Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Мостафина Светлана Анатольевна

Мостафина Светлана Анатольевна (рус. Мустафина Светлана Анатольевна; 1962 йылдың 8 апреле, Татищево[d], Һарытау өлкәһе) — совет һәм рус математик, Башҡортостан Республикаһының атҡаҙанған фән эшмәкәре. 2025 йылдың мартынан Башҡортостан Республикаһының фән һәм юғары белем биреү буйынса дәүләт комитеты рәйесе.

Биография

1967 йылдың 8 апрелендә Татищево ҡасабаһында, Һарытау өлкәһе РСФСР, СССР тыуған[1].

1989 йылда Башҡорт дәүләт университетын тамамлаған, 1990 йылға тиклем шунда уҡ эшләгән.

1993 йылдан — Стәрлетамаҡ педагогия институты уҡытыусыһы (2004—2012 йылдарҙа — З. Биишева исемендәге Стәрлетамаҡ дәүләт педагогия академияһы; 2012 йылдан — Башҡорт дәүләт университетының Стәрлетамаҡ филиалы).

2008 йылдан — информатика һәм математика кафедраһы мөдире, 2009 йылдан — математик моделләштереү, ә 2011 йылдан — Стәрлетамаҡ филиалының физика-математика факультеты деканы.

2007 йыл — физика-математика фәндәре докторы, 2008 йыл — профессор[1].

2020 йылдан — Башҡорт дәүләт университетының ғилми һәм инновация эштәре буйынса проректоры.[2]

2022 йылда университетты Өфө фән һәм технологиялар университеты (ӨФТУ) итеп үҙгәртеүенән һуң — ғилми эш буйынса проректор.[2] 2023 йылда — филиал селтәрен үҫтереү буйынса проректор, 2024 йылда — ӨФТУ-ның цифрлы трансформация буйынса проректоры.[3] 2025 йылдың мартында — Башҡортостан Республикаһының фән һәм юғары белем биреү буйынса дәүләт комитеты рәйесе итеп тәғәйенләнгән.[4][5]

Фәнни эшмәкәрлеге

Фәнни тикшеренеүҙәре Математик моделләштереүгә, химик процестарҙы, реакторҙарҙа бара торған процестарҙы, Программалаштырыуҙы өйрәнүгә арналған. Эшкәртмәләр «Каучук» ябыҡ акционер йәмғиәтендә, Ишембай нефть колледжында һәм башҡа ойошмаларҙа индерелгән.

400-ҙән ашыу фәнни һәм уҡыу-методик эштәр, 27 уйлап табыу авторы. Төп хеҙмәттәре:

  • Мустафина, С. А. Сәнәғәт катализы реакцияларын моделләштереү һәм уларҙы үткәреүҙең оптималь шарттарын билдәләү. — Өфө, 2006;
  • Мустафина, С. А. Катмарлы кинетик схемаларҙы редукциялауҙың теоретик-граф ысулдары. — Өфө, 2013 (авторҙаш).

Маҡтаулы исемдәре һәм башҡа наградалары

  • Башҡортостан Республикаһының атҡаҙанған фән эшмәкәре
  • Рәсәй Федерацияһының юғары профессиональ белем биреүҙең почётлы хеҙмәткәре (2011)

Иҫкәрмәләр

  1. ↑ 1 2 Спивак, С. И. Мустафина, Светлана Анатольевна // Т. 4. Л—О / гл. ред. М. А. Ильгамов. — Уфа: Гос. авт. учреждение науки Р-ки Башкортостан «Науч.-изд. комплекс „Башкирская энциклопедия“», 2008. — 672 с. — (Башкирская энциклопедия). — 7 тыс. экз. — ISBN 978-5-88185-068-5.
  2. ↑ 1 2 Главой госкомитета Башкирии по науке стала известный учёный-математик Светлана Мустафина. Уфимский университет науки и технологий. Мөрәжәғәт итеү датаһы: 24 июль 2025.
  3. ↑ В Башкирии создали Госкомитет по науке и высшему образованию. Его возглавила Светлана Мустафина. ufa1.ru (10 март 2025). Мөрәжәғәт итеү датаһы: 24 июль 2025.
  4. ↑ Госкомитет Башкортостана по науке и высшему образованию возглавила Светлана Мустафина. Евразийский НОЦ РБ. Мөрәжәғәт итеү датаһы: 24 июль 2025. Архивировано 11 август 2025 года.
  5. ↑ Главой госкомитета Башкирии по науке стала Светлана Мустафина. Башинформ (10 март 2025). Мөрәжәғәт итеү датаһы: 24 июль 2025.

Тема буйынса өҫтәмә

Категориялар