Әжмәкәй

Әжмәкәй — Рәсәй Федерацияһы Татарстан Республикаһы Туҡай районы ауылы. Әжмәкәй ауыл биләмәһе составына керә.

Ауыл Шилнә йылғаһы буйында, Яр Саллы ҡалаһынан көнсығыштараҡ 20 км алыҫлыҡта урынлашҡан^[1].

Әжмәкәй (Иҫәкәй) — байлар ырыуы башҡорттарының ауылы. 1773 йылдан билдәле^[1]. Ырымбур губернаһы Минзәлә өйәҙенә ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Макарьевск улусы составына керә.

1859 йылда ауылда мәсет, мәҙрәсә, ел тирмәне; ә ХХ быуат башында — икмәк магазины теркәлгән^[1].

1920 йылда ауыл яңы ойошторолған Татар АССР-ының Минзәлә кантоны составына керә. 1930 йылда — Саллы районы (1976 йылдан Туҡай районы) составына инә^[1].

1834 йылда — ир енесле 64 йән башҡорт; 1870 йылда — 124 башҡорт һәм 456 татар; 1912 йылда — 322 башҡорт һәм 885 татар йәшәй^[2].

Йылдар буйынса халыҡ иҫәбе
(Сығанаҡ: *^[1]*)
1795	1859	1897	1913	1922	1926	1938	1949	1958	1970	1979	1989	2000
80	580	962	1207	990	793	723	663	486	488	385	189	145

Ауылда башланғыс мәктәп, мәҙәниәт йорто, китапхана бар. Игенселек, малсылыҡ үҫешкән^[1].

↑ ¹ ² ³ ⁴ ⁵ ⁶ ⁷ ⁸ ⁹ Татарская энциклопедия.
↑ Асфандияров А. З. Аулы мензелинских башкир. — Уфа: Китап, 2009. — С. 71—72. — 600 с. — ISBN 978-5-295-04952-1.

География