ↑ Эмиля порекомендовал Йонссон (Сайфутдинов-младший — в Быдгоще!). Мөрәжәғәт итеү датаһы: 24 сентябрь 2025. Архивировано 27 сентябрь 2012 года.
- ↑ Сайфутдинов: «Влукняж» меня просто обманул. Мөрәжәғәт итеү датаһы: 24 сентябрь 2025. Архивировано 8 май 2014 года.
- ↑ МАСАРНА подписала российского вундеркинда. Мөрәжәғәт итеү датаһы: 24 сентябрь 2025. Архивировано 24 февраль 2016 года.
- ↑ Tomasz Suskiewicz: Ktoś popełnił błąd. Мөрәжәғәт итеү датаһы: 24 сентябрь 2025. Архивировано 13 июль 2011 года.
- ↑ Под контролем президента МФР. Мөрәжәғәт итеү датаһы: 24 сентябрь 2025. Архивировано 15 июль 2011 года.
- ↑ Speedway: Russian record breaker in Prague season opener — Pole Position — Motorsport — Mirror.co.uk. Мөрәжәғәт итеү датаһы: 24 сентябрь 2025. Архивировано 29 апрель 2009 года.
- ↑ New kid Saifutdinov causes upset in Czech Grand Prix (From Wilts and Gloucestershire Standard). Мөрәжәғәт итеү датаһы: 24 сентябрь 2025. Архивировано 11 август 2014 года.
- ↑ Спидвей: на ГранПри Великобритании Сайфутдинову пришлось драться. Мөрәжәғәт итеү датаһы: 24 сентябрь 2025. Архивировано 6 июль 2009 года.
- ↑ Чешский этап для Томаша Голлоба (Гран-при Чехии). Мөрәжәғәт итеү датаһы: 24 сентябрь 2025. Архивировано 9 июль 2020 года.
- ↑ Эмиль Сайфутдинов из Башкирии — участник Гран-при чемпионата мира по спидвею 2011 года. Мөрәжәғәт итеү датаһы: 24 сентябрь 2025. Архивировано 5 июнь 2015 года.
- ↑ «Я не прощаюсь» — сказал Эмиль Сайфутдинов. Мөрәжәғәт итеү датаһы: 24 сентябрь 2025. Архивировано 8 май 2014 года.
- ↑ Sajfutdinov trzeci w zawodach motocrossowych. Мөрәжәғәт итеү датаһы: 24 сентябрь 2025. Архивировано 6 сентябрь 2010 года.
- ↑ Спидвей, Эмиль Сайфутдинов: 55 гонок — не предел. Мөрәжәғәт итеү датаһы: 24 сентябрь 2025. Архивировано 25 март 2009 года.
- ↑ Tillinger dla SportoweFakty.pl: Polskie obywatelstwo dla Sajfutdinova daje nam większe pole manewru. Мөрәжәғәт итеү датаһы: 24 сентябрь 2025. Архивировано 16 апрель 2009 года.
- ↑ Вундеркинд российского спидвея. Мөрәжәғәт итеү датаһы: 24 сентябрь 2025.
- ↑ Умер главный тренер спидвей-клуба «Салават» и сборной России, отец Дениса и Эмиля Дамир Сайфутдинов. Мөрәжәғәт итеү датаһы: 24 сентябрь 2025. Архивировано из оригинала 20 август 2013 года.