Владимиров Владимир Владимирович

1992 йылда Буденновск ҡалаһында урта мәктәпте тамамлай, шунда уҡ уҡыу-етештереү комбинатында «Ашнаҡсы-кулинар» һөнәрен үҙләштерә.

1997 йылда Өфө дәүләт нефть техник университетына уҡырға инә (буласаҡ һөнәре — тәбиғи энергия ташыусы һәм углерод материалдарының химик технологияһы).

2006 йылда Төмән нефть һәм газ дәүләт университетына «Нефть һәм газ ятҡылыҡтарын эшкәртеү һәм эксплуатациялау» һөнәре буйынса уҡый.

Университетҡа уҡырға ингәнгә тиклем "Ставролен"да ябай эшсе булып эшләй^[3]. Белем аған осорҙа ла Владимиров һатыусы, йөк ташыусы булып эшләй, фатирҙар ремонтлай.

1997 йылдан алып — «Когалымнефтегаз» предприятиеның «Ватьеганнефть» нефть һәм газ сығарыу идаралығында нефтте әҙерләү һәм һурҙырып ағыҙыу ҡоролмаһы начальнигы, «Когалымнефтегаз» үҙ сиратында «ЛУКОЙЛ — Көнбайыш Себер» яуаплылығы сикләнгән йәмғиәте структураһына инә (Ханты-Манси автономиялы округы).

«Когалымнефтегаз» производстволарында 2005 йылға тиклем эшләй.

2001—2002 йылдарҙа — «Дружбанефть» нефть һәм газ сығарыу идаралының (НГДУ) нефтте әҙерләү һәм һурҙырып ағыҙыу цехы начальнигы.

2002 йыда — «Повхнефть» нефть һәм газ сығарыу идаралының (НГДУ) нефтте әҙерләү һәм һурҙырып ағыҙыу буйынса төп инженеры урынбаҫары.

2002—2005 йылдарҙа — «Когалымнефтегаз» предприятиеһының нефть әҙерләү бүлеге начальнигы урынбаҫары була, нефть әҙерләү буйынса төп инженеры урынбаҫары, артабан предприятие бүлеге начальнигы.

2005—2007 йылдарҙа — стратегия һәм маркетинг буйынса директор урынбаҫары, унан һуң «Геойлбент» яуаплылығы сикләнгән йәмғиәтнең генераль директоры.

2007—2009 йылдарҙа — ОАО «Верхнечонскнефтегаз» ААЙ-нең техник департаменты директоры, һуңынан генераль директоры урынбаҫары — баш инженеры.

2009—2010 йылдарҙа «Муравленковскнефть» ААЙ-ның «Газпромнефть-Ноябрьскнефтегаз» филиалында етәксе вазифаларын биләй.

2010 йылдың мартында бер мандатлы Муравленков округы буйынса Ямал-Ненец автономиялы округының Закондар сығарыу йыйылышы депутаты итеп һайлана.

2010 йылдың апрелендә Ямал-Ненец автономиялы округы губернаторы Дмитрий Кобылкин Владимировты Ямал-Ненец автономиялы округы губернаторының беренсе урынбаҫары итеп тәғәйенләй^[4]. Уның эш даирәһенә иҡтисади үҫеш, тәбиғәт ресурстарын файҙаланыу мәсьәләләре, яғыулыҡ-энергетика комплексы эштәр инә.

2010 йылда «Берҙәм Рәсәй» партияһына инә^[5].

2011 йылдың майынан алып — ЯНАО-ла «Берҙәм Рәсәй» партияһының төбәт сәйәси советы секретары.

2013 йылдың 27 сентябрендә Ставрополь крайы губернаторы бурыстарын ваҡытлыса башҡарыусы итеп тәғәйенләнә (Валерий Зеренков урынына).

2014 йылдың октябрендә край хөкүмәтен етәкләй.

2014 йылдың 14 сентябрендә, берҙәм тауыш биреү көнөндә, Ставрополь крайы губернаторы итеп 5 йылға һайлана, 2014 йылдың 27 сентябрендә Ставрополь ҡалаһында уның инаугурацияһы үтә.

2017 йылдың 13 майында Ставрополь крайының 13 районын көслө ташҡын баҫҡанда етәкселек уның өҫтөндә була^[6].

2015 йылдың 7 апреленән 10 ноябренә тиклем һәм 2019 йылдың 28 ғинуарынан 2 авгусына тиклем Рәсәй Федерацияһының Дәүләт Советы Президиумы ағзаһы^{[7][8][9][10][11]}.

2019 йылдың 8 сентябрендә, берҙәм тауыш биреү көнөндә, алдағы 5 йылға Ставрополь крайы губернаторы итеп һайлана. Владимировты Ставрополь крайы халҡының 79,65 % хуплай^[12]. 2019 йылдың 27 сентябрендә вазифаһын башҡара башлай^[13].