Ҡолмөхәмәтов Энгельс Вәрис улы

Энгельс Вәрис улы Ҡолмөхәмәтов 1951 йылдың 1 октябрендә Башҡорт АССР-ының Салауат районы Иҫке Ҡаратаулы (хәҙер Малаяҙ ауылы) ауылында тыуған. 1974 йылда «инженер-механик» һөнәре буйынса Өфө нефть институтын (хәҙер Өфө дәүләт нефть техник университеты) тамамлаған, 1988 йылда «хоҡуҡ һаҡлау өлкәһендә юрист-ойоштороусы» һөнәре буйынса СССР Эске эштәр министрлығы Академияһын тамамлаған^[1].

• 1969—1974 йылдар — Өфө нефть институты (хәҙер Өфө дәүләт нефть техник университеты) студенты.
• 1974—1976 йылдар — Совет Армияһында хеҙмәт итеү, взвод командиры^[1][2].
• 1976—1978 йылдар — Урал-Себер нефть үткәргестәр идаралығы инженеры.
• 1978—1980 йылдар — ВЛКСМ-дың Өфө ҡалаһы Совет район комитетының икенсе секретары.
• 1980—1981 йылдар — КПСС-тың Өфө ҡалаһы Совет район комитеты ойоштороу бүлеге инструкторы.
• 1981—1986 йылдар — ВЛКСМ-дың Өфө ҡала комитетының икенсе, аҙаҡтан беренсе секретары.
• 1986—1988 йылдар — СССР Эске эштәр министрлығы Академияһы тыңлаусыһы.
• 1988—1991 йылдар — БАССР Эске эштәр министрлығының Йәмәғәт тәртибен һаҡлау идаралығында башлыҡ урынбаҫары.
• 1991—1993 йылдар — Башҡортостан Республикаһы Эске эштәр министрлығы Йәмәғәт именлеге хеҙмәтенең башлыҡ урынбаҫары.
• 1993—1994 йылдар — БАССР Эске эштәр министрлығы ҡарамағындағы «Һаҡ» берекмәһе, һуңынан ведомствонан тыш һаҡлау идаралығы етәксеһе.
• 1994—2002 йылдар — Башҡортостан Республикаһының Һалым полицияһы департаменты директоры, һуңынан Рәсәй Федерацияһы һалым полицияһы федераль хеҙмәтенең Башҡортостан Республикаһы буйынса идаралығы етәксеһе^[1][2].
• 1998 йылдан — Башҡортостан Республикаһы Биатлон федерацияһы рәйесе.
• 2002 йыл — Башҡортостан Республикаһы Премьер-Министры урынбаҫары (март-декабрь)^[1].
• 2002—2007 йылдар — Рәсәй Президентының Волга буйы федераль округындағы тулы хоҡуҡлы вәкиле аппаратының Башҡортостан Республикаһы буйынса Баш федераль инспекторы.
• 2007 йыл — Башҡортостан Республикаһы Президенты кәңәшсеһе.
• 2007—2010 йылдар — Берҙәм Рәсәй Бөтөн Рәсәй сәйәси фирҡәһенең Башҡортостан төбәк бүлексәһенең сәйәси советы секретары.
• 2007—2011 йылдар — Рәсәй Федераль Йыйылышының Дәүләт Думаһы депутаты. «Берҙәм Рәсәй» фракцияһы һәм Именлек буйынса комитет ағзаһы.
• 2012—2016 йылдар — «Янғантау» санаторийы директоры.

Иҡтисад фәндәре кандидаты (2007)^[3].

1998 йылдан Башҡортостан Республикаһы Биатлон федерацияһы рәйесе вазифаһын биләй. Был вазифаһында республикала биатлонды үҫтереүҙе, спортсыларҙы әҙерләүҙе һәм ярыштар үткәреүҙе ойоштора.

• «Халыҡтар Дуҫлығы» ордены (2011)^[2];
• II дәрәжә «Ватан алдындағы хеҙмәттәре өсөн» орденының миҙалы (1997).^[2]
• Салауат Юлаев ордены (2001)^[2];
• «Башҡортостан Республикаһы алдындағы хеҙмәттәре өсөн» ордены (2016)^[4];
• «Хеҙмәт батырлығы өсөн» миҙалы (1986);
• Башҡортостан Республикаһының атҡаҙанған юрисы (2000);
• Һалым полицияһының почётлы хеҙмәткәре (1996);
• «Эске эштәр министрлығында яҡшы хеҙмәте өсөн» билдәһе (1989);
• Рәсәй Дәүләт Думаһының Маҡтау грамотаһы (2011);
• Башҡортостан Республикаһының Маҡтау грамотаһы (2000);
• Башҡортостан Республикаһы Хөкүмәтенең Маҡтау грамотаһы (2006);
• Башҡортостан Республикаһы Дәүләт Йыйылышы — Ҡоролтайҙың Маҡтау грамотаһы (2006);
• Рәсәй Эске эштәр министрлығының Маҡтау грамотаһы (2011).^[2]