Чуйченко Константин Анатольевич

Константин Анатольевич Чуйченко 1965 йылдың 12 июлендә Липецкиҙа тыуа.

1987 йылда Ленинград дәүләт университетының юридик факультетын тамамлай^[5], Дмитрий Медведев менән бер төркөмдә уҡый.

1987—1989 йылдарҙа Ленинградтың Калинин районы прокуратураһында стажёр, тәфтишсе булып эшләй^[5].

1989—1992 йылдарҙа дәүләт именлеге органдарында офицер вазифаларында эшләй.

1992—1994 йылдарҙа — «Интерюраудит де Фариа и Т» акционерҙар йәмғиәтенең башҡарма директоры^[5]. Фирма тормошҡа ашырған проекттар Рәсәй территорияһына индерелгән немец инвестицияларына ҡағыла.

1994—2001 йылдарҙа — «Санкт-Петербург» Халыҡ-ара адвокаттар коллегияһы ағзаһы (Мәскәү бүлексәһенең беренсе юридик консультацияһы адвокаты)^[5]. 2001—2008 йылдарҙа юридик департамент начальнигы булып эшләй, «Газпром» асыҡ акционерҙар йәмғиәте идараһы ағзаһы була. Газ буйынса Рәсәй-Украина һөйләшеүҙәрендә төп роль уйнай^[5].

2004—2008 йылдарҙа — RosUkrEnergo AG-ның башҡарма директоры (Швейцарияның Цуг кантонында теркәлгән компанияның өс идарасы директорының береһе була).

2008—2018 йылдарҙа Рәсәй президенты ярҙамсыһы — РФ президентының Контроль идаралығы начальнигы була^[5].

2018—2020 йылдарҙа — Рәсәй Хөкүмәте рәйесе Д. А. Медведевтың урынбаҫары — РФ Хөкүмәте аппараты етәксеһе^[5].

2019 йылдың 8 апрелендә премьер-министр Медведевтың ҡушыуы буйынса яңы Административ хоҡуҡ боҙоуҙар тураһындағы кодекс булдырыу буйынса эш төркөмөн етәкләй.

2020 йылдың 21 ғинуарынан — Михаил Мишустин хөкүмәтендә Рәәсй Федерацияһының юстиция министры^[6][5].

2024 йылдың 14 майынан вазифаһынан ҡайтанан тәғәйенләнә^[7].

2013 йылдан — «Центр „Амурский тигр“» автономиялы коммерцияға ҡарамаған ойошманың күҙәтеүселәр советы рәйесе. 2019 йылдың 3 сентябренән — юлбарыҫ популяцияһын һаҡлау буйынса Халыҡ-ара форумды ойоштороу һәм үткәреү буйынса ойоштороу комитеты рәйесе^[8].

• Атаһы — Анатолий Константинович Чуйченко (1936), СССР-ҙың Йәмәғәт тәртибен һаҡлау министрлығы органдарында хеҙмәт итә, 1978—1983 йылдарҙа Ленинград өлкәһенең Всеволожск ҡалаһы прокуроры була, 1985 йылда Төньяҡ-Көнбайыш транспорт прокуратураһына күсрелә, унда 1996 йылға тиклем эшләй^[4].

• Ҡатыны — Кристина Тихонова. Ғаиләлә өс ҡыҙ үҫә^[9].

• IV дәрәжә «Ватан алдындағы ҡаҙаныштары өсөн» ордены (3 август 2011)^[10].
• Почёт ордены (23 март 2006)^[11][5].
• Александр Невский ордены (21 март 2014)^[5].
• II дәрәжә Преподобный Сергий Радонежский ордены (2 апрель 2024)^[12].

• Рәсәй Федерацияһының ғәмәлдәге дәүләт юстиция советнигы (9 август 2020).
• Рәсәй Федерацияһының 1-се класлы ғәмәлдәге дәүләт советнигы (15 август 2008).