Әмиров Алмас Хәдис улы

1968 йылдың 6 майында Башҡорт АССР-ының Учалы районы Ахун ауылында тыуған.

1991 йылда Заһир Исмәғилев исемендәге Өфө дәүләт сәнғәт институтының актёрлыҡ факультетын тамамлай (Исрафилов Рифҡәт Вәкил улы курсы) һәм шунан бирле Мәжит Ғафури исемендәге Башҡорт дәүләт академия драма театрында эшләй башлай.

Алмас Әмиров образдарҙы нескә характерлаусы комедия жанрындағы актёр.

«Заман драматургияһы һәм режиссураһы» III Республика семинар — лабораторияһында ҡатнашыусы (13-16.04 2016 йыл, «Троя хаҡында йыр. Ошонда һәм хәҙер» — Гомерҙың «Илиада»һы мотивтары буйынса спектакль, режиссеры И. Саҡаев).

2025 йылдың 28 ноябрендә отчет-һайлау съезында Алмас Әмиров «Башҡортостан Театр эшмәкәрҙәре союзы» рәйесе итеп һайланды. Ул 1999 йылдан алып республика бүлексәһен етәкләгән Әхтәм Абушахмановты алмаштырҙы^[1].

• Дәрүиш («Ай тотолған төндә» — «Ночь лунного затмения»; дебют, 1991)
• Микеле («Илай белмәгән ҡатын» — «Женщина, которая не умеет плакать» Э. Де Филиппоның «Филумена Мартурано» пьесаһы буйынса)
• Морис Ляппен («Минең ҡатынымдың исеме Морис» — «Мою жену зовут Морис» Р.Шарта)
• Креонт («Эдип батша») — («Царь Эдип»)
• Мәсем — хан («Маҡтымһылыу, Әбләй һәм ҡара юрға»)
• Ҡотош («Нәркәс»)
• Мәүлит («Әлифбанан бер себеш»)
• Исмәт Инөнү («Әхмәтзәки Вәлиди Туған»)
• Вәлиәхмәт («Мулла»)
• Хардинг («Пролетая над гнездом кукушки») — («Кәкүк ояһы»)
• Сабир («Шәүрәкәй»)
• Яппар («Ҡоҙаса»)
• Шәйхеләхиәр («Яңғыҙҙар ташы»)
• Әхмәҙи («Бабуська@тущка.ги») — («Әбейүшкә@эт.тущка.ги»)
• Ҡолтүбә («Ҡаһым түрә»)
• Малик («Йософ һәм Зөләйхә»)
• Вәсил Кәбирович («Мин һинең ҡәйнәң булам»)
• Хор («Антигона»).

• Машина йөрөтөүсе («Быяла юлсы» — «Стеклянный пассажир», 1996)
• Рәйес («Ауыл өҫтөндә йәйғор» — «Радуга над деревней», 2000)
• Әхәт («Сөмбөлдөң етенсе йәйе» — «Седьмое лето Сюмбель», 2002; — бөтәһе лә «Башҡортостан» киностудияһыныҡы);

телефильмдарҙа

• Рубин Мәғәсүмов («Ай ҡыҙы» — «Дочь Луны», 2002; «Башҡортостан» ДТРК)
• «Алдар һәм һоро бүре» йәнһүрәтен тауышлы иткән.

• Рәсәй Федерацияһының атҡаҙанған артисы (2023)^[2];
  
• Башҡортостан Республикаһының халыҡ артисы (2004)^[3];
  
• Башҡортостан Республикаһының Шәйехзада Бабич исемендәге йәштәр дәүләт премияһы (2003);
  
• Башҡортостан Республикаһының атҡаҙанған артисы (1999).

• Ҡатыны — Гөлнара Әмирова (1968), Рәсәй театр актёры. Башҡортостан Республикаһының атҡаҙанған артисы (2008);
• Улдары — Эмиль, музыкант. Өйләнгән;
• ҡыҙҙары — Айсулпан^[4].