Олимпия стадионы (Мюнхен)
Олимпия стадионы, шулай уҡ «Олюмпиаштадион» (рус. Олимпийский стадион, нем. Olympiastadion) — Германияның Мюнхен ҡалаһындағы күп функциялы стадион. Мюнхендың Олимпия паркы үҙәгендә, ҡаланың төньяҡ өлөшөндә урынлашҡан. Стадиондың трибуналары һәм олимпия паркы территорияһының бер өлөшө архитектор Фрай Отто проектлаған аҫылмалы япмалар менән ҡапланған.
1972 йылда йәйге Олимпия уйындарының төп аренаһы була. Стадионда 1974 йылғы донъя чемпионатының финал матчы үтә, унда ГФР командаһы Нидердандтарҙы 2:1 иҫәбе менән еңә, 1988 йылғы Европа чемпионатының финал матчы була, унда Нидерланд командаһы СССР командаһын 2:0 иҫәбе менән еңә.
Стадионда 1979, 1993 һәм 1997 йылдарҙа чемпиондар лигаһы финалы үтә.
1972—2005 йылдарҙа аренала «Бавария» һәм «1860 Мюнхен» футбол клубтары уйнай. 2005 йылдан улар икенсе стадионда — «Альянц Арена»ға күсә.
Тарихы
Стадион 1972 йылғы Олимпия уйындарына әҙерлек барышында 1968 йылдан алып 1972 йылға тиклем төҙөлә һәм уйындарҙың төп аренаһына әйләнә. Олимпиаданан һуң уны «Бавария» һәм «1860 Мюнхен» футбол клубтары 2005 йылға тиклем үҙҙәренең өй уйындары өсөн файҙалана. Һуңынан Мюнхен ҡалаһында футбол 2006 йылғы буйынса донъя чемпионатына әҙерлек барышында яңы стадион — «Альянц Арена» төҙөлгәс, ике клуб та 2005 йылдан бирле шунда уйнай.
Әлеге ваҡытта стадионда башлыса еңел атлетика буйынса ярыштар үткәрелә. 2002 һәм 2022 йылдарҙа еңел атлетика буйынса йәйге Европа чемпионатын ҡабул итә.
2020 йылдан стадионда өсөнсө лига клубы «Тюркгюджю Мюнхен» футбол клубы уйнай[2].
Конструкцияһы һәм дизайны
Немец архитекторҙары Гюнтер Бениш һәм Фрай Отто проектлаған стадион үҙ заманы өсөн алдынғы тип һанала. Төҙөлөш ваҡытында спорт объекттарын төҙөү өсөн ҡулланылған ҙур акрил быяла япмалар һәм ҡорос тростар тәүге тапҡыр ҡулланыла.
Стадион панорамаһы
Иҫкәрмәләр
- ↑ Olympiastadion (нем.). Olympiapark München. Мөрәжәғәт итеү датаһы: 7 июль 2025. Архивировано 26 июль 2012 года.
- ↑ В Третью Бундеслигу вышел «турецкий» клуб. История «Тюркгюджю Мюнхен». Sports.ru. Мөрәжәғәт итеү датаһы: 7 июль 2025.
Һылтанмалар
Тема буйынса өҫтәмә
 | |
|---|---|
| Һүҙлектәр һәм энциклопедиялар | |
| Библиография каталогтарында |
|
