Рәсәй 2010 йылғы ҡышҡы Олимпия уйындарында

Рәсәй 2010 йылғы ҡышҡы Олимпия уйындарында ете спорт төрөндә ҡатнаша. Рәсәй, айырым команда булараҡ, ҡышҡы Олимпия уйындарында бишенсе тапҡыр ҡатнаша. Илдең йыйылма командаһы ҡышҡы Олимпиадаларҙа ҡатнашыу тарихында иң түбәнге урынды биләй һәм алтын миҙалдарҙы әҙ яулай.

Дәүләт премиялары булдырыла: алтын миҙал өсөн — 100 000, көмөш миҙал өсөн — 60 000, бронза миҙал өсөн — 40 000 евро тәшкил итә^[1]. Әгәр ике алтын миҙал яулаһалар, 1 миллион доллар премия алыр ине^[2]. Һуңғы 2 ҡышҡы Олимпиадала бер юлы 2 алтын миҙалға тик биатлонсы Светлана Ишморатова ғына эйә була (2006). Традиция буйынса Рәсәй Олимпия комитеты бағыусылары уңышҡа өлгәшкән спортсыларға автомобилдәр бүләк итә^[3].

Ванкуверҙағы Олимпиадала Рәсәйҙән спорттың 7 төрөндә 176 спортсы ҡатнаша. Уларҙың дүрттән бер өлөшөнән ашыуы — хоккейсылар (ирҙәр командаһында — 23, ҡатын-ҡыҙҙар йыйылма командаһында — 21 кеше).

Рәсәй йыйылма командаһы составына 5 олимпия чемпионы инә: Евгений Плюшенко, Ольга Медведцева, Ольга Зайцева, Анна Богалий-Титовец, Евгения Медведева-Арбузова. Тик Плюшенко һәм Медведцева ғына шәхси дисциплиналарҙа алтын яулай.

Рәсәй йыйылма командаһы фигуралы шыуыуҙа үҙ тарихында тәүге тапҡыр алтын миҙалһыҙ ҡала. Алдағы 4 Олимпиадала (1994—2006) рәсәйлеләр был спорт төрө буйынса кәм тигәндә 2 алтын миҙал яулай (1994 йылда — 3, 1998 йылда — 3, 2002 йылда — 3 һәм 2006 йылда — 3). Ванкуверҙа рәсәйлеләр 1 көмөш һәм 1 бронза миҙалға ирешәләр.