Мосолмандар

Мосолмандар — Ислам диненең дөрөҫлөгөнә ышаныусылар. Аллаһ берәү генә, Уға тиңләшеүсе юҡ, Мөхәммәт Пәйғәмбәрҙе Аллаһтың Илсеһе тип таныған һәр кеше мөьмин мосолман булып иҫәпләнә.

Ер шарында йәшәгән кешеләрҙең 1,3 миллиардтан ашыуы мосолмандар. Уларҙың 23 % — Көньяҡ Азияла, 16,7 % — Африкала, 15 % — Ғәрәп илдәрендә, 14,2 % — Көньяҡ-Көнсығыш Азия илдәрендә, 4,2 % — Урта Азия илдәрендә, 4,2 % — Ҡытайҙа, 4,2 % — Иранда, 4,2 % — Төркиәлә, 1,7 % — Европа илдәрендә, 1,3 % — Афғанистанда, 0,5 % — Төньяҡ Америкала, 0,25 % — Көньяҡ Америкала, 0,008 % Австралияла йәшәй.