Автомобилистар көнө
| Автомобиль һәм ҡала пассажир транспорты хеҙмәткәрҙәре көнө | |
|---|---|
| Төрө | һөнәри байрам |
| Ҡабул ителгән | Рәсәй Федерацияһы Президенты Указы |
| Билдәләнә |
 Рәсәй Федерацияһы |
| Байрам саралары | йыл һайын, октябрҙең һуңғы йәкшәмбеһе |
Автомобилистар көнө, Автомобиль транспорты хеҙмәткәрҙәре көнө, Автомобиль һәм ҡала пассажир транспорты хеҙмәткәрҙәре көнө — һөнәри байрам. Байрам ил иҡтисадында автотранспорттың мөһимлеген һәм тармаҡ хеҙмәткәрҙәренә хөрмәт күрһәтеү маҡсатында индерелгён. Рәсәй Федерацияһында йыл һайын октябрҙең һуңғы йәкшәмбеһендә билдәләнә. Тәүге тапҡыр 1976 йылдың 15 ғинуарында раҫланған. 2012 йылдан байрамдың исеме «Автомобиль һәм ҡала пассажир транспорты хеҙмәткәрҙәре көнө» тип атала.
| Йылдар | Байрам көнө | Йылдар | Байрам көнө |
|---|---|---|---|
| 2021 йыл | 31 октябрь | 2026 йыл | 25 октябрь |
| 2022 йыл | 30 октябрь | 2027 йыл | 31 октябрь |
| 2023 йыл | 29 октябрь | 2028 йыл | 29 октябрь |
| 2024 йыл | 27 октябрь | 2029 йыл | 28 октябрь |
| 2025 йыл | 26 октябрь | 2030 йыл | 27 октябрь |
Тарихы
Байрам 1976 йылдың 15 ғинуарында СССР Юғары Советы Президиумының 2847-IX һанлы «Автомобиль транспорты хеҙмәткәрҙәре көнө» исемле Указы менән индерелә.
Ҡабаттан 1980 йылдың 1 октябрендә СССР Юғары Советы Президиумының 3018-ее Һанлы «Байрам һәм иҫтәлекле көндәр тураһында» указы менән тағы бер тапҡыр рәсми раҫлана. Был документта байрамдың исеме «Автомобилистар көнө», ә байрам итеү ваҡыты октябрҙең һуңғы йәкшәмбеһе тип билдәләнә.
1996 йылдың 14 октябрендә Рәсәй Федерацияһы Президентының указы менән «Автомобилистар көнө» һәм «Юл хужалығы хеҙмәткәрҙәре көнө» берләштерелә һәм «Автомобиль транспорты һәм юл хужалығы хеҙмәткәрҙәре көнө» тип атала, октябрҙең һуңғы йәкшәмбеһендә билдәләнә. [1]
2000 йылда «Автомобиль транспорты һәм юл хужалығы хеҙмәткәрҙәре көнө» ҡабаттан айырыла. «Автомобиль транспорты хеҙмәткәрҙәре көнө» (октябрҙең һуңғы йәкшәмбеһе) һәм «Юл хужалығы хеҙмәткәрҙәре көнө» (октябрҙең өсөнсө йәкшәмбеһе) итеп раҫлана.[2]
2012 йылда байрам тураһында тағы бер ҡарар ҡабул итәлә һәм исеме «Автомобиль һәм ҡала пассажир транспорты хеҙмәткәрҙәре көнө» итеп үҙгәртелә, байрам итеү көнө октябрҙең һуңғы йәкшәмбеһендә ҡала.
Байрамдың рәсми исемдәре үҙгәреп тороуына ҡарамаҫтан халыҡ телендә ул «Автомобилистар көнө», «Водителдәр көнө» йәки «Шоферҙар көнө» тип йөрөтөлә.[3]
Иҫкәрмәләр
- ↑ Рәсәй Федерацияһы Президентының 1996 йылдың 14 октябрендәге 1435-се һанлы указы.
- ↑ Рәсәй Федерацияһы Президентының 2000 йылдың 23 мартындағы 556-се һанлы указы.
- ↑ День автомобилиста в 2024 году: когда водители отмечают свой праздник