Словакия Олимпия уйындарында

Словакия, бойондороҡһоҙ дәүләт булараҡ, Олимпия уйындарында тәүге тапҡыр 1994 йылда Лиллехаммерҙа үткән ҡышҡы Олимпиадала ҡатнаша һәм шунан алып һәр бер Олимпиаданы ҡалдырмай. 1896 йылдан 1912 йылға тиклем Словакия спортсылары Олимпия уйындарында Венгрия, ә 1920 йылдан 1992 йылға тиклем Чехословакия командалары өсөн сығыш яһаған.

Словакия спортсылары Олимпия уйындарында Венгрия командаһы составында сығыш яһағанда 12 миҙал — 3 алтын, 6 көмөш һәм 3 бронза яулай, улар бөтәһе лә йәйге Олимпия уйындарында.

Олимпия уйындарында Чехословакия командаһы составында сығыш яһау осоронда Словакия спортсылары 36 миҙалға яулауға ирешә (8 алтын, 14 көмөш һәм 14 бронза, шуларҙың 7-һе алтын, 9-ы көмөш һәм 10-һы бронза). Йәйге Олимпия уйындарында — 1 алтын, 5 көмөш һәм 4 бронза миҙал — ҡышҡы Олимпия уйындарында.

Олимпия уйындарында үҙ аллы команда булараҡ сығыш яһағанда Словакия спортсылары 42 олимпия миҙалы яулай: 14 алтын, 18 көмөш һәм 10 бронза, шуларҙың 10 алтын, 14 көмөш һәм 8 бронза — йәйге Олимпия уйындарында һәм 4 алтын, 4 көмөш һәм 2 бронза — ҡышҡы Олимпия уйындарында. Иң күп олимпия миҙалдары байдаркала һәм каноэла ишеү буйынса ярыштарҙа.

Словакия милли олимпия комитеты 1992 йылда ойошторола һәм 1993 йылда Халыҡ-ара олимпия комитетына ҡабул ителә.