Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Йыһаншин Азат Салауат улы

РУВИКИ интернет-энциклопедияһында Йыһаншин фамилиялы башҡа кешеләр тураһында мәҡәләләр бар.

Азат Салауат улы Йыһаншин (рус. Азат Салаватович Зиганшин; 1973 йылдың 3 сентябре, Иманғол, Башҡорт АССР-ы) — ветеринария табибы, ауыл хужалығы, муниципаль һәм дәүләт органдары хеҙмәткәре. 2017 йылдан Башҡортостан Республикаһының Ветеринария идаралығы начальнигы — Башҡортостан Республикаһының баш дәүләт ветеринария инспекторы, 2023 йылдан — Башҡортостан Республикаһының Ветеринария буйынса дәүләт комитеты рәйесе[1]. Башҡортостан Республикаһының атҡаҙанған ауыл хужалығы хеҙмәткәре. Салауат Юлаев ордены кавалеры (2022).

Биографияһы

1973 йылдың 3 сентябрендә Башҡорт АССР-ының (хәҙер Башҡортостан Республикаһы) Учалы районы Иманғол ауылында тыуған[1].

Юғары белемле: 1995 йылда Башҡорт дәүләт аграр университетын «ветеринария» һөнәре буйынса тамамлаған[2].

Хеҙмәт эшмәкәрлеген 1990 йылда үҙ ауылындағы «Коммунар» колхозында башлай[1]. Ошо уҡ йылда Башҡортостан ауыл хужалығы институтының (1993 йылдан Башҡорт дәүләт аграр университеты) ветеринария факультетынауҡырға инә[2].

Юғари һөнәри белем алғас, 1995 йылдан тыуған ауылындағы «Коммунар» ауыл хужалығы кооперативында (рус.)баш. ветеринар табип һәм баш ветеринар табип булып эшләй[1].

2000 йылдан — Учалы ҡалаһы ветеринария станцияһының ветеринар табибы[3].

2004 йылдан — Учалы районының «Ирәмәл» ат-спорт комплексы (рус.)баш. директоры[1].

2004 йылдан — Учалы районы муниципаль районы хакимиәтенең ауыл хужалығы идаралығының баш зоотехнигы, идаралыҡ начальнигы урынбаҫары[3].

2006 йылдан — Учалы районы муниципаль районы хакимиәтенең ауыл хужалығы бүлеге начальнигы урынбаҫары[2]

2007 йылдан — Учалы районы муниципаль районы хакимиәте башлығының беренсе урынбаҫары — ауыл хужалығы бүлеге начальнигы[1].

2009 йылдан — Учалы районы муниципаль районы хакимиәте башлығы[1].

2010 йылдан — Башҡортостан Республикаһының ауыл хужалығы министры (рус.)баш., ауыл хужалығы министрының беренсе урынбаҫары[3].

2017 йылдан — Башҡортостан Республикаһының Ветеринария идаралығы начальнигы — Башҡортостан Республикаһының баш дәүләт ветеринария инспекторы[4].

2023 йылдан — Башҡортостан Республикаһының Ветеринария буйынса дәүләт комитеты рәйесе[5].

Маҡтаулы исемдәре һәм башҡа бүләктәре

  • Башҡортостан Республикаһының атҡаҙанған ауыл хужалығы хеҙмәткәре.
  • Салауат Юлаев ордены (2022)[6].
  • Башҡортостан Республикаһының «Хеҙмәт ҡаһарманлығы өсөн» миҙалы (2023)[7]

Иҫкәрмәләр

  1. ↑ 1 2 3 4 5 6 7 Зиганшин Азат Салаватович. Государственный комитет Республики Башкортостан по ветеринарии. Официальный сайт. Мөрәжәғәт итеү датаһы: 2 сентябрь 2025.
  2. ↑ 1 2 3 Зиганшин Азат Салаватович – биография. Сетевое издание «Информационно аналитический портал «Viperson» (3 сентябрь 2022). Мөрәжәғәт итеү датаһы: 2 сентябрь 2025.
  3. ↑ 1 2 3 Начальником Управления ветеринарии Республики Башкортостан назначен Азат Зиганшин. Правительство Республики Башкортостан. Официальный сайт (28 октябрь 2019). Мөрәжәғәт итеү датаһы: 2 сентябрь 2025.
  4. ↑ Зиганшин Азат Салаватович. Уфимский бизнес портал ГлобалУфа.pУ. Мөрәжәғәт итеү датаһы: 2 сентябрь 2025.
  5. ↑ Указ Главы Республики Башкортостан от 14 июня 2023 года №УГ-470 «О председателе Государственного комитета Республики Башкортостан по ветеринарии». Официальный Интернет-портал правовой информации Республики Башкортостан (14 июнь 2023). Мөрәжәғәт итеү датаһы: 2 сентябрь 2025.
  6. ↑ Эльза Хакимова. Работники ветслужбы Башкирии удостоены высших государственных наград. Сайт «Сельские узоры» (3 ноябрь 2022). Мөрәжәғәт итеү датаһы: 2 сентябрь 2025.
  7. ↑ Радий Хабиров наградил медалью «За трудовую доблесть» начальника Управления ветеринарии РБ Азата Зиганшина. Сайт Дзен (4 сентябрь 2023). Мөрәжәғәт итеү датаһы: 2 сентябрь 2025.

Һылтанмалар

Тема буйынса өҫтәмә

Категориялар