1932 йылғы йәйге Олимпия уйындары

X йәйге Олимпия уйындары (ингл. 1932 Summer Olympics), рәсми атамаһы — Х Олимпиада уйындары (ингл. Games of the X Olympiad), 1932 йылдың 30 июленән 14 авгусына тиклем АҠШ-тың Лос-Анджелес ҡалаһында үтә.

Уйындар Бөйөк көрсөк шарттарында үткәнлектән, күп илдәр һәм спортсылар Лос-Анджелесҡа барыу өсөн аҡса таба алмай. 1928 йылда Амстердамда үткән йәйге Олимпия уйындарында ҡатнашыусыларҙың яртыһынан күберәге 1932 йылда ярышта ҡатнашмай. АҠШ президенты Герберт Гувер килмәй, ул — үҙ илендә үткән Олимпиадала ҡатнашмаған беренсе хөкүмәт башлығы (Олимпиаданы АҠШ вице-президенты Чарльз Кертис аса).

Олимпиаданың Ойоштороу комитеты финанс иҫәбе алып бармай. Әммә һөҙөмтәләр тураһындағы отчетта уйындарҙың 1000 000 АҠШ доллары килем биреүе күрһәтелә.

Файл:1932S medal b.jpg

X йәйге Олимпия уйындары миҙалы

Ир-егеттәр өсөн олимпия ауылы Болдуин-Хиллзда төҙөлә. Чапман паркында ҡатын-ҡыҙ спортсылар урынлаштырыла. Лос-Анджелеста талаптарына яуап биргән стадион булмағанлыҡтан, ярыштар Колизей мемориалында үтә. Уйындар хөрмәтенә Лос-Анджелестың унынсы урамы Олимпия бульвары тип үҙгәртелә.

Ярыштарҙа 37 ил спорт делегацияһы ҡатнаша: Австралия, Австрия, Аргентина, Бельгия, Бразилия, Бөйөк Британия, Венгрия, Германия, Греция, Гаити, Дания, Һиндостан, Ирландия, Испания, Италия, Канада, Китай, Колумбия, Латвия, Мексика, Нидерланд, Яңы Зеландия, Норвегия, Польша, Португалия, АҠШ, Уругвай, Филиппин, Финляндия, Франция, Чехословакия, Швеция, Швейцария, Эстония, Югославия, Көньяҡ Африка, Япония. Ҡытай һәм Колумбия спортсылары тәүге тапҡыр ҡатнаша.

1928 йылғы йәйге Олимпия уйындары программаһына түбәндәге спорт төрҙәре инә:

Урын	Ил	Алтын	Көмөш	Бронза	Барлығы
1	АҠШ	41	32	30	103
2	Италия	12	12	12	36
3	Франция	10	5	4	19
4	Швеция	9	5	9	23
5	Япония	7	7	4	18
6	Венгрия	6	4	5	15
7	Финляндия	5	8	12	25
8	Бөйөк Британия	4	7	5	16
9	Германия	3	12	5	20
10	Австралия	3	1	1	5