1936 йылғы йәйге Олимпия уйындары

1936 йылғы йәйге Олимпия уйындары 1936 йылдың 1 авгусынан 16 авгусына тиклем Германияның баш ҡалаһы Берлинда үтә. Был уйындар Икенсе донъя һуғышына тиклем һуңғыһы була, һәм 49 ил һәм 3961 спортсы ҡатнаша.

Асыу тантанаһында олимпия уты тоҡандырыу традицияһы дауам ителә (1928 йылда башлана). Бынан тыш, тәүге тапҡыр Олимпия уты эстафетаһы үткәрелә. Олимпияла тоҡандырылған утты йүгереүселәр ҡулдан-ҡулға тапшырып килтереп еткерәләр. Инициаторы — Олимпия уйындарын ойоштороу комитетының генераль секретары Карл Дим^[1]: идеяһы грек лампадодромияһы ритуалына барып тоташа.

Уйындарҙы асыу тантанаһы тәүге тапҡыр телевидениела тура эфирҙа күрһәтелә.

1920-се йылдарҙың аҙағында 1936 йылғы йәйге Олимпия уйындарын үткәреү хоҡуғына Мысырҙың Александрия, Испанияның Барселона, Венгрияның Будапешт, Аргентинаның Буэнос-Айрес, Ирландияның Дублин, Финляндияның Хельсинки, Бразилияның Рио-де-Жанейро, Италияның Рим һәм АҠШ-тың Луизиана, шулай уҡ Германияның Берлин, Кёльн һәм Майндағы Франкфурт ҡалалары дәғүә итә. Һуңғы һайлау мәленә Берлин, Барселона ҡала. Ярышты Германияла үткәрергә ҡарар ителә. Германияла Милли социалистик партияның власҡа килеүе Халыҡ-ара олимпия комитетының ҡарарына йоғонто яһамай.

Ҡатнашыусы илдәр һаны буйынса уйындар рекорды була. Уйындарҙа тәүге тапҡыр Афғанстан, Бермуд, Боливия, Коста-Рика һәм Лихтенштейн ҡатнаша. Әммә Испания һәм Литва сәйәси сәбәптәр арҡаһында нацист Германияһында үткән ярышҡа бойкот иғлан итә.

Миҙалдарҙың дөйөм иҫәбе
№	Ил	Алтын	Көмөш	Бронза	Бөтәһе
1	Германия	33	26	30	89
2	АҠШ	24	20	12	56
3	Венгрия	10	1	5	16
4	Италия	8	9	5	22
5	Финляндия	7	6	6	19
6	Франция	7	6	6	19
7	Швеция	6	5	9	20
8	Япония	6	4	8	18
9	Нидерланд	6	4	7	17
10	Бөйөк Британия	4	7	3	14