Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Редреев Владимир Андриянович

РУВИКИ интернет-энциклопедияһында Редреев фамилиялы башҡа кешеләр тураһында мәҡәләләр бар.

Редреев Владимир Андриянович (1 март 1955 йыл) — педагог-ғалим, спортсы, тренер, спорт судьяһы, йәмәғәтсе. 1985—2001 йылдарҙа Силәбе дәүләт физик культура институты һәм хәҙерге Урал дәүләт физик культура университеты уҡытыусыһы, шул иҫәптән 1998 йылдан — физик культура менән идара итеү кафедраһы мөдире, 2000—2001 йылдарҙа — проректор. Педагогия фәндәре кандидаты (1999), доцент (1998). Рәсәй Федерацияһының атҡаҙанған физик культура хеҙмәткәре (2002), СССР-ҙың спорт мастеры (1978), республика категорияһындағы судья (1982), юғары категориялы тренер. Силәбе өлкәһенең Спорт ориентирлашыуы федерацияһының вице-президенты.

Биографияһы

Владимир Андриянович Редреев 1955 йылдың 1 мартында Башҡорт АССР-ының[2] Балаҡатай районы Яңы Балаҡатай ауылында тыуған[3].

1972 йылда урындағы урта мәктәпте, 1979 йылда Силәбе дәүләт физик культура институтын тамамлаған[4]. Саҡырыу буйынса Совет Армияһында хәрби хеҙмәттә булған[3]. Отставкалағы капитан.

Саңғыла ярышыу, еңел атлетика, волейбол, биатлон, 1968 йылдан — спорт ориентирлашыуы менән шөғөлләнә. Студенттарҙың «Буревестник» ирекле спорт йәмғиәтенең Үҙәк советы чемпионы (1978), «Спартак» ирекле спорт йәмғиәте призеры (1980, 1981), спорт ориентирлашыуы буйынса СССР чемпионаттарында ҡатнашыусы (1980, 1981)[4].

1978 йылдан тренерлыҡ эшендә[4].

1979 йылдан — «Спартак» ирекле спорт йәмғиәтенең Силәбе өлкә советы тренеры[3].

1980 йылдан — Силәбе ҡала торлаҡ идаралығының физик культура буйынса инструкторы[3], 1982 йылдан ҡала спорт комитеты инструкторы[4].

1985 йылдан — Силәбе дәүләт физик культура институты һәм хәҙерге Урал дәүләт физик культура университеты уҡытыусыһы, шул иҫәптән өлкән уҡытыусы, йәйге спорт төрҙәре факультеты деканы урынбаҫары була, 1998 йылдан — физик культура менән идара итеү кафедраһы мөдире, 2000—2001 йылдарҙа — проректор[5].

1999 йылда, «педагогия фәндәре кандидаты» ғилми дәрәжәһенә дәғәүә итеп, диссертация яҡлай[6], 1998 йылдан — доцент.

2001 йылдан Силәбе өлкәһенең Физик культура, спорт һәм туризм буйынса Комитет рәйесе урынбаҫары[4], артабан — Урал дәүләт физик культура университеты уҡытыусыһы[5].

Йәмәғәт эшмәкәрлеге

• Спорт ориентирлашыуы федерацияһының Силәбе ҡала советы рәйесе (1978—1993)
• Силәбе өлкәһе спорт ориентирлашыуы федерацияһының вице-президенты

Маҡтаулы исемдәре һәм башҡа бүләктәре

• Рәсәй Федерацияһының атҡаҙанған физик культура хеҙмәткәре (2002)
• СССР-ҙың спорт мастеры (1978)
• Республика категорияһындағы судья (1982)
• Юғары категориялы тренер

Иҫкәрмәләр

  1. ↑ http://chel-portal.ru/enc/Redreev_Vladimir_Andrianovich
  2. ↑ Хәҙер Башҡортостан Республикаһы.
  3. ↑ 1 2 3 4 Белокатайский район история и современность.pdf / Историко-краеведческое издание. / Автор-составитель В. А. Ощепков. — Уфа : Издательство «Диалог», 2004. — 476 с. — ISBN 5-94524-028-1.  (рус.)  (Тикшерелеү көнө: 28 май 2025)
  4. ↑ 1 2 3 4 5 Портал Челябинской области. Редреев Владимир Андрианович  (рус.)  (Тикшерелеү көнө: 28 май 2025)
  5. ↑ 1 2 Министерство спорта Российской Федерации. Федеральное государственное бюджетное образовательное учреждение высшего образования «Уральский государственный университет физической культуры». Официальный сайт. Редреев Владимир Андриянович  (рус.)  (Тикшерелеү көнө: 28 май 2025)
  6. ↑ disserCat — электронная библиотека диссертаций: «Педагогическая технология обучения высококвалифицированных спортсменов принятию решений в спортивном ориентировании» — тема диссертации и автореферата по ВАК РФ 13.00.04, кандидат педагогических наук Редреев, Владимир Андриянович (рус.)  (Тикшерелеү көнө: 28 май 2025)

Әҙәбиәт

Һылтанмалар

Категориялар