Бигнов Рәмил Имамағзам улы

Рәмил Имамағзам улы Бигнов 1956 йылдың 13 февралендә Башҡортостан АССР-ының Чекмагуш районы Үрге Аташ ауылында тыуған.

1978 йылда Өфө нефть институтын тамамлай. Хеҙмәт юлын 1978 йылда Өфө эре панелле йорт төҙөү тресында ташсы булып башлай.

1979 йылдан комсомол эшендә эшләй: трестың ВЛКСМ комитеты секретары урынбаҫары, һуңынан секретары була. 1983 йылда Өфө ҡалаһының Октябрь районы ВЛКСМ райкомының беренсе секретары итеп һайлана. 1984 йылда Башҡортостан өлкә студенттар төҙөлөш отрядтары штабына етәкселек итә.

1986–1988 йылдарҙа Афғанстанда хәрби хәрәкәттәрҙә ҡатнаша, Афғанстан Республикаһында йәштәр эштәре буйынса кәңәшсе вазифаһын башҡара.

1988 йылдан Өфө эре панелле йорт төҙөү проект-төҙөлөш берләшмәһенең партком секретары, һуңынан — баш төҙөүсеһе, оператив идара итеү дирекцияһы директоры.

Сәйәси һәм йәмәғәт эшмәкәрлеге

1990–1993 йылдарҙа — РСФСР-ҙың халыҡ депутаты.

1991–1993 йылдарҙа — СССР Юғары Советы ағзаһы.

1996–1999 йылдарҙа — Рәсәй Федерацияһы Федераль Йыйылышы Дәүләт Думаһының II саҡырылыш депутаты.

Башҡортостан Республикаһы Дәүләт Йыйылышы — Ҡоролтайының II һәм V саҡырылыш депутаты итеп һайлана, Туймазы һайлау округы № 50-не вәкиллек итә. Сәнәғәт, инновацион үҫеш һәм эшҡыуарлыҡ буйынса комитетта эшләй. «Берҙәм Рәсәй» партияһы ағзаһы.

2013–2015 йылдарҙа — Башҡортостан Республикаһы Йәмәғәт палатаһы рәйесе. 2011–2015 йылдарҙа — Рәсәй Эске эштәр министрлығының Башҡортостан Республикаһы буйынса Йәмәғәт советы рәйесе. 2004–2011 йылдарҙа — Башҡортостан Республикаһы татарҙарының төбәк милли-мәҙәни автономияһы советы рәйесе. 2004–2008 йылдарҙа — Рәсәй Федерацияһы татарҙарының федераль милли-мәҙәни автономияһы советы рәйестәшe.

Идара итеү һәм эшҡыуарлыҡ эшмәкәрлеге

1992 йылдан — приватизацияға һәм сит ил инвестицияларына булышлыҡ итеүсе халыҡ-ара «Интерприватизация» фондының төбәк бүлексәһе генераль директоры (Өфө ҡалаһы).

1995 йылдан — «ТНК–Юниверс» ябыҡ акционерҙар йәмғиәте (һуңынан — ЯСЙ) генераль директоры. 1999–2011 йылдарҙа — «ТНК–Юниверс» ЯСЙ генераль директоры.

2011 йылдан — Белорет ҡалаһындағы «Белсталь» асыҡ акционерҙар йәмғиәтенең генераль директоры.

2011 — «Белсталь» асыҡ акционерҙар йәмғиәтенең генераль директоры (Белорет).^[1][2]

2012 — РФ Эске эштәр министрлығы ҡарамағындағы йәмәғәт советы ағзаһы, «Башҡортостан татарҙары» йәмәғәт ойошмаһының вәкиле^[3][4]

2012 — «Башҡортостан татарҙары» ижтимағи берләшмәләренең төбәк союзы рәйесе^[5][6]

2013—2015 — Башҡортостан Республикаһының Йәмәғәт Палатаһы Рәйесе.^{[7][8][8][9][10][11][12][13][14][15][16]}

2013—2015 — РФ Эске эштәр министрлығы ҡарамағында Башҡортостан Республикаһы буйынса йәмәғәт советы рәйесе.

2015 — РБ Дәүләт йыйылышы-Ҡоролтай депутаты, («Берҙәм Рәсәй» кандидаты, 13 сентябрҙә уҙасаҡ өҫтәмә һайлауҙарҙа Туймазы бер мандатлы һайлау округы буйынса һайлана^[17][18], сәнәғәт, инновацион үҫеш һәм эшҡыуарлыҡ комитеты составына инә^[19]).^{[20][21][22][23][24][25][26][27]}

• 2015 — Ҡоролтайҙың барлыҡ депутаттарынын да күберәк аҡса эшләй (декларацияға ярашлы — 36,9 миллион һум)^[28].
• 2016 йылдың апреле —Башҡортостан Республикаһының 50 иң абруйлы сәйәсмәндәре рейтингында 46-сы урын.^[29][30][31]
• 2016 йылдың июне — сәйәси һәм иҡтисади коммуникациялар агентлығы мәғлүмәттәре буйынса (АПЭК) Башҡортостан Республикаһының иң абруйлы сәйәсмәндәре рейтингында 28-се урынды биләй^[32][33]
• 2017 — 2016 йыл һөҙөмтәләре буйынса Башҡортостан Республикаһының иң абруйлы сәйәсмәндәре рейтингында 40-сы урынды биләй^[34].

• 1985 — «Комсомолда әүҙем эше өсөн» билдәһе.
• 1986 — «Студент отрядтарында әүҙем эше өсөн» билдәһе.
• 1986 — «Хеҙмәт батырлығы өсөн» миҙалы.
• 1988 — ВЛКСМ Үҙәк Комитетының Почет билдәһе.
• 1988 — «Почёт билдәһе» ордены.
• 1988 — Афғанстан Республикаһының «Халыҡтар дуҫлығы» ордены
• 1988 — Афғанстан Республикаһының «Батырлыҡ өсөн» миҙалы
• 2016 — Башҡортостан Республикаһының «Халыҡтар дуҫлығы» ордены^[24]