Әхмәҙиева Роза Шәйхәйҙәр ҡыҙы

1979 йылдың 13 авгусында Башҡорт АССР-ының Октябрьский ҡалаһында тыуа.

2003 йылда Ҡазан дәүләт мәҙәниәт һәм сәнғәт университетын тамамлай.

2006 йылда кандидатлыҡ диссертацияһын яҡлай, темаһы: «Хәҙерге заман ғаиләһенең педагогик функцияларын ҡулайлаштырыу ресурсы булараҡ, этномәҙәни традициялар»^[1].

2011 йылда докторлыҡ диссертацияһын яҡлай, темаһы: «Буласаҡ педагогтың компетенцияһы булараҡ, юлдарҙа йәшәү хәүефһеҙлеген булдырыу»^[2].

2013 йылда профессор ғилми дәрәжәһе бирелә.

2008 йылдан Татарстан Республикаһы Фәндәр академияһы ҡарамағындағы «Йәшәү эшмәкәрлеге хәүефһеҙлеге ғилми үҙәге» дәүләт бюджет учреждениеһы директоры.

Юғары уҡыу йортон тамамлағандан һуң шунда уҡ эшләй: 2003 йылдан 2004 йылға тиклем — татар музыкаһы кафедраһы уҡытыусыһы, 2004 йылдан 2008 йылға тиклем — социаль-мәҙәни эшмәкәрлек факультеты деканы урынбаҫары, 2015 йылдан 2019 йылға тиклем — уҡыу эштәре буйынса беренсе проректор, 2018 йылдан — ректор вазифаһын башҡарыусы, 2020 йылдан — Ҡазан дәүләт мәҙәниәт институты ректоры.

Мәҙәниәттә өҙлөкһөҙ һөнәри белем биреү өлкәһендә белгес.

236 баҫылып сыҡҡан хеҙмәт (фәнни эштәр, уҡыу-методик баҫмалар, шуларҙың 128-е докторлыҡ диссертацияһын яҡлағандан һуң донъя күргән), 3 патент авторы.

Төп ғилми һөҙөмтәләре:

• социомәҙәни өлкәлә белем биреү сифатын күтәреүҙең ғәмәли аспекттары тикшерелә һәм уны камиллаштырыу буйынса йүнәлештәр тәҡдим ителә;
• юл хәрәкәте хәүефһеҙлеге һәм балалар юл-транспорт травматизмын иҫкәртеү мәсьәләләре буйынса монографиялар, уҡыу-методик әсбаптар, методик тәҡдимдәр комплексы эшләнә, был юл хәрәкәте хәүефһеҙлеген арттырыу буйынса республика маҡсатлы программаларының фәнни нигеҙе булып тора;
• Татарстан Республикаһы һәм Рәсәй Федерацияһы халыҡтарының милли традицияларын һаҡлау һәм үҫтереү буйынса эш алып барыла.

• Рәсәй Федерацияһы Хөкүмәтенең мәғариф өлкәһендәге премияһы (2024 йыл өсөн) — «Мәктәпкәсә йәштәге балаларҙы юлдарҙа хәүефһеҙлек ҡағиҙәләренә өйрәтеү» уҡыу-методик әсбаптар тупланмаһы өсөн;
• Татарстан Республикаһы Президентының Рәхмәт хаты (2013);
• Татарстан Республикаһының атҡаҙанған фән эшмәкәре (2016);
• Рәсәй Федерацияһы Фән һәм юғары белем биреү министрлығының Рәхмәт хаты (2019);
• «Фиҙаҡәр хеҙмәте өсөн» миҙалы (2022).