Шәбеҙбаш

Шәбеҙбаш (Шабызбаш^[2]; татар. Шәбезбаш, рус. Шабизбашево) — Рәсәй Федерацияһы Татарстан Республикаһы Аҡтаныш районы ауылы.

Ауыл Шәбеҙ йылғаһы буйында, Аҡтаныш ауылынан көньяҡ-көнбайышҡа табан 31 км алыҫлыҡта урынлашҡан^[3].

Бүләр ырыуы башҡорттары менән 1740 йылда килешеү төҙөгән типтәрҙәр Шәбеҙбаш ауылына нигеҙ һала. Ауыл Бүләр улусының Ҡалмаш түбәһенә ҡарай, һуңыраҡ был улус Ырымбур губернаһы Минзәлә өйәҙенә ҡарай. 1865 йылда Минзәлә өйәҙе Өфө губернаһына инә. 1866 йылда ырыу улустары бөтөрөлгәс, ауыл Байсар улусы составына керә^[4].

XX быуат башында ауылда мәсет теркәлгән^[3].

1920 йылда ауыл яңы ойошторолған Татар АССР-ының Минзәлә кантоны составына керә. 1930 йылдан Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составында була^[3].

1848 йылда ауылда 170 типтәр, 1870 йылда — 229 типтәр, 1912 йылда — 366 типтәр иҫәпләнгән^[4].

Йылдар буйынса халыҡ иҫәбе
(Сығанаҡ: ^[3])
1795	1859	1870	1884	1897	1906	1913	1920	1926	1938	1949	1958	1970	1979	1989	2002	2010
66	218	229	269	307	395	379	287	315	273	186	152	182	111	78	65	67

↑ ОКТМО (урыҫ)
↑ Камалов А. А., Камалова Ф. У. Атайсал. — Уфа: Башкирское издательство «Китап», 2001. — С. 383. — 544 с. — ISBN 5-295-02882-8.
↑ ¹ ² ³ ⁴ ⁵ Татарская энциклопедия.
↑ ¹ ² Асфандияров А. З. Аулы мензелинских башкир. — Уфа: Китап, 2009. — С. 491—492. — 600 с. — ISBN 978-5-295-04952-1.

География