СССР-ҙа халыҡ иҫәбен алыу (1970)

СССР-ҙа 1970 халыҡ иҫәбен алыу (рус. Перепись населения СССР (1970)) — Бөтә Союз халыҡ иҫәбен алыу 1970 йылдың 15 ғинуарында иртәнге сәғәт 8-ҙә башлана һәм 22 ғинуарға тиклем дауам итә.

1970 йылғы халыҡ иҫәбен алыу программаһы түбәндәге формаларҙан тора:

• 1-се форма — тулы иҫәп алыу формаһы
• 2-се форма — халыҡ иҫәбен һайланма һорау алыу ҡағыҙы
• 3-сө форма — өйҙә һәм шәхси ярҙамсы ауыл хужалығында эшләгән эшкә яраҡлы йәштәге кешеләр өсөн һорау алыу ҡағыҙы
• 4-се форма — халыҡтың йәшәгән урынынан эшкә йәки уҡыуға күсеүен иҫәпкә алыу бланкыһы.

Халыҡ иҫәбен алыу лозунгыһы — «Бер тораҡ пункт та, бер торлаҡ йорт та, бер кеше лә халыҡ иҫәбен алыуҙа ситтә ҡалырға тейеш түгел», «Халыҡ иҫәбен алыу хеҙмәткәрҙәре! Бөтә Союз халыҡ иҫәбен алыуҙы ваҡытында һәм өлгөлө үткәрәбеҙ».