Тажикстан Олимпия уйындарында

Тажикстан, бойондороҡһоҙ дәүләт булараҡ, тәүге тапҡыр 1996 йылғы йәйге Олимпия уйындарында сығыш яһай һәм шул ваҡыттан алып бөтә йәйге уйындарҙа ҡатнаша. Ҡышҡы Олимпия уйындарында Тажикстан спортсылары дүрт тапҡыр ҡатнаша. 1992 йылғы йәйге Олимпия уйындарында тажик спортсылары Берләшкән команда составына инә, ә быға тиклем, 1952 йылдан алып, СССР флагы аҫтында сығыш яһай.

Үҙ аллы команда булараҡ сығыш яһау осоронда Тажикстан спортсылары 4 олимпия миҙалы яулай: (1 алтын, 1 көмөш һәм 2 бронза).

Олимпия уйындарында СССР һәм БДБ илдәренең Берләшкән йыйылма командаһы составында ҡатнашҡан саҡта тажик спортсылары 3 олимпия миҙалы (2 алтын һәм 1 бронза) яулай: 1 бронза миҙал — 1976 йылда Монреалда үткән йәйге Олимпия уйындарында, 1 алтын миҙал — 1980 йылда Мәскәүҙә үткән йәйге Олимпия уйындарында һәм тағы бер алтын миҙал — 1992 йылда Барселонала үткән йәйге Олимпия уйындарында.