1928 йылғы ҡышҡы Олимпия уйындары

РУВИКИ — интернет энциклопедия мәғлүмәте
II ҡышҡы Олимпия уйындары
Плакат зимних Олимпийских игр 1928
Плакат зимних Олимпийских игр 1928
Ойоштороусы ҡала Флаг Швейцарии Санкт-Мориц, Швейцария
Ҡатнашыусы илдәр 25 [1]
Спортсылар һаны 464
(438 ир-егет, 26 ҡатын-ҡыҙ)[1]
Уйнатылған миҙалдар 8 спорт төрөндә 14 миҙал тупланмаһы[1]
Асыу тантанаһы 11 февраль 1928[2]
Аса Эдмунд Шультес[1]
Ябыу тантанаһы 19 февраль 1928[2]
Олимпия уты яндырылмай
Олимпия анты Флаг Швейцарии Ханс Айденбенц (саңғы ярыштары, саңғы ике бәйгеһе, трамплиндан һикереү)[1]
Стадион Олимпия конькиҙа йүгереү стадионы
Сайт olympic.org/st-mo… (инг.)
Логотип РУВИКИ.Медиа 1928 йылғы ҡышҡы Олимпия уйындары РУВИКИ.Медиа проектында

1928 йылғы ҡышҡы Олимпия уйындары (франц. Jeux olympiques d'hiver de 1928, ингл. 1928 Winter Olympics, нем. Olympische Winterspiele 1928; рәсми атамаһы — II ҡышҡы Олимпия уйындары (франц. IIes Jeux olympiques d'hiver, ингл. II Olympic Winter Games, нем. II. Olympischen Winterspiele)) — 1928 йылдың 11 — 19 февралендә Санкт-Морицта үткән мультиспорт сараһы. Уйындарҙа 25 илдән 464 спортсы ҡатнаша, шуларҙың 9-ы ҡышҡы Олимпиадала беренсе тапҡыр ҡатнаша. 8 дисциплинала 14 миҙал тупланмаһы уйнатыла. Тағы ике спорт төрө күрһәтмә төр була. Рәсми булмаған миҙал зачетында беренсе урынды Норвегия командаһы яулай, улар 15 миҙал яулай, шуларҙың 6-һы — алтын, 4-е — көмөш һәм 5-е — бронза.

олимпиада баш ҡалаһын һайлау[үҙгәртергә | вики-тексты үҙгәртергә]

1924 йылда Шамониҙа ҡышҡы спорт төрҙәренең беренсе Халыҡ-ара спорт аҙналығы уңышлы үткәрелгәндән һуң, 1925 йылдың майында Прагала үткән Халыҡ-ара олимпия комитетының 24-се сессияһында был сараны һәр дүрт йыл һайын «Ҡышҡы Олимпия уйындары» исеме аҫтында ойоштороу тураһында ҡарар ҡабул ителә.[3]. Ҡышҡы һәм йәйге Олимпия уйындары менән бер йылда үтергә тейеш була. Шул уҡ сессияла I ҡышҡы Олимпия уйындарын үткәреү хоҡуғын Швейцарияға бирергә ҡарар ителә.[3].

Ул саҡтағы ҡағиҙәләр буйынса, йәйге Олимпия уйындарын ҡабул иткән ил, әгәр уның өсөн шарттар булһа, ҡышҡы Олимпия уйындарын да ойоштора ала. Әммә 1928 йылғы йәйге уйындарҙы Амстердамда үткәргән Голландия географик шарттар арҡаһында (башлыса, илдә тау массивтары булмау сәбәпле) үткәрә алмай. Швейцария федераль советы үткәрергә ризалаша, илдең милли олимпия комитеты барон Годфруа де Блонеға ҡышҡы Олимпия уйындарын үткәреү өсөн уның кандидатураһын тәҡдим итергә ҡуша[3].

Санкт-Мориц, Давос һәм Энгельберг ҡалаларының ғаризаһы ҡарала. 1926 йылдың майында Халыҡ-ара олимпия комитетының Лиссабонда үткән ултырышында Олимпиаданы үткәреү хоҡуғы Санкт-Морицҡа тапшырыла. Шулай уҡ 1924 йылда Шамониҙа үткәрелгән Халыҡ-ара спорт аҙналығының рәсми рәүештә «I ҡышҡы Олимпия уйындары» тип аталыуы ҡарала.[3].

Ҡатнашыусы илдәр[үҙгәртергә | вики-тексты үҙгәртергә]

Олимпиадала 25 илдән 464 спортсы (438 ир-ат һәм 26 ҡатын-ҡыҙ) ҡатнаша[1]. Бөтә илдәр ҙә Санкт-Морицҡа 1924 йылғы ҡышҡы Олимпия уйындарында ҡатнашҡан спортсыларын ебәрә. 9 ил тәүге тапҡыр килә: Аргентина, Германия (Беренсе донъя һуғышын башлағаны өсөн Шамониҙағы уйындарға индермәйҙәр), Литва, Люксембург, Мексика, Нидерланд, Румыния, Эстония һәм Япония.

Аргентина һәм Япония ҡышҡы Олимпия уйындарында Көньяҡ Американан һәм Азиянан ҡатнашҡан тәүге йыйылма командалар була. Сағыштырыу өсөн: шул уҡ йылда Амстердамда үткән йәйге Олимпия уйындарында 46 команда ҡатнаша[4].

Йәйәләрҙә һәр илдең спортсылары һаны күрһәтелгән.

Йәшел — ҡышҡы Олимпия уйындарында ҡатнашҡан илдәр
Күк — ҡышҡы Олимпия уйындарында беренсе тапҡыр ҡатнашҡан илдәр
Һары нөктә — уйындар үткәрелеү урыны (Санкт-Мориц).

Һөҙөмтәләр[үҙгәртергә | вики-тексты үҙгәртергә]

Миҙал иҫәбе[үҙгәртергә | вики-тексты үҙгәртергә]

Файл:1928W medal b2.jpg
Санкт-Морицта ҡышҡы Олимпия уйындары миҙалы
Ил Алтын Көмөш Бронза Бөтәһе
1 Норвегия Норвегия 6 4 5 15
2 Америка Ҡушма Штаттары АҠШ 2 2 2 6
3 Швеция Швеция 2 2 1 5
4 Финляндия Финляндия 2 1 1 4
5 Франция Франция 1 0 0 1
5 Канада Канада 1 0 0 1
7 Австрия Австрия 0 3 1 4
8 Бельгия Бельгия 0 0 1 1
8 Швейцария Швейцария 0 0 1 1
8 Бөйөк Британия Бөйөк Британия 0 0 1 1
8 Германия (1918-1933) Германия 0 0 1 1
8 Чехословакия Чехословакия 0 0 1 1

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 1,3 1,4 1,5 St. Moritz 1928. МОК. Дата обращения: 30 декабрь 2012. Архивировано 10 ғинуар 2013 года. (инг.) (фр.)
  2. 2,0 2,1 John E. Findling, Kimberly D. Pelle; p. 290
  3. 3,0 3,1 3,2 3,3 Comité olympique suisse; p. 4
  4. Amsterdam 1928. МОК. Дата обращения: 3 ғинуар 2012. Архивировано 10 ғинуар 2013 года. (инг.) (фр.)

Әҙәбәит[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]