1924 йылғы йәйге Олимпия уйындары

VIII Олимпиада
Файл:1924 Summer Olympics logo.png
Ойоштороусы ҡала	Париж, Франция
Ҡатнашыусы илдәр	44
Спортсылар һаны	3089
Уйнатылған миҙалдар	17 спорт төрөндә 126 миҙал тупланмаһы
Асыу тантанаһы	5 июль 1924
Аса	Гастон Думерг
Ябыу тантанаһы	27 июль 1924
Олимпия уты	юҡ, 1928 йылда индерелә
Олимпия анты	Жорж Андре
Стадион	Стад Олимпик
Сайт	olympic.org/paris-1924
1920 1928
РУВИКИ.Медиа файлдары

VIII йәйге Олимпия уйындары (ингл. 1924 Summer Olympics, франц. Jeux olympiques d'été de 1924, рәсми атамаһы — VIII Олимпиа́да) 1924 йылдың 4 майынан 27 июленә тиклем Францияның баш ҡалаһы Парижда үтә. Быға тиклем Олимпия уйындары 1900 йылда Парижда ойошторола.

Олимпиада баш ҡалаһын һайлау

Уны ойоштороуға алты ҡала: Амстердам, Барселона, Лос-Анджелес, Париж, Прага һәм Рим дәғүә итә. 1924 йылдан хәҙерге олимпия хәрәкәтенең 30 йыллығы булғанлыҡтан, Кубертендың ҡаҙаныштарын билдәләп, VIII Олимпиада уйындарын Парижда үткәреү тураһында ҡарар сығарыла. Францияның баш ҡалаһы — Халыҡ-ара олимпия комитеты тарафынан Олимпия уйындарын ойоштороуға ике тапҡыр ышаныс күрһәтелгән беренсе ҡала.

Ярыштарҙы ойоштороу

Ярыштар бик яҡшы ойошторола, ҡатнашыусылар һаны буйынса бөтә рекордтарҙы ла үтеп китә. Германия командаһы, алдағы уйындарҙағы кеүек үк, саҡырылмай. Париж уйындары иң күп кеше ҡатнашҡан уйындарҙың береһе була. Дөйөм алғанда, уларҙы 625 821 кеше ҡарай.

VIII олимпиада Пьер де Кубертен етәкселегендәге һуңғы олимпиада була.

Олимпиадала тәүге тапҡыр олимпия девизы барлыҡҡа килә. Ул өс латин һүҙенән тора — «Citius, Altius, Fortius!» (тәржемәһе — «Тиҙерәк, юғарыраҡ, көслөрәк!»).

Марафон дистанцияһының оҙонлоғо 42 195 метрға тиң тип ҡабул ителә, ул бөгөнгө көнгә тиклем шулай булып ҡала килә.

Ҡатнашыусы илдәр

1924 йылғы йәйге Олимпия уйындарында түбәндәге илдәр ҡатнаша: Австралия, Австрия, Аргентина, Бельгия, Болгария, Бразилия, Бөйөк Британия, Венгрия, Греция, Гаити, Дания, Мысыр, Һиндостан, Ирландия, Испания, Италия, Канада, Сербтар, Хорваттар һәм Словендар короллеге, Куба, Латвия, Литва, Люксембург, Мексика, Монако, Нидерланд, Яңы Зеландия, Норвегия, Польша, Португалия, Румыния, АҠШ, Төркиә, Уругвай, Филиппин, Финляндия, Франция, Чехословакия, Чили, Швеция, Швейцария, Эквадор, Эстония, Көньяҡ Африка, Япония. Ирландия, Литва, Мексика, Польша, Румыния, Уругвай, Филиппин һәм Эквадор спортсылары тәүге тапҡыр ҡатнаша.

Наградалар статистикаһы

1924 йылдан башлап Олимпиаданың рәсми булмаған команда зачетына йомғаҡ яһағанда, спортсылар һәм командалар яулаған алты призлы урын иҫәпкә алына башлай: беренсе урын — 7 мәрәй, икенсеһе — 5 мәрәй, өсөнсөһө — 4, дүртенсеһе — 3, бишенсеһе — 2, алтынсыһы — 1 мәрәй менән баһалана..

1924 йылғы йәйге Олимпия уйындары
Урын	Ил	1	2	3	Бөтәһе
1	АҠШ	45	27	27	99
2	Финляндия	14	13	10	37
3	Франция	13	15	10	38
4	Бөйөк Британия	9	13	12	34
5	Италия	8	3	5	16
6	Швейцария	7	8	10	25
7	Норвегия	5	2	3	10
8	Швеция	4	13	12	29
9	Нидерланд	4	1	5	10
10	Бельгия	3	7	3	13
11	Австралия	3	1	2	6
12	Дания	2	5	2	9
13	Венгрия	2	3	4	9
14	Сербтар, Хорваттар һәм Словендар короллеге	2	0	0	2
15	Чехословакия	1	4	5	10
16	Аргентина	1	3	2	6
17	Эстония	1	1	4	6
18	Көньяҡ Африка	1	1	1	3
19	Уругвай	1	0	0	1
20	Австрия	0	3	1	4
	Канада	0	3	1	4
22	Польша	0	1	1	2
23	Гаити	0	0	1	1
23	Япония	0	0	1	1
23	Яңы Зеландия	0	0	1	1
23	Португалия	0	0	1	1
23	Румыния	0	0	1	1
		126	127	125	378

Һылтанмалар

• Страница Олимпиады (ингл.). Официальный сайт МОК.