Голов Олег Евгеньевич

Ғилми дәрәжә	педагогия фәндәре кандидаты[d]
Ойошма ағзаһы	Федерация Советы
Заты	ир-ат
Уҡыу йорто	Башҡорт дәүләт университетының Стәрлетамаҡ филиалы;
Тыуған көнө	11 август 1972 (52 йәш)
Тыуған урыны	Стәрлетамаҡ, Башҡорт АССР-ы, РСФСР, СССР;

РУВИКИ интернет-энциклопедияһында Голов фамилиялы башҡа кешеләр тураһында мәҡәләләр бар.

Голов Олег Евгеньевич (11 август 1972 йыл) — Рәсәйҙең дәүләт эшмәкәре, Рәсәй Федерацияһы сенаторы.

Биографияһы

Олег Евгеньевич Голов 1972 йылдың 11 авгусында Стәрлетамаҡ ҡалаһында тыуа. 1997 йылда Стәрлетамаҡ дәүләт педагогия институтын (хәҙер — Өфө фән һәм технологиялар университетының Стәрлетамаҡ филиалы) «хеҙмәт, ҡулланма иҡтисад һәм эшҡыуарлыҡ эшмәкәрлеге» һөнәре буйынса тамамлай.

1997—2000 йылдарҙа Мәскәү дәүләт педагогия университетында көндөҙгө бүлектә аспирантурала уҡый, кандидатлыҡ диссертацияһы яҡлай. Педагогия фәндәре кандидаты^[1].

1997 йылдан — Стәрлетамаҡ дәүләт педагогия институтының производство нигеҙҙәре кафедраһы ассистенты, 2000—2002 йылдарҙа — иҡтисад кафедраһының өлкән уҡытыусыһы^[2].

2002—2003 йылдарҙа — «Каустик» ябыҡ акционерҙар йәмғиәтенең иҡтисади анализ бүлеге начальнигы вазифаһын башҡара.

2005 йылдың ғинуарынан июлгә тиклем «Сода» асыҡ акционерҙар йәмғиәтенең иҡтисади анализ һәм бюджетлау бүлеге начальнигы.

2005—2010 йылдарҙа «Смайл» фирмаһының финанс директоры (Ҡазан).

2010—2013 йылдарҙа Салауат катализатор заводының финанс директоры, һуңынан дүрт ай Стәрлетамаҡ икмәк комбинатында эшләп ала.

2013—2016 йылдарҙа — Башҡортостан Республикаһының Үҫеш корпорацияһы директоры, артабан 2019 йылға тиклем — генераль директоры. 2019 йылдың майынан июлгәсә — Башҡортостан Башлығы хакимиәте етәксеһе ярҙамсыһы, һуңынан сентябргә тиклем Благовещен районы хакимиәте башлығының төҙөлөш һәм торлаҡ-коммуналь хужалыҡ буйынса урынбаҫары. Артабан 2023 йылғаса Благовещен районы хакимиәте башлығы була. «Берҙәм Рәсәй» партияһының урындағы бүлексәһен етәкләй^[1].

2023 йылдың 10 сентябрендә Башҡортостан Республикаһы Дәүләт Йыйылышы — Ҡоролтайҙың 7-се саҡырылыш депутаты итеп һайлана.

Сенатор[үҙгәртергә | вики-тексты үҙгәртергә]

2023 йылдан — Рәсәй Федерацияһы сенаторы, Башҡортостан Республикаһы дәүләт власының закондар сығарыу (вәкиллекле) органы вәкиле. 2023 йылдың 5 октябрендә БР Дәүләт Йыйылышы — Ҡоролтай депутаттары Олег Головҡа Рәсәй Федерацияһы сенаторы вәкәләтен бирҙе. Ул Федерация Советының Федератив ҡоролош, төбәк сәйәсәте, урындағы үҙидаралыҡ һәм Төньяҡ эштәре буйынса комитет ағзаһы булып тора^[3].

Маҡтаулы исемдәре һәм башҡа бүләктәре

Башҡортостан Республикаһы башлығының Рәхмәте^[4].

Иҫкәрмәләр

Һылтанмалар

Голов, Олег Евгеньевич

Ҡалып:Совет Федерации

[ЕР-1] ¹ ² Голов Олег Евгеньевич

[2] Голов Олег Евгеньевич

[3] «Единая Россия» выдвинула кандидатуру Олега Голова на должность сенатора РФ от Госсобрания Башкирии

[4] СПИСОК награждённых государственными наградами Республики Башкортостан

[1]

[2]

[3]

[4]